Þeir ganga hreint til verks.

 

Ein raunalegasta stund í íslenskum stjórnmálum rann upp nú um helgina þegar Davíð Oddsson valdi að fara í ræðustól á landsfundi þeirra sjálfstæðismanna. Það að hann færi í ræðustólinn var kannski ekki svo rauanlegt, heldur hitt að allir þeir landsfundarfulltrúar sem sátu þetta þing klöppuðu undir ræðu hans eins og óðir væru, og höfðu  nú sannfærst um að spámaðurinn væri upp risinn. Það var var raunalegt.

Davíð Oddsson réðst á allt og alla, og eins og venjulega bar hann enga ábyrgð á einu eða neinu heldur var fórnarlamb aðstæðna. Meira að segja samstarfsmenn hans fyrrverandi fengu gusuna ""Þeir þrjótar sem krossfestu Krist létu tvo óbótamenn sitthvoru megin við hann á krossinn". Hann var hinn eini í hópi seðlabankastjóranna sem hafði hreinan skjöld, og meira að segja svo hreinan að hann leyfði sér að líkja sjálfum sér við Jesús Krist. Og landsfundarfulltrúar voru sannfærðir um að svo væri. Það verða þeir að eiga við sjálfa sig og trú sína hve marga guði þeir geta haft.

Það var alveg rétt hjá Bjarna Benediktssyni hinum nýja formanni flokksins, að það ber að virða að Sjálfstæðisflokkurinn hafi nú einn flokka haft áræði til að líta inn á við og skoða hvað  úrskeiðis hafi farið, enda sá eini sem hafði virkilega þörf fyrir það . Fyrir það skammaði Davíð þingheim og Vilhjálm Egilsson, og landsfundarfulltrúar klöppuðu fyrir því. Því næst skammaði Geir vin sinn  Davíð fyrir að hafa skammað Vilhjálm og aftur risu menn upp á lappirnar og klöppuðu nú fyrir því og að endingu skammaði hinn nýi formaður þá báða fyrir að hafa verið að skammast hver út í annan . Af því er manni skilst var svo ekki mikið meira rætt um endureisnarskýrsluna á þinginu.

Hvað er það svo sem eftir stendur sem skilaboð þessa flokks til þjóðarinnar að loknu landsþingi þar sem kjörorðið var "Göngum hreint til verks"

Sigurður Kári Kristjánsson gekk mjög hreint til verks og útskýrði það sem útskýra  þurfti hvað varðar stefnu flokksins í auðlindamálum og í hans huga eru yfirráðin álveg á hreinu og vel skiljanlegt að menn skyldu klappa vel og lengi þegar hann ræddi yfirráðin yfir sjávarútvegsauðlindinni þá opinberaði hann nákvæmlega þá hugsun er að baki liggur þvermóðsku flokksins gagnvart ESB aðild. "Vilji Sjálfstæðisflokkurinn halda yfirráðum sínum yfir sjávarútvegsauðlindinni, þá hafnar Sjálfstæðisflokkurinn aðild að Evrópusambandinu". Maður skilur þetta mun betur nú. Aðildarviðræður hafa í huga Sjálfstæðisflokksins ekkert að gera með hver hagur þjóðarinnar heldur fyrst og fremst hagur flokksins sem ræður. Þar hefur ekkert breyst.

 

 

Athugasemdir

[Ína (IP-tala skráð) 30.3.2009 kl. 12:33]

Þetta er einmitt mergurinn málsins, LÍÚ karlarnir eiga að ráða þessu, skítt með þjóðina. Ég skil ekki þá sem kjósa þennan flokk. Þeir sem hafa kosið hann í gegn um árin bera mikla ábyrgð því þeir hafa leyft spillingarmafíunni að maka krókinn árum saman á kosnað almennra borgara. Ef við ætlum að eiga einhverja endurreisn sem þjóð þá verðum við að leggja áherslu á jöfnuð og réttlæti og velferð almennings í landinu. Við verðum að horfa til framtíðar og ákveða hvort við viljum taka þátt í samfélagi þjóðanna fá lægri vexti, stöðugan gjaldmiðil, lægra vöruverð og fl. EÐA viljum við verða einangruð hérna úti í Ballarhafi? Ég er ansi hrædd um að það verði lítið um ungt fólk með fjölskyldur þá því þau verða öll farin.

