Úff hvað lífið er erfitt!!

 

 

 

Það er alltof seint og alltof erfitt að gera breytingar á kosningalögunum segja þeir varðhundar valdsins núna þegar kemur að breytingum á kosningalögunum.  Það var líka alltof seint og alltof erfitt að gera nokkuð til til að koma í veg fyrir hrunið mikla , þegar Geir Haarde loksins um helgi, eftir standandi kokteilparty í New York, hengslaðist niður í Stjornarráð  til að athuga hvað fyrir lægi, sem frægt er orðið.

Þeir virðast því miður enn ekki hafa áttað sig á til hvers þeir voru kosnir á Alþingi, og gengið út frá því að þar færu helst fram málfundaræfingar og drullukökukast einhverskonar. Hversvegna það er ekki hægt að ganga bara í verkin, ef ljóst er að það er til bóta skil ég ekki. Þeir sjálfstæðismenn eru að verða eins og bóndinn sem átti minkabú sem sökum leti bóndans minnkaði og minnkaði og minnkaði, og og svo var það búið.

Fyrir venjulegan og í meðallagi velgefin mann eins og mig er erfitt að skila í hverju erfiðleikarnir við slíka breytingu er falin. Ekki er búið að prenta kosningaseðlana, enda ekki allir frambjóðendur komnir fram, ekki getur það verið talning atkvæðanna, þó ljóst sé að hún gæti tekið aðeins lengri tíma, ekki stendur á vilja þjóðarinnar til að hafa áhrif á hvernig endanleg samsetning þingsins verður, ekki er það kostnaðurinn hann er sá sami. Einasta ástæðan sem maður getur séð fyrir jafn arfalélegum rökum er að vilji forystu sjálfstæðismanna er ekki  fyrir hendi. Hversvegna það svo sem er.

Getur það verið að þar með hafi þeir lítið með það að gera hverjir fái góða kosningu og hverjir slæma. Að af þeim séu tekinn þau völd að velja hverjir verða varðhundar valdsins hverju sinni, og að vinsælir þingmenn sem þeim líkar ekki, gætu átt rétt á valdameiri stöðum en litla leynifélagið hafði ætlað þeim, í krafti góðrar kosningar. Það skyldi þó ekki vera?

Athugasemdir

[Guðbjörg Elín Heiðarsdóttir, 19.2.2009 kl. 09:04]

Þetta er allt góð spurning, þeir ætla greinilega EKKI að SLEPPA TAKINU eða TÖKUNUM Á VÖLDUNUM. Það er mín tilfinning fyrir þessari frétt á Stöð 2 í gærkvöldi. Spurning hvort eitthvað sé hægt að gera í þessum efnum, eins og Steingrímur J. sagði fyrir þinglok og kostningar.

[EE (IP-tala skráð) 20.2.2009 kl. 00:26]

Nei, vilji forystu sjálfstæðismanna virðist ekki vera þarna.  En kemst vilji þeirra endilega í gegn?  Fólkið þarf ekki að kjósa spillta og úrkynjaða flokka.  Fólkið getur setið heima

EE elle