Hvað er verið að segja okkur?

Skoðanakönnun Gallup kom hreint ekki  á óvart miðað við það sem á undan er gengið, Samfylkingin  er þessa stundina stærsti flokkurinn, og Vinstri Grænir númer tvö. Sjálfstæðisflokkurinn á hraðri niðurleið, og sennilega ekki enn búinn að ná þeim botni sem hann á skilið.

Var að velta því fyrir mér hvað svona niðurstaða úr skoðanakönnun gæti verið að segja okkur. Hún gæti verið að segja okkur að almenningur í landinu sættir sig ekki lengur við þá forystu sem nú er við lýði, og  Sjálfstæðisflokkurinn eigi í raun að fara frá og boða til kosninga svo fljótt sem auðið er. Það er forsætisráðherra þeirra sem fer þingrofsréttinn.

Svona könnun gæti líka verið að segja okkur að landsmenn líti svo á að næsta stjórnarsamstarf þyrfti að vera Samfylking, ásamt Vinstri grænum þótt erfitt sé í dag að sjá það fyrir sér. Eina sem öruggt mætti þó telja við slíka stjórn, væri að henni væri ekki fjarstýrt úr Seðlabankanum.

Hún gæti verið að segja okkur það sem við vitum nú þegar að krónan hefur liðið undir lok , og taka verði  nýja mynt hvort heldur það verði norsk króna eða Evra. Það verður að koma í ljós.

Og hún er örugglega að segja okkur að sú stefna Sjálfstæðisflokksins hvað varðar einstaklingsfrelsið , er ekki bara fyrir suma eins og þeir vilja meina , heldur alla. Að hér verði í framtíðinni byggt upp jafnaðarþjóðfélag að norænni fyrirmynd, þar sem samábyrgð þegnanna er leiðaljósið , en ekki taumlaus græðgishyggjann sem hér hefur því miður ráðið ríkjum alltof lengi.

Athugasemdir

[einar (IP-tala skráð) 31.10.2008 kl. 13:10]

Ansk... ertu orðinn rauður, blái liturinn alveg horfinn!!

Ætli það sé ekki nær að segja að það er verið að mótmæla því hvernig fyrir okkur, þegnum þessa lands, er komið, og eini alvöru flokkurinn sem hægt er að setja út á er sjálfstæðisflokkurinn. Hver tekur marg á blaðrinu í Össur og varaformanninum þínum, menn sem ekki kunna að loka á sér kj..... þegar á reynir. Þetta eru bara tækifærissinnar sem ekki er þorandi að segja eitthvað sem ekki má fara lengra. Ég verð nú reyndar að hrósa Björgvini því hann stóð sig með príði þegar mest reyndi á.
Ekki að tala nú um galgopana í VG það er atvinnu-tækifærissinnar, og þá er vægt til orða tekið. Framsókn dæmir sig sjálfur og ekki vert að ræða aðra.

Ég verð nú að segja það að ég fagna að við sjálfstæðismenn þorum að taka umræðu um evruna. Það er nauðsynlegt að ræða það og taka síðan ákvörðun þegar staðreyndir liggja fyrir.

En Hannes við vonum það besta og brosum til náungans þó dimmt sé úti.

[Björn Gunnar Gunnarsson (IP-tala skráð) 31.10.2008 kl. 15:34]

Akkúrat.  Þegar Samfylkingin gerir ekki neitt, þá eykst fylgi hennar.  Það sama á við þegar ISG þegir.  Um leið og ISG opnar munninn, þá lækkar fylgi Samfó.

Samfó er flokkur sem hefur bara tvö stefnumál; það að vera í stjórn og að ganga í ESB.

[Hannes Friðriksson , 31.10.2008 kl. 18:15]

Blessaður Einar

Ég er nú ekki jafn rauður og þú heldur, en ljóst að þessi könnun er að segja  hluti sem margir fyrrverandi og n+uverandi Sjálfs´æpðismenn hafa verið að tala fyrir en ekki verið á hlustað. Ég held að menn ættu að  hætta að hlusta á frjálshyggjugaurana flokknum og fara að hlusta á varaformanninn sem virðist vera sú eina í forystunni sem hefur ennþá einhverja raunveruleikatengingu við félagana, (sbr skoðanakannanir).       Auðvitað er lítið annað að gera en að brosa, og vona að allt fari nú vel að lokum.                             

                                                                                              Með bestu kveðju

                                                                                                     Hannes

[Líney, 31.10.2008 kl. 19:00]

Styð Steingrím J sem forsætisráðherra,engin gunga þar á ferð hann talar skýrt og hreint út.

[Æsir (IP-tala skráð) 31.10.2008 kl. 21:47]

Fari Sjálfstæðismenn norður Og niður