Tenórinn er falskur

 

Það heyrast nú sögur bæði frá Vestmannaeyjum og Grindavík, að þar dreifi hagsmunagæsluflokkur stóru útgerðaraðilana í hús ýmist munnlega eða bréflega hræðsluáróðri. Hér muni allt fara til fjandans og fiskarnir synda í burtu verði einhverjar breytingar á eignarhaldi kvótans. Það sé byggðunum fyrir bestu að þeir sem nú eiga eða ráða yfir kvótunum, enda séu þeir burðarásar hvers bæjarfélags. Og það skiptir máli.

 

Ekki er nú hægt að segja að þessir burðarásar sem sem þeir þykjast vera hafi eitthvað sértaklega verið að hugsa um hag sinna bæjarfélaga þegar þeir í gegnum árin hafa ýmist selt kvótann í burtu, eða siglt með aflann til útlanda og sagt við fiskvinnslufólkið í landi að það hafi verið skynsamlegt og þannig hafi fengist mest verðmæti fyrir aflann.

 

Það er ekki þannig að þá hafi þeir verið hugsa um hag byggðanna eða að atvinnutækifæri hafi verið tryggð.  Nei þá voru þeir fyrst og fremst og nánast bara að hugsa um eigin hag.  Hvað þeir fengu í veskið.  Þeim var nefnilega alveg sama um fiskvinnslufólkið og hverja þá aðra sem að fikvinnslunni komu.  Þeir voru að hugsa um sjálfa sig og þannig mun það verða áfram haldi þeir áfram yfirráðum yfir kvótanum.

 

Sá hræðsluáróður sem grátkórinn nú syngur með Sjálfstæðisflokkinn í hlutverki hetjutenórsins er falskur.  Nú er sá tími að fólkið sem byggðinar byggja og horft hafa á kvóta bæjanna hverfa átti sig á það er betra að þau sem hluti af þjóðinni njóti í gegnum lækkaða skatta í framtíðinni afrakstur af þeirri auðlind sem er þeirra eign, en ekki burgeisanna sem nú vara við að vondir menn hafi í hyggju að taka frá kvóta og setja fyrirtæki þeirra á hliðina.  Því hafi þeir rekið sín fyrirtæki skynsamlega munu þeir hvorki fara á hausinn, né fiskurinn synda í burtu. Þeir munu hinsvegar verða hluti að sterkum sjávarútvegsiðnaði sem byggir á stöðugu rekstraumhverfi.  

Athugasemdir

[Margrét Sigurðardóttir, 24.4.2009 kl. 12:55]

Já, Sjálfstæðismenn hafa ríka ástæðu til að vera hræddir. Þeir eru að missa sætið sitt við kjötkatlana. Undur og stórmerki.

[Óskar (IP-tala skráð) 24.4.2009 kl. 15:12]

Það er ódýrt að veraí einhverri vinsældaráróðri rétt fyrir kostningar um að ætla kippa kótanum í burtu af útgerðinni en hiksta svo þegar fólk vill fá vita hvernig á að úthluta honum aftur!!!!

Bjánalegt að koma með eitthvað eins stórt og þetta er rétt fyrir kostningar og vita svo ekki hvað á að gera í framhaldinu.