Þetta er ekkert persónulegt

 

Þetta er náttúrulega alveg óþolandi að menn skuli leyfa sér, í kjölfar stjórnarskipta að láta sér detta í hug að skipta út þingforsetanum líka. Fyrrum forsætisráðherra sér þetta sem aðför að Sturla Böðvarsyni, sem allir eru sammála um að sé heiðursmaður. Sakar Samfylkinguna um valdagræðgi.

Nú veit ég ekki hvort ég hafi misskilið eitthvað, en það hlýtur þó að vera þegar maður les viðtalið við Geir H Haarde í Mbl nú í morgun. Ég hélt að forseti þingsins væri venjulega valinn úr hópi þeirra sem með meirihlutann á þingi fara hverju sinni. Það væri gert til aðauðvelda alla málmeðferð í þinginu. Hingað til hafa þeir sem í minnihluta verið þessu sammála, og ekki talið að um persónulega aðför gegn einum eða neinum að ræða. Þetta fyrirkomulag væri einfaldlega skynsamlegt. Það hélt ég líka.

Forseti þings getur hverju sinni ráðið talsverðu um hvað mál það eru sem tekinn eru til umfjöllunar, eins og til að mynda glöggt mátti sjá nú við upphaf  vorþings. Þá var til að mynda valið, í stað þess að ræða þau vandamál sem við blöstu að ræða frekar hvort selja ætti bjór og léttvín í kjörbúðum. Það sýndi kannski ágætlega áherslur sjálfstæðismanna um hvar vandamálin lægju, en var hreint ekki í takt við það ástand sem þá ríkti. Í beinu framhaldi af þeirri forgangsröðun sem þá beitt  var yrði maður ekki hissa að næst myndu þeir taka fyrir mál eins og stærð saumnála í hannyrðaverslunum nú þegar þeir eru komnir í stjórnarandstöðu, og réðu ennþá hver forseti þingsins væri.

Nei það er nefnilega mikilvægt að forseti þingsins sé valin af þeim sem með meirihlutann fara hverju sinni. Það er forseti þingsins sem hefur úrslitáhrif á hvað mál eru tekinn fyrir hverju sinni. Það er hann sem stjórnar störfum þingsins. Það er því hvorki ómerkileg aðför að Sturlu Böðvarssyni , eða taumlaus valdagræðgi sem því ræður að skipt sé um forseta þingsins eins og GHH vill meina, heldur er það bara skynsamlegt fyrir sitjandi stjórnvöld við að aðstæður sem þessar, þegar koma þarf mörgum erfiðum málum í gegnum þingið á skömmum tíma. Þetta er ekkert persónulegt.

Athugasemdir

[G. Valdimar Valdemarsson, 4.2.2009 kl. 12:07]

já "valinn úr hópi þeirra sem með meirihlutann á þingi fara hverju sinni" það er lykilsetningin og hver fer með meirihlutann á Alþingi í dag?   Ekki stjórnarflokkarnir og ekki Samfylkingin.

[Úrsúla Jünemann, 4.2.2009 kl. 14:34]

Fólkið í sjálfstæðisflokknum er einfaldlega tapsár. Heyrið þið bara í Þorgerði Katrínu!

[Eggert J. Eiríksson, 4.2.2009 kl. 19:19]

Ætla svosem ekki að blanda mér í þessa umræðu af neinu viti, en verð að koma að einni spurningu þar sem þú talar um málin sem voru klárlega upphaflega á dagskrá "vorþings".

Þegar ástandið var/er eins og það er á landinu, hvernig datt þingheim í hug að fara í mánaðar jólafrí ?????

Kv EJE