Þeim rennur blátt blóð í æðum.

 

Nú er senn komið að lokum þess þings er nú situr, minnihlutastjórn sem tók við fyrir í byrjun febrúar hefur haft nóg að gera við að þrífa upp eftir aðgerðaleysi og ákvörðunarfælni Sjálfstæðisflokksins. Mörg mikilvæg mál hafa send til afgreiðslu þingsins og þar á meðal breytingar á stjórnarskrá lýðveldisins sem ætlað var meðal annars að gefa þegnunum möguleika á að hafa meira að segja um þau mál er brenna á þjóðinni hverju sinni. Og að tryggt væri að auðlindir þjóðarinnar yrðu ávallt í þjóðareign.

Sjálfstæðisflokkurinn fagnar nú sigri og segist hafa varið lýðræðið í landinu. Þeir fagna á torgum yfir að hagsmunir þeirra hafi verið teknir fram yfir þjóðarhagsmuni.Og hvað var það nú í þessum stjórnskipunarlögum sem fór svo fyrir brjóstið á hinum lýðræðissinnuðu verndurum stjórnarskrárinnar.

Það mátti náttúrulega alls ekki opna fyrir þann möguleika þjóðin gæti kosið um  þau mál er á brenna og haft áhrif á niðurstöðu þeirra til að mynda með þjóðaratkvæðagreiðslu. Það væri slæmt ef hagsmunir flokksins færu ekki saman við hagsmuni þjóðarinnar.

Þeir eru einnig stoltir og kátir yfir því að hafa komið í veg fyrir að það skyldi skilgreint í stjórnarskrá að auðlindir þjóðarinnar skuli vera í þjóðareign. Segja að fræðimenn þeir sem þeir hafi leitað til geti ekki komið sér saman um um hugtakið þjóðareign. Skilst þó að börn í fyrsta bekk í grunnskóla hafi náð að tengja þessi orð saman þjóð og eign og fundið út að þetta þýði að þjóðin eigi þessa hlut sem um er rætt þegar þjóðareign ber á góma.

Já verndar lýðræðisins geta fagnað að hafa varið stjórnarskrána, sem að vísu við fengum að í arf frá danska konungsveldinu, þar sem aðalsmenn voru valdahafar á þeim tíma sem hún var samin. Því vilja Sjálfstæðismenn ekki breyta og telja að um æðar þeirra renni blátt blóð, og að þeir séu lénsherrar og aðalsmenn.  

Athugasemdir

[Kristín Ara, 18.4.2009 kl. 02:59]

Hannes þú verður að skoða málin ofan í kjölin ef þú ætlar að hafa skoðanir á þeim. Ég hef frá því að þessi blessaða stjórn tók til valda furðað mig á því hvers vegna þetta mál var yfir höfuð á dagskrá, ég hélt að hún ætlaði að bjarga "heimilum" og fyrirtækjum, en sennilega hefur Ríkisstjórnin talið að besta leiðin til þess að ná þessum markmiðum væri að gera breytingar á stjórnarskránni! Þú þarft að lesa stjórnarskránna ef þú heldur að henni hafi aldrei verið breitt frá því við fengum lýðveldi, þú veist greinilega ekkert um hvað þú ert að skrifa, svona þér til stuðnings þá skal ég benda þér á eftirfarandi.

Sú hefð hefur skapast að stjórnmálaflokkar hafa með sér samstarf um stjórnarskrárbreytingar og undirbúning þeirra til að tryggja vandaða málsmeðferð og ná sátt um breytingar á slíku grundvallarskjali

Þannig var t.d. staðið að viðamiklum breytingum á stjórnarskránni árið 1995 og 1999 undir forystu sjálfstæðismanna

Fyrir lá að af þeim 30 umsagnaraðilum sem komu fyrir sérnefnd um stjórnarskrármál til þess að gefa álit sitt á málinu voru aðeins 2-3 umsagnaraðilar sem studdu breytingarnar heilshugar, allir aðrir höfðu ýmist efnislegar athugasemdir eða athugasemdir við orðalagið. Eitt af ákvæðunum sem lagt var til í frumvarpi ríkisstjórnarinnar gekk út á að varið yrði um 2 milljörðum króna hvorki meira né minna finnst þér við hafa ráð á því núna, til að setja á fót stjórnlagaþing til að skrifa nýja stjórnarskrá og svipta þingið þannig af sínu helsta og veigamesta hlutverki. Og með þessu getur þú mælt!