Misskilið málæði!

 

Já þetta verður stöðugt vandræðalegra og erfiðara hjá þeim málþófsmönnum þingi sem nú bera því við að þeir þeirri í málefnalegustu og nauðsynlegustu orðræðu sem þeir sjálfstæðismenn hafa séu farið í gegnum í sögu þess merka flokks. Áherslan í umræðunni er þó sú að þeir sú ekki í málþófi og þeir sem slíku haldi fram skilji ekki eðli lýðræðisins.

Eitt er það sem þeim verður tíðrætt um er að ekki sé hægt að nota orð eins og þjóðareign. Það hafi ekki ekki verið skilgreint nóg svo það sé nýtanlegt. Ég get ekki séð neinar þær forsendur að það sé ljóst að auðlindir þjóðarinnar skuli vera í þjóðareign. Það ætti hver þokkalega skynsamur maður að skilja hvað þýddi, nema kannski örfáir sjálfstæðismenn sem ekki vilja skilja það vegna þess að þeim hefur verið sagt að þeir geti ekki skilið slíkt.

Sjálfstæðisflokkurinn er nú komin í stöðu sem þeir kunna ekki að höndla og og vita ekki hvað það þýðir að vera í minnihluta. Það þýðir til að mynda ekki að þeir geti haldið bæði þingi og þjóð í gíslingu, með skoðunum sem ekki er meirihluti fyrir. Og tefja mál sem nauðsynlegt er að fái afgreiðslu fyrir þinglok. Eitt þeirra mála er fjárfestingarsamningurinn fyrir álverið í Helguvík, sem nú eru allar líkur á að nái ekki í gegn fyrir þinglok. Það geta þeir sjálfstæðismenn ekki skrifað á nokkurn nema þá sjálfa.

Þeir vita hvað tímanum líður og er nú ljóst að brátt kemur að því að þingið fari heim með þetta mál óleyst. Þökk sé þeim sjálfstæðismönnum sem hreykja sér suður með sjó að það séu þeir sem vinni hvað þarfast verk við að koma þessum fjárfestingum í gegn, en frysta það svo inni í þinginu í misskildu málæði sínu við að vernda stjórnarskrána, sem þessa stundina þarf ekki á vernd sjálfstæðisflokksins að ræða í þessu máli, frekar en svo mörgum öðrum málum sem snúa að þjóðarhag.

Athugasemdir

[G. Valdimar Valdemarsson, 7.4.2009 kl. 13:17]

Umboð þingsins rennur út þegar kjörstjórn lýsir kjöri nýrra þingmanna.  Þá fyrst á að senda þingið heim og ekki fyrr ef íhaldið vill halda áfram að kúga meirihlutann.

[Guðmundur R Rúnarsson (IP-tala skráð) 7.4.2009 kl. 16:05]

Held að öllum sé orðið ljóst að þetta frumvarp á ekki að komast í gegn. Hvernig væri nú að fara að klára þau mál sem þessi stjórn á að klára. Semsé bjarga þjóðarskútunni. Stjórnarskrárbreiting hefur ekkert með það að gera og ég lísi frati í stjórnarflokkana að ætla að reina að þvinga þetta í gegn og gleima öllu öðru þrátt fyrir að það sé vonlaust að þetta komist í gegn. Boltinn er semsagt hjá stjórnarflokkunum en ekki andstöðunni.

[Hilmar Gunnlaugsson, 7.4.2009 kl. 20:42]

Það hafa allir flokkar gerst sekir um málþóf einhverntíman t.d. man ég eftir því hjá Samfylkingu og VG á sínum tíma.

[G. Valdimar Valdemarsson, 7.4.2009 kl. 21:42]

Hilmar... en Framsókn?  Hvenær stóðu Framsóknarmenn að ólýðræðislegum vinnubrögðum á Alþingi ? 

[Hilmar Gunnlaugsson, 7.4.2009 kl. 21:45]

Ætli það hafi ekki verið undarleg framkoma Guðna Ágústssonar hér um árið?

[G. Valdimar Valdemarsson, 7.4.2009 kl. 22:01]

Var það málþóf.. ég hélt að það hefði verið skemmtun.

[Hilmar Gunnlaugsson, 7.4.2009 kl. 22:13]

Kannski má líta þannig á það

[Ómar Sigurðsson (IP-tala skráð) 7.4.2009 kl. 23:56]

Samfylkingin er náttúrlega með skítinn upp á bak í þessum málum sem fleyrri.

[Ómar Sigurðsson (IP-tala skráð) 8.4.2009 kl. 11:59]

Margur heldur mig sig. Ég hef verið að fara yfir greinarnar þínar hér á blogginu og ekki rekist á neitt nýtt eða bitastætt, svo ég sé nú ekki betur en þú stundir hér málþóf af verstu sort. Ég segi eins og Einar Ben. : Munngáitin ein bar moldarkeim, er mælt hér eitt orð sem ei fyrr var kunnað.

[Hannes Friðriksson , 8.4.2009 kl. 14:45]

Blessaður Ómar

Þessi síða er nú kannski svona meira bara dagbók þar sem ég skrái hugsanir mínar, og er ekkert sérstaklega að leggja mig eftir hvort þær eru bitastæðar, að nýjar. Þetta eru bara skoðanir mínar hverju sinni, og það hryggir mig að þú líti svo á að ég stundi hér eitthvað málþóf. Það var nú alls ekki meining mín.

Með bestu kveðju