Flott hjá Þorgerði Katrínu.

                                                                           

Mér fannst annar höfunda þessarar ríkistjórnar bara flott í gær þegar hún sendi fyrrverandi formanni sínum tóninn, og benti honum á það sem rétt er að hans tímar væru liðnir sem stjórnmálamanns. Hann ætti ekki að vera að skipta sér af því sem honum kemur ekki við.

Ég skil líka vel hörkuleg viðbrögð Samfylkingar við þessum hugmyndum Davíðs, og ágætt að sýna tennurnar inn á milli, og mættu jafnvel gera það oftar. Gefa sjálfstæðismönnum það ekki eftir  að halda spilunum að sér við efnahagsstjórnina, það hefur ekki reynst vel hingað til. Hér eftir verði báðir stjórnarflokkanir að koma að þeim málum, og frjálshyggjufrömuðinum í Svörtuloftum verði hvergi hleypt þar að.

Sú stjórn sem núna situr hefur alla burði til að klára þetta mál og sigla út úr þeim brimgarði sem fyrri ákvarðanir  skipstjóranna hafa leitt hana í, þeir hafa hikað um stund en nú er stundin til að taka ákvörðun , og taka stefnuna til hafs, finna öruggan lendingarstað. Þar munu allir vera saman á útkíkkinu.

Einkavæðing og nýfrjálshyggjan hefur siglt í strand og upp á sker. Látum hana liggja, það er ekki þess virði að reyna að bjarga henni. Framundan eru tímar þar sem ákvarðanir verða að byggja á heilbrigðri skynsemi  og raunsæi. Ekki úr sér gegnum og  þreyttum frösum hugmyndafræðinga íhaldsguttana.

 

Athugasemdir

[Haukur Nikulásson, 3.10.2008 kl. 08:53]

Veistu hversu mörgum milljónum Þorgerður Katrín tapaði á yfirtöku Davíðs á Glitni?

Finnst þér eitthvað skrýtið að hún noti ekki tækifærið til að senda honum tóninn? 

[Hannes Friðriksson , 3.10.2008 kl. 09:07]

Blessaður Haukur

Nei ekki hugmynd  eg er ekkert inn í hennar fjármálum

[Brynjar Þór Ásgeirsson (IP-tala skráð) 3.10.2008 kl. 11:33]

Burt með Þorgerði og Geir.  Inn á með Bjarna Ben. og Illuga.

Þorgerður hefur fært Sjálfstæðisflokkinn til vinstri þannig að hann finnur sig ekki lengur í hinu pólitíska litrófi.  Hún hefur breytt Sjálfstæðisflokkin í krataflokk, enda er hún krati sjálf.  Burt með hana.  Hún getur örugglega fengið pláss í Samflykkingunni við hlið Sollu vinkonu sinnar.  

[Hannes Friðriksson , 3.10.2008 kl. 11:46]

Blessaður Brynjar

Flest erum við nú sem betur fer jafnaðarmenn inn við beinið, sama hvað grímu við berum þegar út er komið

[Guðbjörn Guðbjörnsson, 3.10.2008 kl. 14:18]

Ég er að mörgu leyti sammála Brynjari um að Þorgerður Katrín sé í raun krati - réttara sagt: hægri krati.

Ég er flokksbundinn sjálfstæðismaður til 30 ára og er einnig hægri krati. Reyndar eru líklega 70-80% allra sjálfstæðismanna hægri kratar. Þetta er sama sjálfstæðisfólkið og svarar spurningunni um hvort þau óski eftir ESB aðildarviðræðum játandi, en 60% sjálfstæðismanna svöruðu þeirri spurningu játandi í nýlegri Gallup könnun. Þessi prósenda er núna líklega komin í 70-80%. Þú Brynjar er örugglega ekki í hópi þessara 60% (70-80%) sjálfstæðismanna.

Kannski eruð það þið þessi 20-30% sjálfstæðismanna, sem eruð í raun hreinir og klárir frjálshyggjumenn og ekki í réttum stjórnmálaflokki.

Kannski ættuð þið að stofna lítinn sætan últrahægri frjálshyggjuflokk og eftirláta meirihluta sjálfstæðismann eftir flokkinn, sem ég gekk í fyrir 30 árum síðan. Ég vil fá flokkinn minn til baka aftur.

Ég er handviss um að það væri mikið betra, þar sem fullt af hægri krötum og framsóknarmönnum gætu þá gengið í Sjálfstæðisflokkin, þar sem þetta fólk á auðvitað raunverulega heima!

Hófsamir hægri menn, sem aðhyllast blandað hagkerfi, þar sem allur rekstur er að stærstum hluta eftirlátinn markaðnum, sem er drifkraftur þjóðfélagsins og ríkið sér síðan um markaðsbrestina.

Þið, sem viljið amerískt fyrirkomulag, ættuð í raun að flytja til Bandaríkjanna, því 90-95% þjóðarinnar vill ekki það fyrirkomulag og það gildir um alla, hvort sem þeir eru til hægri eða vinstri.

[Brynjar Þór Ásgeirsson (IP-tala skráð) 3.10.2008 kl. 16:28]

Þið Guðbjörn og Hannes eru búnir að búa allt of lengi í kratabælinu, Keflavík.  Af hverju flytjið þið bara ekki út til einhvers ESB ríkis, t.d. Svíþjóðar eða Þýskalands þangað sem streymi innflytjenda frá Mið-Austurlöndum er sem mest.  Þessi óhefta innflytjendastefna til ESB er kratísk fjölmenningarhugsun sem er löngu gjaldþrota.

Varðandi Sjálfstæðisflokkinn, þá er það flokkurinn sem hefur fjarlægst mig en ekki ég flokkinn.  Burt með Þorgerði og Geir! - inná með gamla Davíðs-andann, ég vil sjá Bjarna Ben. sem formann og Illuga Gunnarsson sem varaformann.  Þorgerður ætti að hætta svo hægt yrði að gera hana að sendiherra.  Þá getur hún svalað þeirri miklu löngun sinni í að vera í útlöndum fyrst hún hefur svona mikið ofnæmi fyrir Íslandi að hún þurfi að vera ca. 200 daga ári í útlöndum.

ESB-aðild er engin varanleg lausn fyrir Ísland.  Ísland er eitt ríkasta land í heimi og yrði þar með í hópi landa sem eru miklu fátækari eins og A-Evrópulöndin, sem eiga eftir að verða mikil byrði í ESB í framtíðinni.  Þar að auki er Evran stórlega ofmetinn gjaldmiðill sem á eftir að falla mikið í verði í framtíðinni.