Er að slettast upp á vinskapinn?

 

Það virðist eitthvað vera byrjað að slettast upp á vinskapinn hjá þeim Sjálfstæðismönnum í Suðurkjördæmi ef marka má frétt á Eyjafréttum nú í morgun þar sem haft er eftir Árna Johnsen að Ragnheiður Elín Árnadóttir væri "reynslulítil kona úr Garðabæ, sem þyrði ekki í framboð í Suðvesturkjördæmi, hefði litla þekkingu á málefnum kjördæmisins bæði sjávarútvegi og landbúnaði,og ætti lítið erindi við Eyjamenn".

Ljóst virðist vera að eitthvað uppgjör á sér þarna stað og flestir þeir er kennast við flokkseigandafélag þeirra íhaldsmanna hafa lýst yfir stuðningi sínum við hinn reynslulitla þingmann úr Garðabæ. Hversvegna svo sem það er? Kannski er komin tími á breytingar og betra sé að einhver utanaðkomandi leiði þær, enda virðast Sjálfstæðismenn á svæðinu ekki finna neinn innan kjördæmis til að leiða sinn lista.

En annars verður þetta spennandi helgi og fróðlegt verður að sjá hvað út úr þeim prófkjörum sem fram fara um helgina.

 

Athugasemdir

[Guðlaugur (IP-tala skráð) 13.3.2009 kl. 13:12]

Hann er ótrúlegur hrokinní Johnsen. Annað sem er ótrulegt í þessu kjödæmi hans að ekki skuli vera til annar en hann í 1. sæti. Það getur veri að REÁ sé reynslu lítil en ég veit ekki til þess að  hún hafi stolið neinu frá þjóðinni eins og ÁJ. Það er greinilegt að ÁJ kann ekki að skammast sín. Ef eitthvað væri á milli eyrnanna á honum myndi hann segja af sér sjálfur og biðja þjóðina afsökunar á símum ,, tæknilegu mistökum ". og láta lítið fyrir sér fara. Gs.

[Úrsúla Jünemann, 13.3.2009 kl. 14:13]

Árni Johnsen er skólabókadæmi um veruleikafirrtan stjórnmálamann sem sér ekki sólina fyrir sjálfum sér. En ég skil samt ekki að hans flokkur setur hann ennþá í fyrsta sæti. Það segir okkur kannski sitt hvað um siðferðið í Sjálfstæðisflokknum.

[Hilmar Gunnlaugsson, 13.3.2009 kl. 15:45]

Einkar spennandi verður þó að sjá hvort Loftur Altice Þorsteinsson verði næsti formaður. Það er mín spá að hann nái því kjöri.