Össur skoraði með gegnumbroti.

 

Mitt í krepputali og vandræðum þjóðarinnnar birtist hinn brosmildi iðnaðarráðherra Össur Skarphéðinsson og kynnir fyrir okkur að því er virðist timamótasamning við Bandaríkjamenn og Ástrali hvað varðar rannsóknir og þróun í gerð djúpborunar. Þarna gera þrjú þjóðríki samning um þróunarverkefni, sem skipt gæti sköpum til framtíðar.

 

Sjá frétt í Víkurfréttum http://vf.is/Frettir/37270/default.aspx

 

Fyrir okkur íbúa á Suðurnesjum eru þetta náttúrulega frábærar fréttir, því ljóst er að Menntasetrið Keilir kemur þar til með að gegna lykilhlutverki að því er virðist. Nú kemur ekki fram í fréttinni hvort aðrir aðilar hér á Suðurnesjum tengjast verkefninu, en reikna má með að svo sé. Ljóst er að þetta gæti orðið mikil lyftistöng fyrir Keili þegar til framtíðar er litið.

 

Náist sá árangur sem að er stefnt og menn telja að sé raunhæfur. er ljóst að orkuauðlindir þjóðarinnr eiga eftir núna jafnvel í nánustu framtíð eftir að verða mun verðmætari en við höfðum áður reiknað með. Því ber okkur einmitt nú að stíga lauflétt til jarðar hvað varðar áætlanir um framtíðarnýtingu, og útleigu þeirra verðmæta sem þar liggja. Þetta getur orðið okkar olíuævintýri.

 

Össur sá tækifærið og hefur greinilega verið ötull við að keyra það í gegn, með góðra manna hjálp. Notaði  liðsheildina  eins og góður leikstjórnandi og braust í gegn og skoraði. Hann hefur lært margt um gildi góðrar samvinnu.

 

Athugasemdir

[Ómar Ragnarsson, 29.8.2008 kl. 12:23]

Tek undir þetta og fagna því að eitt aðalatriði stefnu Íslandshreyfingarinnar skuli vera að fá brautargengi. Í Bandaríkjunum og Ástralíu er gríðarleg ónotuð jarðvarmaorka. Athyglisvert fyrir okkur Íslendinga á eftir að verða hvernig Bandaríkjameenn munu láta mesta jarðvarmaorkusvæði sitt, Yellowstone, verða ósnortið, og telst það svæði þó að bestu manna yfirsýn ekki vera jafnoki þeirra svæða hér á landi sem menn vilja vaða með skammgróðahugsun.