Stöndum vörð um það sem skiptir máli.

 

Hin ýmsu hagsmunasamtök hafa undanfarið hamrað á hættunni af óargadýrinu. Dýrinu  sem sogar allt fjármagnið til sín. Óargadýrirð á að vera  hallarekstur ríkissjóðs. Hallarekstur sem sem grundvallast að mestu á þeirri  þjónustu sem við hingað til höfum verið  verið sammála um að betra væri að sinna sameiginlega en sitt í hvoru lagi.  Við viljum velferðarsamfélag sem tryggir  borgurum landsins jafnan rétt  og öryggi

Heilbrigðisþjónusta, menntun, samgöngumál, löggæsla   og mörg önnur mál tengd velferð borgarans flokkast þarna undir. Í kjölfar hruns frjálshyggjunnar er öllu því sem áður hafði verið byggt upp ógnað. Í stað samstöðu um að standa vörð um það sem okkur öllum er mikilvægt sameiginlega, er hinn opinberi rekstur gerður að okkar helsta vandamáli. Óargadýri.

Víst er að við getum á sparað á margan hátt í rekstri hins opinbera, og stillt kröfum okkar í hóf tímabundið.Á það á að láta reyna.  Á meðan við vinnum okkur út úr vandamálum þess er hin taumlausa  græðgi frjálshyggjunnar kallaði yfir okkur. En við megum ekki ganga svo langt að rústa þeim stoðum sem við byggjum líf okkar á. Hið opinbera hlýtur að vera sá vettvangur sem sinnir sameiginlegum þörfum okkar.

Við verðum nú að hverfa frá hugsun sérhagsmunahópanna sem hópast hafa saman til að gæta sinna hagsmuna. Við verðum að gera þá kröfu að í nánustu framtíð að hér rísi upp velferðarsamfélag byggt á traustum grunni. Þar sem kröfur um að  framgangur sameiginlegra hagsmuna  ganga ofar öskri sérhagsmunahópanna.  Þar sem við getum verið  róleg, og treyst því að sanngjörn almannasjónarmið ráði för. Við eigum að standa vörð um það sem skiptir máli.

Athugasemdir

[Jón (IP-tala skráð) 22.6.2010 kl. 12:06]

Þetta ætti nú að vera einfallt. Raðaðu ÖLLUM málum í forgangsröð.

1) Heilbrigisþjónusta

2) Skólar

3) Samgöngur

...

...

...

x) Löggæsla

y) Utanríkisþjónusta

z) Lystamannalaun

Því neðar í röðinni, þeim mun meyri sparnaður þar að nást.

Einfallt. Keyrir ekki allt í kaf og heldur því sem halda þarf

[Aðalsteinn Agnarsson, 22.6.2010 kl. 13:50]

Það eru góð fiskimið fyrir utan hjá þér, það eru góðar hafnir út um alt land, sem ættu að mala þjóðini gull.

En hvað er að sjá, hafnir tómar, fiskimiðin auð. Já. Það vantar eitthvað, það eru smábátar og fólkinu vantar

vinnu. Getur þetta verið einfaldara. Veruleikin er sá að um 100 vinnsluskip eiga fiskin á fiskimiðunum þínum,

þar riðlast þau aftur og framm 365 daga á ári. Fiskimiðin eru bara svipur hjá sjón, þau eru að gefa 150.ooot

þorskur,  60.000t ýsa,  50.000t ufsi,  50.000t karfi. Þetta er þjóðarskömm hvað aflinn er lítill.

Góður lesandi, láttu ríkisstjórnina koma með frjálsar smábátaveiðar.

Það myndi jafna lífskjörin hjá fólkinu og fiskimiðin, já ef þau væru nýtt af smábátum, þá færu þau að gefa

þjóðini margfaldan afla frá því sem þau gefa í dag.

[itg (IP-tala skráð) 22.6.2010 kl. 21:11]

Hannes!  hvaða heilbrigðiskerfi, skóla og samgöngur ætlar þú að hafa ef löggæsla er ekki sett efst í goggunarröðina??

Er ekki lögreglumaður.  En þetta eru alda gömul vísindi.  Grikkir/Rómverjar t.d.