Á ráðherrann að hanga í símanum allan daginn?

 

Umræðan um aðkomu KPMG að skoðun bankahrunsins er akkúrat í anda þess þjóðfélags sem við viljum sjá hér byggjast upp að lokinni kreppu. Þjóðfélags þar sem gegnsæi og jöfnuður ríkir í þeirri ákvörðunartöku sem viðhöfð verður.

Auðvitað er það rétt mat hjá viðkiptaráðherra nú þegar öll tengsli aðila eru orðinn ljós að KPMG er ekki það fyrirtæki sem heppilegast er til að rannsaka bankahrunið. Til þess eru þeir of litaðir af forsögunni.

Annar angi á þesari umræðu sem mikið er gert úr er hvað vissi ráðherrann og aðstoðarmaður hans um KPMG áður en til ráðningarinnar kom. Þeim er legið á hálsi fyri að hafa ekki aflað sér nægra upplýsinga áður en frá ráðningunni var gengið.

Heldur finnst mér það ósanngjörn krafa að ætlast til þess að ráðherra og aðstoðarmaður hans sem þessa dagana hafa nógu að sinna, hangi í símanum alla daga og kalli eftir upplýsingum. Því ætti að vera öfugt farið og þeir sem valist hafi til verkefnanna  sendi þessar upplýsingar jafnt og þétt á ráðuneytin og láti vita hvað er í gangi og beri þá gjörninga er orka tvímælis undir þá er  þar ráða för.

Að undanförnu hefur borið mjög á því bæði hjá ráðmönnum í Samfylkingu og Sjálfstæðisflokki að þeir hafi falið sig á bakvið fáviskuna og hrokann, á sama tíma og ljóst er að það er auðmýktin sem gildir. Tveir ráðherranna verða þó þar algerlega undanskildir þau Jóhanna Sigurðardóttir og Björgvin G Sigurðsson sem tekið hafa á hverju því máli sem að þeim hefur beinst af auðmýkt hins þjónandi manns, og reynt að leysa þau svo við verði unað.

Það er ljóst að flest öll ráðuneytin verða að treysta á þá er nú standa í eldlínunni og vita hvaða ákvarðanir eru teknar sem máli skipta. Sá tími á að vera liðinn að smákóngar í kerfinu geti tekið miklar ákvarðanir í von um að engin frétti af þeim og gagnrýni þær.

Í þessum darraðadans sem stiginn hefur verið undanfarið hafa nánast öll ráðuneyti lent í þeirri stöðu að ákvarðanir hafa verið teknar að þeim forspurðum, ákvaðanir sem skiptu máli og átti að ræða. Þær hafa verið teknar í skjóli tímaskorts, af aðilum sem hafa talið sig með umboð til slíkrar ákvörðunartöku án þess að þurfa að bera þær undir efri stig stjórnsýslunnar.

Nú er þörf á þaulhugsuðum ákvörðunum, sem teknar er í sátt allra aðila sem að koma eigi þær að koma  einhverju gagni. Sú ákvörðun skilanefndarinnar að ráða KPMG án þess þess að líta þá ákvörðun gagnrýnum augum hefur því miður ekki skilað  því máli áfram heldur þvert á móti sett menn á byrjunarreit á ný. Það borgar sig stundum að hugsa málin til enda þegar ákvarðanir eru teknar, ekki síst þegar í óefni er komið.

Athugasemdir

[G. Valdimar Valdemarsson, 10.12.2008 kl. 14:57]

Ráðherrann er með sinn fulltrúa sem stjórnarformann í Fjármálaeftirlitinu og skilanefndir bankanna er skipaðar af FME.  Ráðherrann hefur sagt að öllum steinum verði velt í rannsókn á bönkunum en hefur svo engan áhuga á á að tryggja að það séu hlutlausir aðilar að framkvæma rannsóknina.   Það líða tveir heilir mánuðir og honum dettur ekki í huga að kanna þessi mál, eða fela sínum undirmönnum að tryggja að rannsóknin standist lágmarkskröfur um hlutleysi rannsóknaraðila.

Ráðherrann situr í minnsta ráðuneytinu og fram hefur komið að honum er varla treyst af samráðherrum sínum og Seðlabankastjóra og ekki hafður með í ráðum.   Honum ætti því að gefast nægur tími til að tryggja að það sem hann þó setur af stað sé almennilega gert.   Svo var ekki í tilfelli rannsóknarinnar á Glitni og svo er ekki í svo mörgum málum sem um er fjallað þessa dagana.   Ég efast bara um að Björgvin sé vandanum vaxinn og kannski ekki að ástæðulausu að hann er yfirleitt ekki hafður með í ráðum þegar fjallað er um málefni bankanna á æðstu stöðum.

[Hannes Friðriksson , 10.12.2008 kl. 15:21]

Blessaður

Er það þá ekki skilanefndanna að halda ráðherranum upplýstum og jafnvel bera undir hann málefni eins og KPMG, áður en ákvörðun er tekinn. Er ekki minnsta ráðuneytið með mestu verkefnin þessa dagana, og virðast bara taka vel á þeim málum sem þar koma inn á borðið?

Ég skil ekki af hverju þú ert ekki sammála mér í því að eðliega leiðin væri að ráðherran fengi þessar upplýsingar frá undirmönnum sínum í stað þess að hann hangi yfir símanum alla daga að finna út hvað er í gangi, myndi eitthvert venjulegt fyrirtæki vinna þannig?

Kannski lýsir það þessu best að Davíð Geir og Árni í Aftursætinu vilja ekki vera með Björgvin í bíltúr, þeir vita að hann er of heiðarlegur fyrir þá.

[G. Valdimar Valdemarsson, 10.12.2008 kl. 15:30]

Ráðherrann mátti vita að KPMG er eitt af stærstu endurskoðunarfyrirtækjum landsins og hann mátti líka vita að KPMG hefur endurskoðað stærstu hluthafa gamla Glitnis.   Það er bara hluti af starfi ráðherra að vera inni í málum.  Nú hefur komið fram að hann vissi að KPMG væri að rannsaka Glitni í tvo mánuði og hafðist ekkert að.    Þetta er bara talandi dæmi um það hversvegna samráðherrar úr báðum stjórnarflokkum hafa hann ekki með á fundum um bankamál.  Hann er illa að sér og utangátta.

[Hannes Friðriksson , 10.12.2008 kl. 16:55]

Blessaður Valdimar

Ég held að það sé nú nokkuð öruggt að ráðherrann  viti að KPMG sé ein af stærri endurskoðunarskrifstofum landsins, hvort hann hafi mátt vita að þeir væru endurskoðendur aðalhluthafa Glitnis veit ég ekki, ekki vissi ég það. Það er líka ljóst í þessu máli eins svo mörgum öðrum málum sem hann hefur komið að undanfarið þá brást hann við samstundis. þessi frasi ykkar framsóknarmanna um að enginn vilji vinna með honum dæmir sig nú sjálfur. Hver tilgangurinn með honum er veit ég ekki  Og að lokum er betra að kynna sér málin áður en maður fellir slíka sleggjudóma yfir mönnum sem þú gerir í lokin.  

[Héðinn Björnsson, 11.12.2008 kl. 11:34]

Ráðherra sem lætur endurtekið undirmenn sína halda sig óupplýstum um helstu málefni ráðuneytis síns ræður ekki við starf sitt. Björgvin er ekki nærri því eins hrokafullur og margir samráðherrar hans en hann veldur ekki starfi sínu.