Sjentelmenni og Darling

Þetta eru erfiðir dagar hjá forsætisráðherra vorum sem hefur staðið sig frábærlega undanfarna daga og sýnt hvað í honum býr. Betur að hann hefði nú gert það fyrr, þá er ekki víst að svona hefði þurft að fara.

 

Hans hlutskipti er hreint ekki létt núna, og þjóðin verður að sýna að hún standi á bak við hann að minnsta kosti í því máli er að Bretunum snýr. Þar er greinilegt að almennar samskiptareglur hafa verið brotnar og það gróflega.

 

Það er með ólíkindum að þjóð  sem við höfum talið til vinaþjóðar til fjölda ára, og bandalagsþjóð í Nato skuli snúast gegn okkur á jafn lúalegan hátt og þeir gerðu í málefnum Kaupþings og Landsbankans. Því má líkja við að áhöfn á sökkvandi skipi hafi verið kominn í gúmmíbjörgunarbátinn, en her hennar hátignar hafi umkringt björgunarbátinn og skotið á hann þar til  ekkert kvikt var að sjá. Svo kalla þeir sig sjentelmenn og darling

 

Það er ljóst að sjentelmönnum þeim er fara fyrir þeirri þjóð er ekki hægt að treysta.. Nú sitja skilanefndir bankanna frammi fyrir tilboði frá frá besta vini aðal, sem í góðmennsku sinni fór með breska viðskiptamanninn á fund viðskiptaráðherra, og óskaði eftir aðkomu íslendinga, svo áfram yrði hægt að reka Baugsveldið í Bretlandi, og gaf okkur frest þar til í dag til að svara því tilboði, sem hreint ekki er okkur í hag.

 

Auðvitað eigum við ekki að sitja undir þessum aðförum bretanna að okkur og sækja okkar mál fyrir dómstólum ef unnt er. Finna okkur nýja vini og styrkja vinskap okkar við hinar norðurlandaþjóðirnar. Og hætta að versla við verslanir Baugsveldisins, þeir eiga þá litlu peninga sem eftir eru ekki skilið.

Athugasemdir

[Pétur Steinn Sigurðsson, 12.10.2008 kl. 12:05]

Já það er rétt hjá þér Hannes það hefur mætt mikið á forsætisráðherra okkar undanfarna daga og hefur hann að mér sýnist tekið á málunum með mikillri festu og aræðni, en það er annar maður sem er ekki síðri og hann hefur staðið við hlið Geirs eins og kletturinn í hafinu, það er Björgvin Sigurðsson viðskiptaráðherra sem mér finnst hafa staðið sig ekki síður en Geir og á hann lof skilið fyrir.

Látum Baug sjá um sín vandamál í Bretlandi við þurfum ekki að aðstoða þá þar frekar en að þeir hafi séð sóma sinn í að setja inn peninga í Glitnisbanka um daginn og bjarga honum frá þroti sem síðan þjóðin þarf að gjalda fyrir.

Takk fyrir.

[Hannes Friðriksson , 12.10.2008 kl. 14:05]

Þar get ég algerlega tekið undir með þér, og í mínum huga hefur hann staðið sig betur en allir aðrir ásamt Jóhonnu Sigurðardóttur. Björgvin er framtíðarforingi okkar og við vitum nú að honum getum treyst.

Nú telja þeir félagarnir Jón Ásgeir og Green að þeir hafi stillt ríkinu upp við vegg og geta keypt þetta af ríkinu fyrir gjafprís. Björgvin þarf að taka erfiða ákvörðun, og hver svo sem sú ákvörðun verður ´skulum við standa 110% prósent á bak við hann jafnvel þó hún komi til með að kosta okkur eitthvað.

[Hannes Friðriksson , 12.10.2008 kl. 14:22]

Gleymdi náttúrulega að nefna þann sem á bakvið hefur staðið og skipulagt starfið á sinn hægverska hátt og það er Össur Skarphéðinsson sem mikið hefur einnig mætt á.Öll eiga þau skilið þakkir okkar og virðingu.

[Gísli Ingvarsson, 12.10.2008 kl. 15:16]

Það er fallegt að tala hlýlega um menn í eldínunni. Hinsvegar hafa þeir augljóslega ekki staðið sig vel. Fyrir okkar hönd eru þeir með verstu stöðu mála sem maður getur hugsað sér eina þjóð lenda í. Kannski geta þeir ekki sagt af sér en þeir geta heldur engu stjórnað. Baugur og allt það dót er bara ekki lengur áhugavert að ræða heldur hvernig á að lenda bankakerfinu og skuldahalanum sem því fylgir. Hvernig á að komast hjá ríkisgjaldþroti. Geir hefur augljóslega ekki fundið lausnina og seðlabankinn bíður þess að vera tekinn yfir af Alþjóða gjaldeyrissjóðnum. Svo viljiði láta liðið sem olli þessu beint og óbeint leysa vandamálin með sömu gjaldþrota aðferðunum. Þið hljótið að hafa verið dauðadái sl tvær vikur.

[Hannes Friðriksson , 12.10.2008 kl. 17:09]

Blessaður Gísli

Það er nákvæmlega það sem ég er að segja í innganginum Geir hefur staðið sig vel núna, en náttúrulega verið ömurlegur fram að því. Hinir ráðherrarnir lenda í að bjarga stöðu sem Geir og stefna eða stefnuleysi Sjálfstæðismanna hefur leitt okkur í.

[Þórdís Bára Hannesdóttir, 12.10.2008 kl. 20:23]

Ekki gleyma Agústi Ólafi sem sýndi mikinn kjark þegar hann gagnrýndi störf Seðlabankastjóra.

[Sigurður Jónsson, 12.10.2008 kl. 23:16]

Tek undir það að Geir Haarde hefur staðið sig frábærlega vel og einnig Björgvin viðskiptaráðherra.