" Bjarni við verðum að klára þetta dæmi".

 

Ég er einn þeirra manna sem lengi er að hugsa, og hef nú í tvo daga gengið hamstola um gólf og hugsað hvað Þorgerður Katrín var að meina þegar hún í upprifningu sinni yfir frábærleika flokks síns  snéri sér að Bjarna Ben og sagði " Bjarni við verðum að klára þetta dæmi". Hef ekki náð að átta mig á hverju þeir hafa byrjað á undanfarið sem er þess virði að þau klári það. Datt helst í huga að hún væri að tala um að klára það dæmi að koma þessari þjóð endanlega á hausinn, því það er það eina sem ég men eftir í svipinn að þau hefðu startað en ekki tekist að klára.

Það er eins með landsþing Sjálfstæðisflokksins og  Davíð Oddson, maður nennir eiginlega ekki að tala mikið meira um þessi mál. Þau eru ekki uppörvandi hvorki fyrir þjóðina og hvað þá heldur sálina. Þá er betra að segja frá einhverju skemmtilegu sem maður hefur heyrt og léttir lundina. Svo ég læt hér eina Jóhönnu sögu sem ég heyrði fylgja með.

Frambjóðandi einn var nýlega á ferð á Austurlandi og sat þar fund með heimamönnum. Þarna hafði hann oft komið og þekkti því nánast hvern mann er inni voru. Hann tók fljótlega eftir að einn fundarmann gamall bóndi og eðalkrati úr sveitinni sagði ekki mikið og var með hálfgerðan ólundarsvip. Hann gekk því til hans og spurði hvort eitthvað amaði að hjá honum.

"Jú sjáðu" svaraði hann, "Ég skil alveg að Jóhanna hafi ekki brosað svo mikið síðustu tvö ár enda í samstarfi við Sjálfstæðisflokkinn, og í þannig samstarfi er hreinlega ekki hægt að brosa, en ég óttast að hún hafi gleymt hvernig á að brosa og verði eins og Soffía frænka í framtíðinni" það var greinilegt að gamla mannininum var mikil alvara en rættist úr þegar þegar frambjóðandinn sagði að bragði. "Ja nú verður þú að ákveða Jón hvort þú velur  Soffíu frænku eða ræningjana". Undanfarið hefur sést til Jóns keyra heim að bæjum á gamla traktornum sinum og segja þessa sögu. Það kemur svo seinna í ljós hve margir kjósa ræningjana

Athugasemdir

[Benedikt Kaster (IP-tala skráð) 31.3.2009 kl. 12:16]

Fékk kjánahroll að horfa upp á þetta.  Sigurður Kvóti talandi um að ef Sjálfstæðismenn vilji halda kvótanum verði þeir að standa utan ESB.  Davíð sagði um daginn í frægu viðtali Bankinn minn og átti þá við Seðlabankann.  Hvað er að??

[Einar (IP-tala skráð) 31.3.2009 kl. 15:42]

Sæll Hannes

 Það er naumast að Sjálfstæðisflokkurinn er þér ofarlega í huga eftir landsfundinn, það bara kemst ekkert annað að á blogginu hjá þér!! Ég sem hélt að þú værir "alveg" genginn úr flokknum, langar þig kannski heim aftur ;-)

Hvernig er það var ekki fundur hjá þínum flokki um helgina??  Það hefur greinilega ekkert gerst þar, allavegna ekkert sem vert er að skrifa um? Eða hvað?? 

Það er gott að þú hugsar mikið um fund okkar sjálfstæðismanna, það gera líka flestir aðrir.

Við skulum svo bara sjá hver hefur betur að lokum!!!!!!

[Hannes Friðriksson , 31.3.2009 kl. 15:58]

Blessaður Einar

Maður er svona að reyna að skrifa sig frá þessu, gallinn er að fréttinar sem berast virðast bara koma af landsfundi ykkar, hjá okkur var náttúrulega bara allt í ró og spekt málin rædd í gegn án þess að menn þyrftu eitthvað að vera að hrauna yfir félagana. Samin stjórnmálaályktun sem vísar til framtíðar og tekið á öllum málum. Það var nú bara notalegt.