Stöndum saman Suðurnesjamenn.

 

Stöndum saman.

 

Það er óhætt að segja að fundur sá sem haldinn var í Garðinum  nú í kvöld  hafi verið athyglisverður. Athyglisverður fyrir þær sakir að þar opnuðu menn augun, og sá blákaldi veruleiki sem við blasir varð nú opinber. Væntingarvísitalan hrundi þrátt fyrir og kannski einmitt vegna tilraunar þess sem skapað hefur væntingarnar  til að tala þær upp, misheppnuðust. Hugurinn leitaði til baka til útrásarvíkinganna sem á sínum tíma reyndu að kjafta  upp stöðuna.

Það er öllum ljóst sem á þessum fundi voru að ekkert af því sem væntingarvísitölumennirnir hafa sagt að væri ríkistjórninni að kenna, stenst lengur. Og  hefur aldrei verið á raunveruleikanum byggt. Það var staðfest af framkvæmdarstjóra Norðuráls sem sagði að öll leyfi lægju fyrir og iðnaðarráðherra hefði staðið sína pligt og vel það , þó hann hnýtti létt í Vinstri græna.  Við því var að búast. Vandamálið fælist í að orkufyrirtækin gætu ekki við núverandi kringumstæður fjármagnað sinn hlut, auk þess sem djúpur ágreiningur væri á milli sveitarfélaga á svæðinu um hvernig skyldi farið með þá orku sem til skiptanna gæti verið. Hve mikil hún er, er heldur ekki vitað.

Það virðist því ljóst að sú undirstöðuvinna sem nauðsynleg er til að tryggja framgang slíks verkefnis hafði  ekki verið unnin almennilega. Þrátt fyrir annað hafi verið sagt.

En það sem þó upp úr stóð á fundinum og opinberaði endanlega hvernig þær væntingar sem skapaðar hafa verið eru byggðar á sandi , var spurning bæjarstjórans í  Reykjanesbæ til forsvarsmanns Norðuráls um að hann svarði nú því hvenær álversframkvæmdir færu á fullt. Forsvarsmaður Norðuráls svaraði þá fundargestum og bæjarstjóranum, að þessari spurningu gæti hann ekki svarað.  Það kom sum sé í ljós að eini maðurinn sem hefur getað  og hefur svarað spurningunni er bæjarstjórinn í Reykjanesbæ. En  þeir sem sem að málinu vinna geta það ekki , þvi þeir vita að mörg ljón eru ennþá í veginum . En bæjarstjórinn  hefur nú líka sagt svo margt undanfarin ár sem ekki hefur staðist.  Það sýnir afkoma bæjarins.

Það að nú sé innan við  10 af þeim 60 starfsmönnum sem nú eru við störf á vinnusvæði Norðuráls  frá Suðurnesjum er náttúrulega ekki gott. Það sýnir að mikil þörf var fyrir þennan fund og þörf á samstöðu okkar Suðurnesjamanna.  Það væri betra  að fyrirtæki sem tryggja á hér hundruðir starfa næstu árin myndi  gera kröfu  til verktaka sinna um að Suðurnesjamenn skuli  látnir ganga fyrir um störf ef unnt væri. Hér er atvinnuleysi mest á landinu öllu. Þar ætti að vera auðvelt  ná samkomulagi við þá Norðurálsmenn um það.  Þá værum við kannski að byrja á byrjuninni og byggja grunn  sem hægt væri að treysta á.

Það er okkar á Suðurnesjum að skapa samstöðu um þau verkefni sem til heilla geta orðið. Og þá er betra að tala um stöðuna eins og hún er. Hafa það sem réttast reynist , en sleppa því sem ekki byggist á staðreyndum. Hefði það verið gert undanfarin átta ár væri staða bæjarfélagsins ekki nærri eins slæm og nú er. Stöndum saman um sannleikann og vinnum okkur út úr þeim vanda sem við er að etja.

Athugasemdir

[Úrsúla Jünemann, 5.3.2010 kl. 12:32]

Nýlega vann Árni Sigfússon prófkjörið Sjálfstæðismanna með yfirburði. Ég skil satt að segja ekki suðurnesjamenn sem vilja hafa þennan mann áfram í bæjarstjórn. Á fólk sem kýs þannig nokkuð betra skilið?

