Og þeir færa flaggstangir íhaldsins.

 

Leikurinn er hafinn. Kjörkassarnir hafa verið innsiglaðir, og lítið annað að gera en að bíða niðurstöðunnar. Bæjarstarfsmennirnir hafa verið ræstir út, til að færa flaggstangir íhaldsins, og dagdvöl aldraðra sem bærinn greiðir fyrir er nú orðin kosningaskrifstofa blámanna. Ennþá er allt eins.

Dagurinn í dag gæti verið nýtt upphaf, það er undir okkur sjálfum komið. Kostirnir eru skýrir, þar stendur valið á milli framþróunar og breytinga í takt við það sem þjóðirnar umhverfis okkur búa við, eða sérhyggju sjálfstæðismanna. Virðist auðvelt, en ekki sjálfgefið. Tl þess að breytingar geti orðið verðum við að mæta á kjörstað, það yrði sigur lýðræðisins.

Lýðræðið er það dýrmætasta sem við eigum. En á undanförnum árum hefur það verið misnotað. Misnotað af þeim er þóttust standa vörð um það. Þeir litu á það tæki sem til væri komið til að skara sem mestan eld að eigin köku, og skeyttu lítið um þá sem ekki voru sömu skoðunar, eða í sama vinahóp. Þeim er þóknanlegir voru fengu banka, kvóta, hitaveitur og hvað það er nöfnum tjáir að nefna. Sumstaðar á landinu þar sem þeir frálshyggnustu réðu ferð þurftu menn að festa rúm sín við ofna húsanna svo þau yrðu ekki einnig seld í burtu til einkaaðila sem betur kunnu með að fara.

Nú er tíminn til breytinga. að þeir sem hér hafa stjórnað í samfleytt 18.ár fái það frí sem þeir þarfnast og nýir vendir sópi upp upp eftir þá

Athugasemdir

[Fannar frá Rifi, 25.4.2009 kl. 11:49]

" og nýir vendir sópi upp upp eftir þá"

Nýir vendir? Jóhanna sem er búinn að sitja svo lengi að hálf þjóðin man ekki aðra tíma heldur en að Jóhanna hafi alltaf verið á þingi?

Eða Steingrímur sem er búinn að hanga næstum því jafnlengi á ríkisjötunni og Jóhanna.

nei vertu nú heiðarlegur og viðurkenndu að þessir vendir eru eldri en allir þeir sem eru hjá Sjálfstæðisflokknum. Þetta væri svona svipað og ef Þorsteinn Pálsson væri enn á þingi fyrir XD og sömuleiðis Halldór Ásgríms fyrir Framsókn. 

[Hannes Friðriksson , 25.4.2009 kl. 12:13]

Blessaður Fannar

Það er einmitt kosturinn við Jóhönnu, og jafnvel Steingrím líka hve lengi þau hafa verið á þingi. Þau muna nefnilega lengra aftur fyrir sig en síðustu klukkustundir. þá tíma þegar ekki var hér íhald við stjórnvölinn, og þetta er svo sem ekki í fyrsta skipti sem hún þarf að þrífa upp skítinn eftir sjálfstæðið. Hún veit hvar þeir dreifa drullunni, á bak við gardínur og undir sófum. Aldur er afstætt hugtak, þannig er það með gott rauðvín, að það verður oftast betra með aldrinum. Og ég held að það væri hreint ekki svo svo slæmt að einmitt maður eins og Þorsteinn Pálsson væri á þingi núna og jafnvel formaður ykkar líka. þá kæmi örugglega eitthvað vitrænt frá flokknum

Með bestu kveðju

[Þorsteinn Sverrisson, 25.4.2009 kl. 13:30]

Sæll Hannes.  Samfylkingin lætur eins og hún hafi dottið af himnum ofan eftir bankahrunið eins og engill? Hún var í stjórn með Sjálfstæðisflokknum þriðjung af umtöluðum 18 síðustu árum. Bar ábyrgð á bankamálum síðustu tvö ár! Í umræðum formannanna í gær var aðeins ein manneskja sem hafði verið í ríkisstjórn síðustu 18 ár, og það þriðjunginn af tímabilinu. Fyrstu fjögur árin var hún í stöðugum slag við sinn eigin formann og hallaði sér mjög að sjálfstæðisflokknum með framgang sinna mála. 

Samfylkingin hefði getað stofnað vinstri stjórn fyrir tveim árum en barðist fyrir því að komast í stjórn með Sjálfstæðisflokkunum. Nú kennir hún honum um allt sem aflaga hefur farið. Þetta er bara aumingjaskapur. Þau tóku fullan þátt í leiknum, dönsuðu í kring um auðmennina út um allan heim og eins og við flest héldum að við værum á réttri vegferð.

[Hannes Friðriksson , 25.4.2009 kl. 13:42]

blessaður Þorsteinn

Nei vinur það er nú kannski tilfinning þín og ég skil það vel. En það er náttúrulega þannig að þegar hún fór í samstarfið var ekki allur sannleikurinn sagður, kannski enginn vitað?Missti því miður af þessum umræðum, var úti að boða boðskapinn svo um hvað þar fór fram veit ég lítið. Þetta síðasta má svo sem til sannsvegar færa að nokkru leyti , öll dönsuðum við með, en nú hefur það kerfi sem allt byggðist hér á hrunið, og ljóst að við þurfum að reyna eitthvað nýtt, nema þú trúir að sama kerfið og kom okkur í  vandann komi okkur út úr honum

Gleðilegt sumar

[Þorsteinn Sverrisson, 25.4.2009 kl. 15:56]

Ég er alveg staffírugur og trúi enn á markaðslausnir.  Við bönnum ekki bíla þó það verði bílslys :)  Hef áhyggjur af því að ný vinstri stjórn ef að verður noti klaufaskap varðandi fjármálafyrirtæki og gallaða einkavæðingu sem rök fyrir því að tefja það að koma gjaldþrota fyrirtækjum aftur í einkarekstur.  Ég held að það sé nauðsynlegt að gera það sem fyrst, það hafa aðrar þjóðir gert við svipaðar aðstæður og ýmsar sniðugar leiðir til þess.

[Marteinn Unnar Heiðarsson, 25.4.2009 kl. 16:54]

Samfylkingin kærð fyrir landráð.

Samfylkingin var kærð fyrr í dag fyrir landráð.  Einhverra hluta vegna hefur þetta hvergi birst í nokkrum fjölmiðli.

Lesið kæruna hér.