Skyldu þeir segja af sér?

Heldur hefur manni þótt þær fréttir um afreksverk bæjarfulltrúa Sjálfstæðisflokksins hér í Reykjanesbæ vera daprar, og ekki alveg í samræmi við það sem þessir sömu menn segja sig standa fyrir. Ekki einasti þessara manna hefur tekist á nokkrum árum að skuldsetja þetta bæjarfélag upp fyrir haus, heldur hafa þeir að því er virðist, komið upp nýju kerfi kvóta hér í Sparisjóðnum og eru þaðkúlulánin svonefnd.

Eitt þeirra mála sem hvað hæst hefur farið hér í bæjarfélaginu undanfarið er umfjöllun um svonefnda Suðurnesjamenn, og virðast tveir bæjarfulltrúar íhaldsins leika þar aðalhlutverk ásamt bæjarstjóra vorum, og þeir hafa fengið vel og ríkulega úthlutað úr kvóta kúlulána sem  Sparisjóðurinn hefur til úthlutunar eða aðkomu að.    Ljóst er að ekki fengu  allir þeir sem að Suðurnesjamönnum komu  úthlutað úr kvóta þessum, og hafa kannski ekki einu sinni sóst sérstaklega eftir því. Heldur valið að vera sjálfir ábyrgir  fyrir sínum skuldum og viðskiptum. Þeir líða nú fyrir þá er létu allt saman bara falla, og þeir keyra þó áfram hér um bæinn í þeirri trú sinni að það sem þeir gerðu komi engum við nema þeim .   

 

Fyrir þeim var þetta bara leikur sem þeir gátu leikið í skjóli stöðu sem þeir höfðu verið kosnir til, og telja að þar af leiðandi eigi þeir að njóta einhverra sérstakra forréttinda eins og að borga ekki ekki þau lán sem þeir tóku á sínum tíma og að það komi ekki niður á neinum þó að lánin séu látin falla.   

 

Þessir menn hafa nú glatað öllu því trausti sem til þeirra var borið og sýnt okkur svo ekki verður um villst að þeir eru fyrst og fremst í stjórnmálum fyrir sjálfa sig, til að komast að þeim gæðum sem þeir telja að sé þeim ætluð. Það hlýtur að vera krafa okkar að þessir menn segi af sér þeim embættum sem þeir hafa verið kosnir til.  Það er það eina sem þeir hafa unnið til .  

Athugasemdir

[Jóhann (IP-tala skráð) 6.4.2009 kl. 17:13]

Já það getur komið sér vel að vera í réttum flokki og ekki sakar að sitja í stjórn bankans sem lánar.

Maður hefði betur sleppt því að kaupa stofnfjárbréf og eytt peningnum í eitthvað gáfulegra.

En að þeir muni skammast sín; það held ég ekki.

[Hildur (IP-tala skráð) 6.4.2009 kl. 18:05]

Það þarf að upplýsa fyrir sem fyrst hverjir af okkar kjörnu fulltrúum hafa fengið "gefins" húseigni á vellinum. Þar til það verður upplýst liggja allir undir grun!

[Kjartan Pétur Sigurðsson, 7.4.2009 kl. 07:15]

Þingmenn eru fyrst og fremst sölumenn, þeir eru öllum stundum að reyna að selja hugmyndir. Raunin er því miður sú að sölumennska og umsýsla með fjármagn fer ekki vel saman.