Góðu strákarnir og grúppíurnar þeirra

 

Góðu strákarnir og grúppúrnar þeirra tóku enn eina syrpu  í þinginu í gær, og náðu nýjum hæðum í aumýkingu sjálfsins. Það gerðu þeir þegar fjallað var um málefni séreignasparnaðs, mál sem snýr að hagsmunum almennings og þeir sjálfir hafa verið sammála fram að þessu í öllum meginatriðum.

Undanfarið hafa þeir kvartað sáran undan að góðu málin sem þeir kalla svo fái ekki afgreiðslu í þinginu, og vænt stjórnarflokkana um að sitja á þeim málum sem þeir helst vildu vera að fjalla um. "Maður fær ekki allt sem maður vill og vill ekki allt sem maður fær"sagði amma eins sem ég þekki við eldhúsborðið sitt  eitt sinn um leið og  úthrópaði þá stöðu sem nú er kominn hér upp sökum óreiðumanna þeirra er stjórnuðu bönkunum.

Auðvitað vitum við öll að sú staða sem hér er komin upp er ekki eitt þeirra mála sem froðufellandi frjálshyggjuguttarnir og grúppíur þeirra vildu frekar en við hin, en það leysir þá þó ekki undan þeirri skyldu og sóma að umgangast ræðustól og tíma alþingis af virðingu. Hafi þeir þörf fyrir málfundaræfingar gætu þeir sinnt þeirri þörf sinni í Valhöll, því vitað er að þar er ágætisræðustóll fyrir bull af því tagi sem viðhaft var í nafni málefnalegrar umræðu í þinginu í gær.

Flestir hefðu haldið að Sjálfstæðismenn sem talað hafa hátt og digurbarkalega um nauðsyn samstöðu til að fá hjólin til að snúast hér á nýjan leik hefðu séð að aðfeðir sem þessar eru ekki vel fallnar til að ýta undir samstöðu eða samstarfsvilja. Að fáir nenntu að vera í samskiptum við þingflokk sem greinilega virðist vera algerlega stjórnlaus, og það sem verra er án nokkurra málefna annarra en að vera á móti þeim málefnum sem þeir voru meðmæltir áður.Lágt hafa þeir nú lagst í málflutningi sínum.

Það er vonandi að nú með hækkandi sól og að loknu prófkjöri þeirra sjálfstæðismanna nái þeir aftur jarðsambandi við raunveruleikann og nái þá í samvinnu og sátt við aðra sem á þingi sitja að afgreiða þau mál sem að fjölskyldunum og fyrirtækjunum snúa. Þjóðin bíður eftir því.

 

 

Athugasemdir

[Finnur Bárðarson, 10.3.2009 kl. 13:02]

Sjálfstæðisflokkurinn vill bara að útvöld hjól fari að snúast á nýjan leik. Þjóðin og almennar þarfir hennar eru aukaatriði.

[Guðbjörn Guðbjörnsson, 10.3.2009 kl. 13:53]

Nú saka vinstri menn okkur sjálfstæðismenn okkur um málþóf. Ég hef mikla ánægju af því þessa dagana að skoða ummæli vinstri manna frá því þeir voru í stjórnarandstöðu. Neðangreinda tilvitnun fann ég á vef Ungra vinstri grænna og von mín er að þið hafið bæði gagn og gaman af:

 

Þar var sjónum beint frá mikilvægi þess að skoðanir minnihlutans eigi sem greiðastan aðgang að eyrum meirihlutans. Þess í stað var einblínt á málþóf. En málþóf - sem er afar sjaldgæft - er jafnframt mikilvægt aðhaldstæki minnihlutaflokka í þingstörfum víða um heim. Lýðræði snýst sem sé ekki eingöngu um að framkvæma vilja meirihlutans, heldur líka um að koma í veg fyrir að minnihlutinn sé kúgaður.

[Hannes Friðriksson , 10.3.2009 kl. 16:02]

Mætir þá ekki þingmannsefnið á vefinn.

Ég er nú reyndar alveg sammála þessari tilvitnun ungliðannna, en ég held líka að ungliðannir hafi ekki reiknað með að tímum sem þessum tækju menn upp á málþófi þar sem menn gerðu í því að andmæla sjálfum sér í máli sem þeir höfðu áður verið sammála. Ekki var þetta gert til að veita þessu mikilvæga máli brautargegni, heldur fyrst og fremst til að næsta mál kæmist ekki á dagskrá. Já þeir hafa nægan tíma til að dunda sér í málfundaræfingum nú þegar húsið brennur, og vilja helst ekki að um annað sé talað en það sem .þeir velja sjálfir blessaðir sjálstæðimennirnir. Vonum bara að þeir fari að ná sér og kúgi ekki meirihlutann með skyndilegum áhuga um að ræða málin í botn og endurtaka allt sem þeir hafa að segja mörgum sinnum