Lítil blaðra

 

Eitthvað virðist  þessir sólbjörtu dagar undanfarið hafa lagst illa í blaðamanninn Agnesi Bragadóttur, og ekki laust við að breytingarskeið það sem hún er að ganga í gegnum á Morgunblaðinu leggist eitthvað  illa í hana. Breytingaskeið  ýmiskonar er mér sagt lýsa sér einmitt oft með skapofsaköstum og allskonar ofskynjunum sem í  raun eiga sér enga stoð í raunveruleikanum.

Hún nefnir grein sína Á jarðsprengjusvæði , nafn sem gefur til kynna að nú sé eitthvað stórmerkilegt á  ferðinni , málefni sem vert sé að fjalla um. Þegar nánar er að gáð er greinin að mestu ógrundaður fúkyrðaflaumur í  garð forseta vors Hr.  Ólafs Ragnars Grímssonar. Vonandi er þetta ekki  hin nýja ritstjórnarstefna  sem  boðuð hefur verið.

Nú ætla ég mér alls ekki að fara að verja forseta vorn , vegna þess að í mínum huga þarf þess ekki , það vel hefur hann staðið sig, og sést kannski best á því engum datt í hug að bjóða sig fram á móti honum. Hinsvegar tel ég rétt að draga fram nokkur þeirra atriða sem Agnes skrifar um henni til athugunar, þegar æsingurinn rjátlar af henni.

Fyrir það fyrsta, og það ætti jafn reyndur rannsóknarblaðamaður og hún að vita, að þegar rætt er um eitthvað sem fólk á að hafa sagt , þykir það góður siður að nota tilvitnanir, en ekki gefa í skyn að eitthvað hafi verið sagt , eða að mann minni að slíkt hafi veið sagt. Sé sú aðferð notuð kallast það dylgjur, og gæti jafnvel lýst skítlegu eðli viðkomandi.

Hitt er svo annað sem mér fannst skrýtið í söguskýringu rannsóknarblaðamannsins , var hvernig hún nálgaðist  stöðu forsetans meðal þjóðarinnar , og nefndi þar til að ekki sé nóg að vera með þjóðinni eingöngu á hátíða  og tyllidögum eins og 17.júní og um áramót.  Þennan punkt hennar skildi ég ekki. Ég hef nú ekki betur séð en þau hjónin séu mjög öflug við að vera viðstödd og heimsækja hina margvíslegustu atburði víðsvegar um landið. Sá þeim meðal annars bregða fyrir bara fyrir nokkrum dögum í tilefni af 100ára afmæli Garðsins.  Og óhætt er að segja að hann hafi heldur betur verið með þjóð sinni , þegar hér var reynt að þröngva í gegnum þingið fjölmiðlafrumvarpinu fræga . En þetta hefði náttúrulega góður rannsóknarblaðamaður athugað ef hann vildi að eitthvað mark væri tekið á skrifum sínum.

Hvað varðar meinfýsni rannsóknarblaðamannsins  í sambandi við utanferðir forsetans , er ljóst að þann lið málsins þyrfti hún að athuga betur. Nú er það svo að flest okkar erum mjög sátt við þær utanferðir, og kannski sérstaklega vegna þess að hér er á ferð maður sem ekki eingöngu er að sinna þeirri skyldu sinni að fara í kurteisisheimsóknir, heldur hefur hann líka eitthvað til málanna að leggja, svo eftir er tekið. Og það um mál sem ofarlega er á baugi um víða veröld. Það er orkuvandamál og loftlagsvandamál heimsins. Þar hefur hann unnið mikið gagn.

Nei þessi grein var bara lítil blaðra, sem einu sinni hafði ekki verið blásið í og sagði því ekki puff, þegar á var stungið.

 

Athugasemdir

[Jenný Anna Baldursdóttir, 27.6.2008 kl. 12:47]

Ég er þér hjartanlega sammála Hannes.  Ómaklega að Ólafi vegið.

En mér finnst alltaf leiðinlegt þegar konur eru gagnrýndar með því að vísa í tíðahringi, breytingarskeið og afstöðu himintungla.

Ekki par málefnalegt.

En pistillinn er flottur.

[Hannes Friðriksson , 27.6.2008 kl. 13:15]

Blessuð Jenný

Auðvitað er þetta alveg hárrétt hjá þér, og ég biðst afsökunar. En læt þó pistilinn standa þar til mér dettur eitthvað betra í hug, sem ég tel að gæti betur lýst sálarástandi hennar betur. Þarna er ég þó fyrst og fremst að draga fram þær breytingar sem urðu á högum Agnesar við ritstjóraskiptin og tel að hluti þess ofsa sem hún sýnir stafi þar af. Öll getum við bæði konur og karlar umhverfst, þegar okkur finnst að okkur sótt og breytingar sem eru ekki okkur í hag framundan. Þetta var nú meinigin sem ég hafði á bak við eyrað á meðan ég skrifaði þetta. En nú verð ég að leggjast undir feld og hugsa þetta aðeins. Þangað til bið ég forláts og bið menn að leggja þessi orð mín út frá að hér sé um hreina karlrembu að ræða, því það er það ekki.

                                                                 Með bestu kveðju og von um fyrirgefningu

                                                                           Hannes

[Jenný Anna Baldursdóttir, 27.6.2008 kl. 13:23]

Point taken.

[Eyjólfuer Eysteinsson (IP-tala skráð) 27.6.2008 kl. 17:02]

Stuðningur og ánægja íslendinga með störf Ólafs Ragnars Gímsson hefur verið mikill öll þau ár sem hann hefur gengt embætti forseta Íslands og mkill mirihluti þeirra vildu að hann sæti áfram í embætti forseta næstu fjögur árin.Mikill minihluti kjósenda, um 10 % samkvæmt könnunum, hafa aldrei sættt sig við kosningu Ólafs Ragnars og hafa ekki látið forsetann njóta sannmælis.

Agnes Bragadóttir "blaðamaður" er í hópi þeirra sem ekki getur metið störf forsetans að verðleikum og sannar það enn með dæmalausri grein í Morgunblaðinu þar sem ofstækið hefur áhríf á skrif hennar og verður til þess að allan rökstuðning vanta .

Ég tek undir með þér Hannes Friðskissonenen en þú gengur undir nafninu íbúi Reykjanesbæja fyrir ómetanleg afskipi þín af málefnum Hitaveitu Suðurnesja , að það var tímabært að gera athugasemmdir við ofsafengin skrif Agnesar um forsetann og held ég að þú hafir á efitminnanlegan hátt sprengt skítabombu Agnesar.

Með bestu kveðjum

Eyjólfur Eysteinsson

[Hafsteinn Viðar Ásgeirsson, 29.6.2008 kl. 10:29]

Mjög góð athugasemd við afar rætna og ósmekklega grein "rannsóknarblaðamannsins".

Mér finnst líka mjög góð og auðskilin þessi tilvísun í breytingaskeið hennar og annarra á mogga og ástæða til að velta því fyrir sér hvort það geti verið ástæða svona skapofsakasta...?