Það byrjaði með bréfi.

 

 

 

Það byrjaði með bréfi, segir í mbl nú í morgun þegar fjallað er um einkavæðingu Landsbanka Íslands, og eins og í öðrum tilfellum einkavæðingarinnar fengu þeir sem sendu bréfið, það sem átti að einkavæða. Leikreglurnar í hverju tilfelli sniðnar að hagsmunum þeirra er hverju sinni voru bestu vinir aðal. Þannig var hvað varðar Landsbankann og þannig var það líka hvað Hitaveitu Suðurnesja. Það byrjaði með bréfi.

Skyldum við geta átt von á slíkar einkavæðingar á eigum ríkisins geti átt sér stað aftur, skyldi vera búið að senda út fleiri bréf. Skyldi til að mynda hluti þeirra sparnaðaraðgerða sem fyrirhugaðar voru í heilbrigðiskerfi landsmanna undir forystu Guðlaugs Þórs hafa grundvallast á því að hann hafði fengið sent eitt slíkt bréf, var það tilviljun að þeirri stofnun sem sem fjársveltust hafði verið í mörg ár, var gert að spara mest allra til að skapa möguleika á að afhenda einkavinunum skurðstofur HSS til afnota, án tillits til hvaða afleiðingar það hefði fyrir nærsamfélagið. Það skyldi þó ekki vera að sú atburðarrás öll hafi einnig byrjað með bréfi.

Þær einkavæðingar sem fram náðu og byrjuðu með bréfi hafa nær allar sýnt sig að mistakast og ekki náð þeim tilgangi sínum að verða þjóðinni til heilla eða hagsbóta. Heldur þvert á móti ef litið er yfir dæmið. Hver árangurinn af einkavæðingu Símans, Hitaveitu Suðurnesja, Landsbanka Íslands, Búnarbanka Íslands? Við höfum öll lært og sá lærdómur ætti að vera okkur aðvörun til framtíðar.

Við eigum nú að hafa þá vitneskju sem segir okkur að rétt sé að þegar viðskiptamógúlar og einkavæðingarsinnar veifa framan í okkur stórbrotnum viðskiptahugmyndum sem ætlað er að leysa málin hratt og vel og skapa í flestum tillfellum hundruðir starfa. Að þá sé rétt að staldra við og athuga vel hvað að baki liggur. Hvort sú hugsanlega áhætta og ábyrgð sem að baki liggur komi til með að lenda á okkur skattborgurum þessa lands. Annað hvort í formi lélegri þjónustu, eða aukinni skattheimtu. Skyldi það Heilsufélag á Suðurnesjum sem nú lofar 300 nýjum störfum á augabragði einnig hafa byrjað með bréfi? Og þá frá hverjum til hvers?

 

Athugasemdir

[Björn Finnbogason, 22.3.2009 kl. 18:01]

Það þarf nú að hafa mikið meiri áhyggjur af því þegar erlendir lánadrottnar fara að krukka í orkusöluna hérlendis með stuðningi IMF, Össurar og Steingríms, sem báðir hafa rætt þann möguleika að greiða erl. skuldir með framtíðartekjum orkuveranna en við ættum sko að eiga auðlindina  Við verðum farin að brenna þang eftir tvö-þrjú ár!  Best að athuga með kamínu........