[Hafsteinn Sigurbjörnson (IP-tala skráð) 30.3.2009 kl. 13:08]

Upphafleg orsök þeirrar stöðu, sem Íslensk þjóð er í dag, varð til þegar leift var frjálst framsal aflaheimilda að kröfu LÍÚ.

Þá var byrjað að lána fé út í óvissu framtíðar (veiðar á óveiddum fiski) og eftir einkvæðingu bankana jógst þetta margfallt að lána einstaklingum og fyrirtækum út á óvissa framtíð. (Enginn veit hvað framtíð ber í skauti sínu) 

[Gunnar Th. Gunnarsson, 30.3.2009 kl. 14:35]

 "Hann var hinn eini í hópi seðlabankastjóranna sem hafði hreinan skjöld, og meira að segja svo hreinan að hann leyfði sér að líkja sjálfum sér við Jesús Krist".

Þú snýrð öllu á haus og skilur svo ekki neitt í neinu  Hlustaðu á ræðuna vandlega áður en þú tjáir þig með svona bulli

[Hannes Friðriksson , 30.3.2009 kl. 15:15]

Blessaður Gunnar

Það er alveg ljóst að Davíð var að líkja sjálfum sér við Jesu Krist hvernig sem þú reynir að hártoga það.  Þar er ég ekki að snúa neinu á haus. Það sem var þó verra var að að landsfundarfulltrúar klöppuðu eins og óðir væru að lokinni ræðu manns sem vó í allar áttir, en vildi ekki kannast við að hann ætti nokkra sök í neinu máli, frekar en fyrri daginn. Flestir utan landsþingsfulltrúanna skilja nú mun betur hversvegna nauðsynslegt var að maðurinn viki úr starfi. Sem betur fer heyrir maður þó af því dag að þarna hafi einnig innan um verið hugsandi fólk sem gekk út af fundinum og neitaði að klappa eftir því sem kviknaði á klappskiltinu

[Rut Sumarliðadóttir, 30.3.2009 kl. 16:12]

Maðurinn er kexruglaður og að auki með Messíasarkomplexa, langar að benda þér á bloggið hans Svans Gísla þar sem hann benti á að hann líkti Jóhönnu við álf en á ensku er fairy líka notað um samkynhneigt fólk. Ef að það er ekki að kasta steinum úr glerhúsi þá veit ég ekki hvað. Svo hylla flokksmenn gamla foringjan með dynjandi lófataki, sorglegt að horfa upp á þetta. Persónuárásir og níð um aðra er voða fyndið, hvort sem það er verið að tala um sjúkdóma eða kynhneigð. Þetta er í boði sjálfgræðgisflokksins sem ekki ætlar að sleppa auðlindum landsins í hendur á skrílnum sem hér býr. Þar af leiðandi auðvita ekki að skoða aðild að ESB.

[Gunnar Th. Gunnarsson, 30.3.2009 kl. 16:32]

Það sló reyndar þögn á salinn þegar hann skammaðist út í endurreisnarnefndina. (Vilhjálm)

Það er mikil munur á því að líkja sjálfum sér við Jesú Krist og bera saman brottvikningu tveggja heiðarlegra manna úr Seðlabankanum við ólánsmennina sem héngu á krossinum með Kristi.

Davíð var miðjumaðurinn meðal hinna vammlausu en Jesú var miðjumaðurinn á krossinum. Það var myndlíkingin sem Davíð dró upp. Að halda því fram að Davíð hafi með þeirri myndrænu lýsingu líkt sér við Jesú, er barnalegur orðhengilsháttur, viðhafður af pólitískum andstæðingum hans.

