Borgar sig að bíða með umræðuna?

Ég skil vel ef aðilar vinnumarkaðarins vilja að eitt af skilyrðum fyrir aðstoð lífeyrissjóðanna, verði að ríkisstjórnin gefi út yfirlýsingu um að stefnt skuli að aðildarviðræðum í ESB. Og ég er ósammála forsætisráðherra að það sé eitthvað allt annað mál, sem ræða beri  síðar.

 

Auðvitað er það skiljanleg afstaða þeirra sem lána þá peninga sem bjarga eiga ástandinu að stefnubreyting verði í peningamálastefnu þjóðarinnar, að ekki þurfi að koma til þess aftur síðar að lífeyrisjóðirnir þurfi að draga heim ágætis fjárfestingar til bjargar stjórnvöldum sem undanfarin ár hafa verið steinsofandi á verðinum. Þetta er lífeyrir sem hinar vinnandi stéttir hafa unnið fyrir, en ekki spilapeningar frjálshyggjunar.

 

Það að lífeyrisjóðirnir og samtök launþega í landinu séu tilbúin til að lána lífeyrisparnaðinn til að bjarga því sem bjargað verður, er ekkert sjálfsagt mál og hreint ekki þannig að menn séu tilbúnir til að gera þetta reglulega, sökum þrjósku þeirra er halda fast í einhverja rómantískar hugmyndir um styrk íslensku krónunnar. Hennar tími virðist vera  liðinn og það er ekki eitthvað allt annað mál eins og forsætisráðherra vill meina. Umræðan um framtíð krónunar er hluti af lausn vandamálsins hér og nú, en ekki seinna þegar forsætisráðherra telur það henta.

 

Hér ganga menn saman til lausnar einu erfiðasta verkefni sem íslenska þjóðin hefur staðið frammi fyrir, og ef lausnin er að gefa út yfirlýsingu um að stefnt skuli að Ísland uppfylli skilyrði Maastricht sáttmálans og þar með möguleika á  upptöku evru hér á landi, til að tryggja viðunandi lífsgæði í landinu  fyrir börn okkar og barnabörn þá gerum við það, hvort sem það kemur sér vel fyrir stefnu forsætisráðherrans eða ekki.

 

Athugasemdir

[Úrsúla Jünemann, 5.10.2008 kl. 18:37]

Hjartanlega sammála.

[Bjarni Kjartansson, 6.10.2008 kl. 08:09]

Það eru þjóðníðingar, sem vilja okkur undir erlent vald með auliðndir okkar.

Hvar eru þrautarvarar sjóðirnir núna fyrir þýksa, holenska, franska, enska, ísrka, danska, sænska, finnska, eistneska og spænska banka ??

Forðusnakkar og raðlygarar, þessir ESB sinnar.

Þeir ættu að fyrirvarða sig af því að tengja við hremmingar okkar og annarra þjóða aðild að ESB.

Miðbæjaríhaldið

segirð að nú lýsi af innræti sumra--eða þannig.

[Hannes Friðriksson , 6.10.2008 kl. 08:38]

Blessaður Bjarni

Ég er ekki alveg viss um hvort ,þjóðverjar, frakkar, danir og nokkrar hinna þjóðanna séu yfirleitt byrjuð að ganga eitthvað á þrautavarasjóðina, enda þykir það ekki eðlilegt að núta slíka sjóði fyrr en þeir fara að ógna þjóðarhag  en þó virðist ljóst að sú þjóð sem menn hafa vitnað hvað mest til í sambandi við bága stöðu innan ESB, þ e Spánverjar virðast hreint ekki una hag sínum illa þessa dagana, og flestir bankar þar í góðum málum. Ekki kannski vegna ESB heldur vegna þess að þar gilda reglur um bankanna og þeir verða að sýna ábyrgð þegar þeir fá lán, og binda fé í staðin. Hver væri nú staða okkar ef við hefðum verið svo lánsöm að setja slíkar reglur þegar við einkavæddum bankanna?

Seinni hluta athugasemda þinna ætla ég nú ekki að hirða um, nema að því leyti að ekki virðist nú málefnainnihaldið mikið, ef einu rökin gegn aðild eru að þeir sem tilbúnir eru til að ræða inngöngu þar séu froðusnakkar og raðlygarar, að ég tali nú ekki um illa innrættir. Það finnst mér nú umræða á lágu plani.

                                                                                                                Kveðja

                                                                                                                 Hannes

[Bjarni Kjartansson, 6.10.2008 kl. 11:29]

Ég vil nú meina fullkomlega relevant, að þeir sem nú tengja ætlaðar ,,lausnir" við inngöngu í ESB , með tilheyrandi afsali yfirráða á okkar aulindum og föðurleifð, eru ekkert annað en raðlygarar.  Þeir skrökva um að stoð ESB við sín aðildarríki, sem nú kemur hvað skýrast í ljós, þegar finnar hafa kvartað opinberlega um G-4 fundinn, hvar ekkert kom út með aðstoð til þurfandi ríkja, svo sem við Eystrasalt og víðar.

Einnig skrökva þessir sömu menn um , stöðu EVRU í ólgusjó okkar tíma.  Fall hennar miðað við $ er þó nokkurt og hefur fallið hraðar en flestir gjaldmiðlar þróaðra ríkja.  Kíktu á Sviss Frankann, Jenið og fl.

 Síðan sífra þeir um, að ESB muni EKKI skipta sér af fiskveiðum okkar við landið.  Ekki þarf að leita langt til að hrekja þessa fullyrðingu.  Pólverjra komust að því fullkeyptu nú í vor, að svo er einmitt, að ESB telur sig ráða yfir ÖLLUM úthlutunum kvóta, hvort menn hafi hefðarrétt eða ekki.  Svo eru skotar einnig búnir að finna til tevatnsins líka.

Samt ahalda menn áfram lygum.

Aðstoð við banka okkar ,,til þrautarvara" er ein lygin, og fyrrgreindar þjóðir finna nú á sínu skinni.  Ekkert af því sem ég ritaði um þessa ,,ónákvæmni"--, les lygum, --aðildarsinna, hefur verið hrakið.

Þjóðverjar fóru fram á aðstoð vegna húsnæðisbankans með ,, fjármálastofnunum þýskum og fl." eins og það hét í fréttinni.  Skv Spiegel, voru á þeim fundi, men frá seðlabanka ESB og það voru þeir sem ,,drógu sig út úr viðræðunum" fyrstir manna, með þeim afleiðingum, að ríkið þarf nú að leysa bankan til sín eða gott sem, líkt og við gerðum með Glitni.

Ég er ekkert að biðjast vægðar um, að vera talin ómálefnalegur, það er ekki skammaryrði í mínum eyrum ef þau orð kma úr munni þeirra sem ekki telja neitt vera ,,umræður um aðildarviðræður" nema ef talað sé jákvætt um slík drottinsvik og landráð sem ég tel aðildarumsókn vera. 

En eins og þú nefnir bloggið þitt.

ÞEtta er mín skoðun.

Miðbæjaríhaldið