Búúmerang!!

 

Nú er maður  alveg hættur að skilja hvert þeir sjálfstæðismenn eru að fara með stöðugum  vendingum sínum í gjaldeyrismálum þjóðarinnar. Nú á Alþjóðagjaldeyrissjóðurinn að sjái nú um fyrir Íslands hönd  um að semja hver framtíðargjaldmiðill þjóðarinnar verður, þó það hafi nú aldrei verið þeirra hlutverk hingað til. Spurning hvort þeim detti ekki næst í hug að biðja þann sjóð að koma líka með lausn á kvótavandamálinu? Og jafnvel sjá um hverjir sitja á þinginu. Þá væru þeir búnir að ná að afhenda sjóðnum allt það fullveldi og sjálfstæði, sem þeir þó þykjast berjast fyrir.

Maður fer náttúrulega að skilja vel núna hvað það var sem rak þá sjálfstæðismenn upp í ræðustól alþingis í umræðum stjórnarskrárbreytingar sem auðveldað hefðu á allan hátt viðgangi lýðræðisins í landinu.

Auðvitað fer maður nú þegar sjálfstæðismenn hafa viðurkennt að það sem þeir samþykktu á landsþingi sínu nú nýverið var bara bull og della, og að áfram verði  ekki haldið nema að taka upp nýjan gjaldmiðil að velta fyrir sér  hversvegna þeir voru ekki tilbúnir til að auðvelda aðildarviðræður beint og milliliðalaust við Evrópusambandið.

Sjálfstæðismenn sem samþykktu á landsþingi sínu að til að hægt yrði að fara í aðildarviðræður um hugsanlegan samning að til þyrfti að kom tvöföld þjóðaratkvæðisgreiðsla, annars vegar hvort ræða eigi hlutinn,og svo hvort samþykkja eigi hlutinn eru í þessu máli langt úti á þekju og í engu sambandi við eðli samninga viðræðna. Það er eins og þeir hafi aldrei komið að slíkum viðræðum.

Fór að velta fyrir mér til að mynda samningaviðræðum á vinnumarkaði. Hvað yrði sagt, og hver halda menn að árangurinn yrði ef til að mynda launþegar færu í hvert skipti sem að launaviðræðum kemur ákveddu að greiða um það atkvæði hvort yfirleitt skyldi talað við vinnuveitendur, og öfugt. Þessi aðferðafræði myndi sennilega litlu skila, og tilgangurinn er náttúrulega enginn.

Það að dúkka upp með tillögu  sem þessa kortéri fyrir kosningar  til að reyna að klóra yfir þann skít sem þeir sjálfir grófu sig í á landsþingi sínu vekur mann óneitanlega til umhugsunar hvort þeir séu svo skyniskroppnir að prófa sömu aðferðafræðina tvisvar á skömmum tíma. Að reyna að ýta máli á aðila sem þeir vita að geta ekkert með það gert.

Það reyndu þeir síðast þegar Guðlaugur Þórðarson reyndi að fá ríkisendurskoðun til að staðfesta að hann væri heiðarlegur stjórnmálamaður, og þetta reyna þeir nú vitandi að Alþjóðagjaldeyrissjóðurinn tekur ekki að sér að semja um mál sem þetta fyrir einstakar þjóðir. Þessi tillaga er eins og búúmerrang sem kemur til baka og lentir á haus kastarans sem ekki veit hvernig slíkt verkfæri virkar.   

 

 

Athugasemdir

[Eiður Svanberg Guðnason, 19.4.2009 kl. 17:39]

Það mun koma í ljós  að þetta bull um    að  fá  hjálp AGS  til einhliða upptöku Evru  er ein mesta kosningabommerta  síðustu áratuga. Óskiljanlegt rugl. Hver  plataði  flokkinn út í þetta  fen ?

[Bragi Einarsson, 19.4.2009 kl. 20:42]

Þetta er bara örvæntingafull tilraun þeirra til að bjarga fésinu viku fyrir kosningar.

[Ómar Sigurðsson (IP-tala skráð) 20.4.2009 kl. 10:58]

Samfylkingin tók við blómlegu búi fyrir tveim árum síðan, fér viðskipta og bankamálaráðuneytið, og þar með forsjá allra viðskyptabankanna og eftirlit með þeim. Á þessum tveim árum hefur Samfylkingunni tekist að keyra alla bankana í þrot. Ekki nóg með það heldur heimilin og fyrirtækin í landinu líka. Og Samfylkingingin er svo óforskömmuð að hún bendir alltaf á aðra þrátt fyrir að bera höfuð sök á því hvernig komið er.

[Ómar Sigurðsson (IP-tala skráð) 20.4.2009 kl. 11:00]

Úps afsakið stafsetningarvillurnar, en það afsakar ekki Samfylkinguna.