[Hannes Friðriksson , 30.3.2009 kl. 16:54]

Já Gunnar minn, Við sem erum svo barnaleg að taka orðin eins og þau eru sögð, en höfum ekki hugarflug þess er allt veit,  til að snúa því sem sagt er á hvolf eigum greinilega ekki gott þessa dagana. Því nú eru hinir fullorðnu ritskoðarar íhaldsins á fullu að leiðrétta þá sem barnalegir eru og bulla. Það er gott að hafa slíka menn til að leiðrétta sig þegar manni verður á.

[Gunnar Th. Gunnarsson, 30.3.2009 kl. 17:34]

Þú hlýtur þá að lifa í stöðugum misskilningi því menning okkar, bókmenntir o.fl. er full af myndlíkingum.

[Agla (IP-tala skráð) 30.3.2009 kl. 17:47]

Hér eru mér færari menn að ræða alvörumál en engu að síður langar mig til að skjóta inn í spurningu um hvers vegna Davíð Oddsson sýndi eftirmanni sínum í Seðlabankanum þá persónnulegu óvirðingu sem  fram kom í ræðunni frægu.

Davíð Oddsson er búinn að helga Seðlabankanum sinn starfskraft í allmörg ár og telur hann trúlega hafa lykilhlutverki að gegna fyrir þjóðarhag okkar. Hefði hann ekki getað notað tækifærið til að gefa eftirmanni sínum heilræði eða skýra álit sitt á hlutverki Seðlabankans innan fjármála og stjórnunarkerfisins þó ekki væri nema til að reyna  að tryggja að nýji stjórinn héldi réttri stefnu? Seðlabankinn er ekki einkafyrirtæki Davíðs. Hann var starfsmaður bankans en nú er nýr maður í hans stól en svo er að sjá að fyrrverandi seðlabankastjórinn sé að reyna að grafa undan eftirmanni sínum á  mjög ógeðfeldan hátt.

Getur einhver útskýrt þetta fyrir mér.    Var Davíð kannski að reyna að efla hag Seðlabankans (og þjóðarinnar) með ummælum sínum um eftirmann sinn í þessari flokksþingsræðu?

[joi (IP-tala skráð) 30.3.2009 kl. 22:59]

Þessi maður ber mikla ábyrgð á að þessi þjóð er sundurtætt af innbyrðis togstreitu og vonleysi. Vonandi höfum við kvatt tímabil ógnar og hótunarstjórnmála ég sem flokksbundinn sjálfstæðismaður  frá 17 ára aldri vona það allavega ég hef fulla trú á því. 

[Hilmar Gunnlaugsson, 31.3.2009 kl. 00:20]

Davíð átti ekki við kynhneigð Jóhönnu með þessu máltæki "álfur út úr hól" og eru slíkar ásakanir ómerkar og varða við meiðyrði.

[Atli Víðir Arason, 31.3.2009 kl. 00:32]

Sæll Hannes.

Ég verð að leyfa mér að gera nokkrar athugasemdir varðandi mál þitt.

Myndin sem Davíð dró upp af sér í líkingu við krist var ekki eins og hún er dregin upp í fjölmiðlum. Hann sagði þetta í því yfirskini að 2 háheiðarlegir heiðursmenn(eins og hann orðaði það) hafi verið látnir fjúka ásamt honum. Einnig var hann að benda á að hann sjálfur væri saklaus, sem er jú reyndar mjög mikið álitamál. Einnig vil ég benda á að það heyrðist ekki stakt klapp þegar Davíð skaut illilega á endurreisnarnefndina heldur sló mikla þögn á salinn. Endurreisnarnefndin var þó rædd á fundinum og var samþykkt af fulltrúum fundarins, ekki var mikil umræða um hana vegna þess að hún var nær einróma samþykkt og því ekki ástæða til að gera neitt meira í því.

