Er maðurinn ennþá á launum hjá bænum?

 

Hvað er nú í gangi hugsaði ég þegar ég las  frétt  í Vikurfréttum í í morgun , þar sem sá aðili sem ráðinn hafði verið sem verkefnastjóri hjá Reykjanesbæ til að vinna að meðal annars markaðsetningu Stapans og Hjómahallarinnar hefur nú yfirtekið rekstur á Officeraklúbbnum á Vallarheiði, og virðist þar með vera að fara í beina samkeppni við þann rekstraraðila sem hann var ráðinn til að markaðsetja. Ég spyr er maðurinn ennþá á launum hjá bænum.

 

Það verður að teljast meira en lítið athugavert að maður sem ráðinn hefur verið til markaðssetningar á einni stærstu framkvæmd bæjarins, skuli nú nokkrum mánuðum fyrir boðaða opnun Hljómahallarinnar og Stapans velja að fara í beina samkeppni við Stapann. Fyrir því hljóta að liggja ástæður sem annað hvort Einar sjálfur eða bæjarstjórinn verða að gera grein fyrir.

Er hér verið að afhenda enn einum flokksgæðingnum rekstur fyrirtækis sem möguleiki er á að geti gengið af þeirri ástæðu einni að ljóst sé Fasteign geti ekki klárað það verkefni sem samið hafði verið um. Að Stapinn verði ekki opnaður næsta árið?

Og jafnframt kastað þeirri spurningu til bæjarstjórans hvort áfram verði haldið að borga leigu fyrir Stapann þann tíma sem taka mun að klára þá byggingu sé um slíkt að ræða? Og að lokum telur bæjarstjórinn og meirihluti hans ennþá þá stefnu sína að einkaaðilar séu bestir til þess fallnir að sýsla með þær fasteignir bæjarins sem bæjarfélag þarf að haf yfir að ráða ennþá í fullu gildi?, og gaman væri að sjá þá gera grein fyrir í hverju hagnaður Reykjanesbæjar liggur þar að lútandi.

Athugasemdir

[Gullvagninn (IP-tala skráð) 17.2.2009 kl. 21:36]

Já það væri gaman að fá að sjá stöðuna og horfurnar hjá Reykjanesbæ. 

Á vef sjálfstæðisungviðis er grein frá 2004, þar sem Árni biður lesendur að geyma nú grein sem Kjartan Már hafði skrifað, og kvótar sérstaklega:

"Ef þannig verður áfram haldið á spilum er útlit fyrir að allar eignir bæjarins verði búnar á næstu 5-6 árum. Það getur ekki talist góð fjármálastjórn."

Já, þetta er  beint eftir haft úr greininni. Kjartan Már heldur því fram að með núverandi stjórnun fjármála verði allar eignir bæjarins uppurnar á næstu 5-6 árum.

Það væri gaman að vita hver það verður sem segir I TOLD YOU SO!!!

Kannski það væri vel við hæfi nú að taka screenshot af þessu og geyma vandlega, eins og Árni er að biðja um?

http://www.homer.is/index.php?object=news&cat=&id=186

[Hannes Friðriksson , 17.2.2009 kl. 22:45]

Þakka þér kærlega fyrir þetta.

Búinn að taka snapshot og það verður geymt í bankahólfi.  Kjartan már vissi vel hvað hann söng. það virðist nú vera ljóst,ef það er rétt sem mann grunar að nú sé að koma að þeim tímapunkti að Kjartan geti sagt "I told you so". Gallinn er sá að hans eigin flokksfélagar og þar á meðal ég ámeðan ég var í flokknum vorum lóka búinn að segja þetta, en frægum fundi í Sjálfstæðisflokknum í fyrra, þegar til umræðu var að nú væri tímabært að draga sig út þessu félagi, sannfærðu þeir félagar Árni Sigfússon og Böðvar Jónsson alla um að þeir hefðu styrkt stöðu bæjarins innan dyra í Fasteign. Sá syrkur virðist nú vera að koma í ljós.

Bestu kveðjur og kærar þakkir