Þjóðin það erum við !

"Þjóðin það erum við" eru skilaboðin sem Reykvíkingar og skipuleggjendur hátíðarhalda vegna heimkomu „ Strákana okkar“ senda okkur öðrum íbúum hér á landi í dag ef marka má  frétt í Vikurfréttum, þar sem kemur fram að fyrst verði lent í Reykjavík, til að sleppa ólympíuliðinu út.

 Nú skal lent í Reykjavík með silfurliðið sökum þess að þar eru þeir sem skipta máli þegar kemur að“ fagninu“ mikla.

Við erum bara svolítið sár sum hver hér á Suðurnesjum , sem séð höfðum fyrir okkur að ef til vill fengjum við nú smá tækifæri til að hylla ólympíufarana, til að mynda fylkingu við Reykjanesbrautina á leið þeirra  til hámenningarinnar í Reykjavík. Við hefðum ekki einu sinni beðið um að þeir ækju hér í gegn í opnum vagni, látið okkur nægja að veifa til þeirra  í ullarvettlingum  frá götukantinum og alls ekki ætlast til að þeir stoppuðu , til að örugglega væri hægt að halda tímaáætlun hinna uppteknu Reykvíkinga.

Nei fagnaðarfundur þjóðarinnar er víst eingöngu fyrir þá er í Reykjavík búa, og þá sem nægan tíma hafa til að bregða sér  til Reykjavíkur í eftirmiðdaginn.

Við verðum þó áfram með þeim í huganum og jafn stolti af þeim, þótt okkar aðkomu að fagninu mikla  sé ekki  vænst.   

Til hamingju strákar

 

Athugasemdir

[Árni Tryggvason (IP-tala skráð) 27.8.2008 kl. 11:56]

Þetta er toppurinn á "dreyfbýlisröflinu".

Drífðu þig bara í bæinn og fagnaðu með okkur. Allir velkomnir.

[Hannes Friðriksson , 27.8.2008 kl. 12:27]

Blessaður Árni

Hvar heldurðu að sé best fyrir mig að leggja bílnum?

[Bjarki (IP-tala skráð) 27.8.2008 kl. 12:44]

Í útjöðrum miðborgarinnar.

Þetta er nú hámark vælsins. Átti ekki bara að lenda með strákana á Egilsstöðum og keyra þá þaðan til Reykjavíkur svo að Austfirðingar og Norðlendingar fengju nú tækifæri til að veifa rútunni úr vegarkanti?

[Hannes Friðriksson , 27.8.2008 kl. 12:51]

Blessaður Bjarki

Ég var nú ekkert að væla núna fannst mér, en úr því mér er boðið fannst mér bara betra að vita hvert ég á að fara, flóknara var það nú ekki

                                                                                                             Með bestu kveðju og njóttu dagsins

[Birna Guðmundsdóttir, 27.8.2008 kl. 13:55]

Skil að fólk í Reykjanesbæ sé hálf leitt yfir þessu. Allt í einu er flugvöllurinn í Reykjavík orðinn hið besta mál og gengið fram hjá Keflavíkurflugvelli. Vissulega hefði verið flott að leyfa sem flestum að upplifa ævintýrið og sennilega hefðu margir vilja hylla strákana frá Keflavík á leið þeirra til Reykjavíkur -ef sú leið hefði verið valin. Nú er bara að bíta á jaxlinn og mæta til Reykjavíkur.  

[Hannes Friðriksson , 27.8.2008 kl. 14:05]

Mikið ósköp er nú gott að fá einhvern skilning á þessari afstöðu, og þú getur verið viss um að héðan verður fjölmennt í bæinn, tilefnið er til þess. með blöðrur fána og allt sem fylgir slíkum degi

[Ómar B., 28.8.2008 kl. 13:23]

Það er stundum stórmerkilegt og jafnvel rannsóknarefni hversu hörundsárir íbúar höfuðborgarsvæðisins geta verið!  Eins og hér fyrir ofan að tala um "dreifbýlisröfl og "hámarks væl", ég get nú ekki séð að vælið sé Hannesar heldur þeirra sem svona skrifa, þetta var einfaldlega fín ábending í léttum dúr!  Ég held stundum að þeir sem rjúka upp með pikkputtann í leið og eitthvað svona er sagt að þeir ættu að klóra sér með honum í kollinum, nefinu og eyrunum áður enþeir ákveða að  ýta  á "senda"!  Annars verður þetta ekki umræðuefni innan tíðar sýnist mér á öllu en þá munum við sem á landsbyggðinni búa lenda í Keflavík hvort eð er  .............!