Hvað varðar ESB þá var enginn að hugsa um sjálfann sig eða flokkinn, í drögum í þeim nefndum sem mest myndu skaðast ef gengið yrði í ESB(sjávarútvegs og landbúnaðar), kom fram í drögum að þær stéttir myndu vera betur settar fyrir utan, sem merkir það greinilega að verið var að hugsa um landbúnað og sjávarútveg. Ekki reyna að segja mér að allir bændur og allir sem vinna í sjávarútvegi séu sjálfstæðismenn. Sjálfstæðismenn voru með þessu einungis að standa vörð um þær tvær mestu grunnstoðir landsins, sjávarútveg og landbúnað.

[Þór Jóhannesson, 31.3.2009 kl. 01:23]

Hér er stórkostlegt myndband "Píslarsagna af Davíð Kristi"

http://www.youtube.com/watch?v=JG0SLchelDc

[Gunnar Th. Gunnarsson, 31.3.2009 kl. 02:04]

Stórkostlegt myndband segirðu Þór. Mér finnst þetta lýsa heimsku, en það er víst sagt að það þurfi lítið til að gleðja fíflin.

Davíð sagði: (Og nú hljóma ég eins og ég sé að lesa úr hinni helgu bók)

„Þeir þrjótar sem krossfestu Krist létu tvo óbótamenn sitthvoru megin við hann á krossinum. En þegar verklausa minnihlustastjórnin hengdi þrjótinn Davíð, voru það tveir strangheiðarlegir og vandaðir heiðursmenn, sem fengu grátt að gjalda manninum til samlætis."

Myndræn tjáning í ræðu og riti er hluti af menningu okkar og sögu. Biblíusögur eru gjarna notaðar, einnig Íslendingasögur og jafnvel skáldsögur. Ef allir ættu að gjalda þess að nota persónur og atburði úr sögum, þá eru fáir "saklausir". Þeir sem eru að nota þessa tilvitnun í ræðu Davíðs til þess að reyna að koma höggi á hann, hafa greinilega ekki mikið í höndunum.

Segir það ekki allt sem segja þarf um ykkur?

[Þór Jóhannesson, 31.3.2009 kl. 08:32]

Sé fífl sem veður einhverstaðar uppi á þessu bloggi Gunnar þá ert það þú. Þú hefur ítrekað sýnt umheiminum hvað þú ert blár í gegn með fáránlegum vörnum í málum sem ekki er hægt að verja. Það eru bókstafstrúar, ofstrúarmenn eins og þú sem eruð svo treggáfaðir að þið sjáið ekki að með því að kjósa áfram og áfram og áfram og áfram þennan flokk auðvalds og spillingar ertu - ekki bara búinn að kalla eymd yfir þjóð þína - heldur ert að því ennþá og munt ávalt gera. Þú ert ekki bara fífl heldur ertu þjóðníðingur af verstu gerð!

Nautheimskur múlbundinn sauður sem eltir foringjann fyrir björg.

Maðurinn sem þú ert að reyna að verja núna er augljóslega með "messíasarkomplexa" á háu stigi en það breytir því ekki að þú étur, ekki bara upp vitlesuna eftir hann, heldur trúirðu henni líka eins og nýju neti! Þetta hjarðeðli er hættulegt líkt og hjarðeðli þýsku þjóðarinnar sem kallaði yfir sig Nasista í von um fylgisspekt.

Helvítis fokking fífl.

[Hannes Friðriksson , 31.3.2009 kl. 09:37]

Gunnar:

Einhvern veginn finnst mér þú gera mjög mikið af því að benda á hve aðrir sem tjá sig um þetta mál eru ýmist barnalegir, heimskir eða þaðan af verra. Slíkar ávirðingar verða hreint ekki til að bæta umræðuna nema síður sé.

[Svavar Bjarnason (IP-tala skráð) 31.3.2009 kl. 10:19]

Alkunna er hið ótrúlega þýlindi íhaldsmanna, en það sem ég hef lesið í kommentum hérna frá einum manni er hreint yfirgengilegt.