Og þeir væla sem aldrei fyrr.

 

Geir H Haarde, eins og margir í framvarðasveit Sjálftæðisflokksins hafa í dag opinberað skilning sinn á því flokkakerfi sem hefur verið undirstaða stjórnmálanna frá upphafi lýðveldisins. Eftir þær opinberanir skilur maður margt betur, og hversvegna er svo komið fyrir þjóðinni sem nú er.

Þeir vaða nú fram þingmenn Sjálfstæðismanna og hreyta fúkyrðum í fyrrum félaga, um leið og þeir segja að þau slit stjórnarsamstarfsins sem nú er raunin sé ekki þeim að kenna.Ástæðan sé sundurlyndi Samfylkingarmanna sem þeir segja vera  flokk í tætlum. Því miður fyrir þá hefur sá flokkur aldrei staðið styrkari eða sameinaðri en einmitt núna.

Samfylkingin er nefnilega flokkur þeirrar gerðar að þar eru það félagarnir í flokknum sem hafa allt um stefnu flokksins að segja. Og finnist þeim forystan vera að villast af leið hrópa þeir þar til skilaboðin komast til skila. Og þurfa ekki einu sinni að hafa áhyggjur af að það komi niður á þeim síðar.

Skilningur forystu þeirra Sjálfstæðismanna á tilgangi stjórnmálaflokka virðist þó vera eftir því sem fram hefur komið í dag að félagarnir kjósi sér forystu sem eftir það er einráð um hver sé stefna flokksins hinum ýmsu málum, og ályktanir flokksdeildanna jafngildi uppreisn sé hún ekki í anda viðkomandi formanns hverju sinni. Það kalla þeir lýðræði.

Hinsvegar er það spurning og kannski áhyggjuefni fyrir þá smörklípukóngana hvort verið geti að það sem sameinar aðra flokka skuli nú þegar dregur landsfundi þeirra gæti skapað sundrungu í þeirra hópi. Mál og skoðanafrelsi þar innan dyra er nefnilega eitthvað sem þeir hafa ekki kynnst hingað til.

Að nú skuli geta verið hætta á að einhverjir þeir sem ekki eru sömu skoðunar og sú elíta sömuskoðunarmanna sem hingað til hefur stýrt flokknum geti átt von á að þar innandyra komi til með að heyra raddir sem mæli þeim í mót. Að almennir flokksmenn í Sjálfstæðisflokknum líti til annara flokka og sjái hvernig lýðræðisleg umræða fer fram á þeim bæjum. Hætt er nú við að það reynist þeim heimastjórnarmönnum erfitt.

Nei, ég held að það væri þeim hollara að drífa sig úr hlutverki fórnarlambsins og líta í eigin barm. Hætta þessu væli um sundrungu annara flokka og athuga hvort sumt af því væli sem þeir hafa látið út úr sér í dag eigi kannski ekki einmitt svolítið við þá sjálfa. Að þeir komist úr þeim sporum að vera svo miskilið foringja hollir, að þeir á einhverjum tímapunkti nái þeim þroska að þora að segja skoðun sína í stað þess að segja stöðugt það sem þeir haldi að þeir eigi að segja til að ná frama í þeim flokki. Þá fyrst verður Sjálfstæðisflokkurinn á ný sá flokkur sem fólkið getur horft til sem hugsanlegs valkosts þegar kemur að stjórn landsins. Á meðan þeir einangra sig í eigin heimi, án tillits til þess raunveruleika sem við blasir geta þeir ekki vænst þess að á þá verði hlustað.

Athugasemdir

[Ómar Sigurðsson (IP-tala skráð) 27.1.2009 kl. 02:06]

Mikil endemis froða er þetta, þú hefur verið búinn að fá þér nokkra kalda þegar þú páraðir þetta rugl Hannes ef ég þekki þig rétt.

[Hannes Friðriksson , 27.1.2009 kl. 08:23]

Blessaður Ómar

Nei Ómar minn það var ég nú ekki, en spurning miðað við tímasetningu athugasemdar þinnar hvort sumir hafi nú ekki vakað svolítið fram eftir, og sötrað of mikið af kaffi eða einhverju öðru. Átta mig nú ekki á því hver þú ert, en ef þú myndir þekkja mig eins og þú gefur í skyn þá veist þú vel að ég er ekki þeirrar gerðar að ég sitji á kvöldin í miðri viku og fái mér nokkra kalda, eins og þú orðar það svo snyrtilega.

                                                                   Með bestu kveðju og von um góðan dag

[Ómar Sigurðsson (IP-tala skráð) 27.1.2009 kl. 21:16]

Jú Hannes vissulega þekki ég þig, en þetta var nú bara græskulaust grín í rólegheitunum í vinnuni. :)