[Viðar (IP-tala skráð) 5.3.2010 kl. 13:49]

með yfirburðum Ursula!! Ég efast um að þú þekkir nokkuð til Suðurnesja.  Hér hefur verið blómleg uppbygging og það er RÍK ástæða fyrir því að Árni Sigfússon og flokkur hans hefur 60% fylgi í bænum. ÁRNI FÉKK YFIRBURÐAKOSNINGU Í EFSTA SÆTIÐ, ÞAÐ ER ÁSTÆÐA FYRIR ÞVÍ. Hugsa meira að segja að Sjálfstæðisflokkurinn vinni stærri sigur núna slík er sundrungin og leiðindin í eina flokknum sem fer líklega gegn þeim, samfylkingunni.  Við erum heppin hér að VG á ekki mikinn hljómgrunn á svæðinu!   Þú talar um á fólk sem kýs þannig mann eitthvað betra skilið?  Nú veit ég ekki hvað þú átt við en atvinnuleysið sem er á Suðurnesjum er ekki Árna um að kenna.  Þvert á móti hefur hann barist eins og Ljón fyrir aukinni atvinnu-uppbyggingu.  Það eru vonandi framkvæmdir að fara að hefjast í sumar við Álverið í Helguvík (deili ekki svartsýni Hannesar og það er ástæða fyrir að honum var hafnað í prófkjöri Samfylkingar - líklega neikvæðnin), þessu frábæra verkefni sem á eftir að færa suðurnesjunum og þjóðinni allri mikil verðmæti. 

Þú skilur þetta ekki og það er kannski rík ástæða fyrir því??  amk þá myndi ég ekki vera að tjá mig, þú ert ekki í stakk búin til þess. Taktu því eins og þú vilt Urslula Junemann (segir allt)

[Hannes Friðriksson , 5.3.2010 kl. 15:35]

Blessaður Viðar.

Ég veit nú ekki alveg hvort rétt sé að deila skoðun þinni um ástæðuna fyrir yfirburðum hjá Árna, að það sé þeirri blómlegu uppbyggingu sem þú segir hann hafa staðið fyrir að þakka. En það er þó rétt að hér hefur mikið verið byggt. Og fyrir það á bærinn eftir að borga í nokkuð mörg ár að ég tel, rúmlega 1.200 milljónir á ári. Ég var nú svna að velta fyrir mér hver ástæðan fyrir slíkri yfirburðarkosningu í sæti gæti verið, og kemur helst í hug að enginn annar bauð sig fram í það sæti. Við sjáum hvernig fór fyrir helsta meðreiðarsveini Árna og raunar þeim eina sem tilbúinn var að halda áfram með honum. Það ætti kannski að segja okkur eitthvað.

Þetta með neikvæðnina er náttúrulega eitthvað sem ég hef svo sem heyrt áður úr þessari átt, en hindrar þó ekki að ennþá vakna ég glaður og hamingjusamur á hverjum morgni. En gerir þú það ? Ég hef einhvern veginn þá trú að ég hafi bara lent í því sæti sem mér var ætlað, og lít alls ekki á það sem höfnun, heldur þvert á móti stuðning þeirra sem þó kusu mig, og merkilegt nokk voru þeir bara nokkuð margir eða um það 1000 manns.

Glöggt er gests augað segir máltækið, og skoðun Úrsulu finnst mér ekki svo galin. En held þó að við eigum eitthvað betra skilið en flokk sem á átta árum hefur komið þessu bæjarfélagi nánast á höfuðið.

Megir þú njóta helgarinnar á sem allra besta hátt, glaður í sinni og með bros á vör.

Með bestu kveðju

Hannes

[Viðar (IP-tala skráð) 5.3.2010 kl. 15:43]

Óska þér einnig góðrar helgar.

Þrátt fyrir að aðstæður séu nú erfiðar í fjármálum bæjarins kostar uppbygging sitt og hef ég enga aðra trú en að sú uppbygging fari að skila arði áður en langt líður.   Athugasemd Ursulu er vart svaraverð og sé ég eftir því að hafa verið að svara henni, hún er ekki marktæk í neinni umræðu hér á vefnum.

En hafðu það gott,

með bros á vör.

Viðar

[Halldór (IP-tala skráð) 5.3.2010 kl. 21:11]

Margt til í þessu hjá þér Hannes.  Vonum að betri tíð sé í vændum og að sjallarnir nái að bjarga því sem bjargað verður.  Álverið kemur en hvenær?  Allt of mörg "ef" í þessu öllu saman.