Þetta er mín skoðun

Mánudagur, 22. desember 2008

Lyktin leggur yfir bæinn

Hvað er nú er að gerast í málefnum HS, hugsaði ég á laugardaginn þegar ég sá frétt í Mbl, þar sem Orkuveita Reykjavíkur tilkynnir að nú hyggist hún selja um það bil 16% hlut sinn í HS til erlendra aðila , og snúa sér að því að tryggja eigin undirstöður.

Fyrir þá sem fylgst hafa með tilburðum einkavæðingarsinnanna í málefnum HS kom þessi frétt svo sem ekki á óvart að þetta skyldi verða niðurstaðan, að því hefur verið stefnt núna í tvö ár að einkavæða það fyrirtæki. Og tímasetning þessar tilkynningar ekki heldur, því af henni má ljóst vera að einhver sá gjörningur er skammt undan sem tryggja mun eiginfjárstöðu Geysis Green Energy um áramót, svipuð aðferð og notuð var hjá FL Group á sínum tíma, enda sömu menn sem enn fara með völdinn í GGE.

Fundargerð síðasta bæjarráðs Reykjanesbæjar sýnir að eitthvað mikið er í gangi, þar er boðað til hluthafafundar bæði í GGE og HS Orku. Hvað þeir spunameistararnir bera á borð fyrir okkur verður að koma í ljós, og því verðum við að taka hversu hagkvæm sem sú niðurstaða verður fyrir pyngjur okkar sem byggt höfum upp þetta fyrirtæki í gegnum árin. Þá varðar lítið um okkar álit.

Þetta er löglegt, en siðlaust voru orð sem Vilmundur heitinn Gylfason tók sér stundum í munn þegar hornum ofbuðu ýmsar athafnir þeirra er með völdin fóru. Hann eins og margir í dag átti erfitt með að horfa uppá hvernig menn skörðuðu stöðugt eld að eigin köku, og leika leikinn á blákanti leikreglanna.

Hvernig þeir leikmeistarar regluverksins leika þennan leik verður fróðlegt að sjá, enda tíminn skammur sem þeir hafa til að skammta sér af gæðunum fram af áramótum. Til þess að ná markmiðinu er ljóst að menn þurfa að breyta leikreglunum sem hingað til hafa gilt hvað forkaupsrétt og ýmislegt annað í félaginu. Það að boðað hafi verið til hluthafafundar í HS Orku á Þorláksmessu daginn sem skötulyktin liggur yfir bænum segir meira en margt annað, lyktina er þegar farið að liggja frá þessum fundi, og hún er ekki góð.

Flokkur: Stjórnmál og samfélag | Facebook

Athugasemdir

Er ekki Orkuveitan tilneydd? Mér skilst að eigið fé hennar sé komið niður í 10%. Erlendir lánasjóðir gætu farið að beita lágmarksákvæðunum til að steypa henni í gjaldþrot. Þetta höfðum við upp úr því að treysta R-listanum fyrir höfuðborginni. Glannalegar fjárfestingar og bjánabruðl út um allar trissur kom Orkuveitinni í klandur. Og ekki voru þeir Vilhjálmur og Bingi skárri þegar þeir ætluðu að afhenda Hannesi Smárasyni leifarnar á silfurfati. Þeir eru samir við sig, sveinarnir.

Baldur Hermannsson, 22.12.2008 kl. 13:55

Var ekki unnið eftir leikreglum markaðshyggjunnar?

Árni Gunnarsson, 22.12.2008 kl. 15:02

Árni, ég er enginn sérfræðingur en ég efast þó um það. Það er óheilbrigt að flækja saman obinberum rekstri og einkarekstri. Menn bentu strax á það. Heyrðu annars, er þetta hinn eini sanni Árni - kominn af vondu fólki, eða þannig?

Baldur Hermannsson, 22.12.2008 kl. 15:13

Hannes:

Ekkert heyrt frá þér nýlega um slæma fjárhagslega stöðu Reykjanesbæjar, en það er líklega af því að "módelbæirnir", sem kratarnir stjórna eru algjörlega á hausnum.

Líklega verður það endirinn að það var mikil blessun að bærinn tók þátt í Fasteign og er því ekki eins skuldugur fyrir vikið. Að vísu hækkar leigan eitthvað, en við fengum ekki stóra skellinn líkt og Hafnarfjörður og fleiri sveitarfélög, sem eru enn skuldsettari en við í erlendum lánum og innlendum.

Allir:

Ég minni á að það voru sexmenningarnir víðfrægu, sem stöðvuðu ruglið í Villa og Binga og hafa ekki enn hlotið uppreist æru - eða er það nokkuð?

Baldur:

Reyndar er ég alveg sammála Baldri að óheilbrigt er að blanda saman opinberum rekstri og einkareknum. Þarna eiga að vera skil. Bæjarveitur eiga að mínu mati að vera í eigu sveitarfélaga og helst orkuverin líka. Hins vegar gætu orkuver stóriðju verið í eigu erlendra aðila eða innlendra á meðan auðlindin sjálf er ekki seld um aldur og ævi.

Guðbjörn Guðbjörnsson, 22.12.2008 kl. 17:09

Nei, þau hafa ekki fengið uppreisn æru og munu sennilega ekki fá hana úr þessu. Einkennilegt hvernig staðreyndir stokkast og beyglast í umræðunni hér á landi. Þau komu í veg fyrir ægilegt áfall og fengu að launum skömm í hattinn.

Baldur Hermannsson, 22.12.2008 kl. 18:10

Blessaður Guðbjörn Heldur finnst mér þú nú koma brattur inn að þessu sinni. Og svolítið í frasaforminu frekar raunveruleikanum , sé litið til þeirrar staðreyndar að ekki eru nema nokkrir dagar síðan að fjárhags´ætlun fyrir næsta ár var afgreidd , og ekki gefur sú afgreiðsla nú tilefni til að draga fram fjármálsnilli meirihlutans að sinni. Ljóst er að miðað við núverandi stöðu má reikna með að halli á rekstri bæjarsjóðs á þessu ári verði um það bil 2.milljarðar að teknu tilliti til fjármagnsliða, svo einhverjar hljóta n´´u skuldirnar þar á bak við að vera. Hvernig þú færð út að vera okkar í Fasteign sé nú á leið með að bjarga okkur skil ég ekki og þætti gaman að þú útskýrðir nánar æí hverju sú björgun er fólgin, get ekki betur séð en að húnæði eins og til að mynda Hljómahöllinn sem upphaflega var ´ætlað að myndi kosta um það bil 1400 milljónir sé nú farinn að nálgast 2. milljarða og leigan kemur til með að verða um það bil ½ milljón á dag eða 15 milljónir á mánuði eða 180 milljónir á ári. Sá samningur er ti þrjátíu ára sem gerir að bærinn hefur greitt 5,4 milljarða á leigutímanum en ekki eignast neitt nema réttinn til að kaupa húsið á uppreiknuðu verði. Hvernig þetta bjargar verður þú að útskýra. Nú segir þú í niðurlaginu að óheilbrigt sé að blanda saman opinberum rekstri og einkareknum. Áhvað forsendum er nú Fasteign rekinn, Og hver var hugmyndafræðin þar á bak við?