Rakalaus rök

Í fyrradag skrifaði ég lítið blogg hér á  síðuna í tilefni af kaupum bæjarins á hluta í húseigninni Seylubraut 1 hér í Reykjanesbæ og átti frekar erfitt með að skilja þau kaup, og á það raunar enn þrátt fyrir þau rök sem meirihluti D-listans hefur lagt fram fyrir þeim.

 

Í fyrsta lagi á ég erfitt með að skilja að bærinn skuli fara í lántöku á þessum tímum til að kaupa hluta í húseign sem þessari á sama tíma og ljóst skv því 9.mánaða uppgjöri sem kynnt hefur verið að halli á bæjarsjóð komi til með að vera vel yfir 2.milljaraðar á árinu.

 

Í öðru lagi skil ég ekki hversvegna þarf að kaupa þennan hlut sem hreint ekki er né verður auðseljanlegur í framtíðinni til þess að innheimta fasteignagjöld.

 

Í þriðja lagi skil ég ekki að hægt skuli að kaupa slíka húseign án þess að bærinn hafi yfirleitt nokkur not fyrir hana nema þá hugsanlega sem sláttuvélageymslu fyrir bæjarstjórann.

 

Í fjórða lagi skil ég ekki að hægt skuli að kaupa svona hús á sama tíma og ekki er hægt að styrkja ýmis góðgerðarsamtök eins og til að mynda Kvennaathvarfið um smáupphæðir í þessum samanburði.

 Nei það er margt sem hvorki ég né aðrir skilja ekki í þessu máli, og ljóst að fnykurinn lyktar langar leiðir, á meðan ekki eru gefnar betri skýringar en gefnar voru á bæajrstjórnarfundi í gærkvöldi þar sem hluti rakanna voru að nauðsynlegt væri að bærinn hefði áhrif á hverskonar starfsemi færi fram í húsnæði sem þessu hvort þar væru saumavélar eða reiðhjólaverkstæði, jafnframt því sem nauðsynlegt hefði verið að kaupa það til að unnt yrði að fjarlægja tank þann sem utan á húsinu sökum útlitsmengunar. Nei hér liggur eitthvað annað að baki.

Athugasemdir

[KJ (IP-tala skráð) 20.11.2008 kl. 21:27]

Follow the money trail?

hver átti hvað og hver fékk hvað?

[Hannes Friðriksson , 20.11.2008 kl. 22:39]

já ég skil

[eg (IP-tala skráð) 21.11.2008 kl. 12:31]

Þú skilur en ekki ég??

Hverjum var verið að bjarga? Hver átti húsið, eða hverjum skuldaði eigandinn?

Látið það koma fram, það er bara Davíð sem má kveða hálfkveðnar vísur!

[Hannes Friðriksson , 21.11.2008 kl. 15:19]

Blessaður eg

Það sem ég skildi var að það á að fylgja "the money trail", en tel það ekki vera í mínum verkahring að fara að fylgja henni. Það hýtur að vera annarra að fylgja því eftir, enda hef ég ekki hugmynd um hver á þetta hús, eða hvort einhver hafi skuldað honum eitthvað. En hugmyndin er góð

                                                        Með bestu kveðju