Fíllin stendur í okkur.

 

                                                                 

 

Aðstoðarmaður forsætisráðherrans líkir ástandinu í efnahagsmálum þjóðarinnar við að maður hafi gleypt fíl, og allir hljóti að sjá magi venjulegs manns þoli ekki slíkt. Af því verði eftirköst . Við þau erum við að fást núna.

Hann var ekki að segja það sama og forsætisráðherrann hefur sagt undanfarið, að ástand efnahagsmála þjóðarinnar byggist að langmestu leyti á ástandi á erlendum mörkuðum, og því  lítið við því að gera heldur bíða og sjá hvað setur.

Hann var raunar að klippa það út í pappa eða höggva það í stein, að ástandið sé að miklu leyti lélegri hagstjórn síðustu ára að kenna. Að einkavæðing án aðhalds , og uppbygging  gegndarlausar  stóriðjustefnu  undanfarinna ára séu það sem eru megináhrifavaldarnir.

Aðstoðarmaðurinn veit þetta því hann var með í blálok  veislunnar þegar fíllinn var étinn, og sá þegar leyfunum var sópað undir teppið, eða út í horn. Og nú er það hann sem lendir í að taka til vegna þess að þeir sem störtuðu veislunni  virðast enn vera með timburmenn, og ekki færir um að þrífa upp eftir sig. 

 

Athugasemdir

[Úrsúla Jünemann, 17.9.2008 kl. 09:36]

Þetta er frábær pistill. Hvenær ætla Geir og co. að viðurkenna mistökin síðustu árin? Þetta liggur nú bara mjög ljóst fyrir. Mér finnst bara neyðarlegt hvernig forsætisráðherra vindur sig og blaðrar og labbar í kringum heita grautinn þegar loksins tekst að fá hann í viðtal.