Nú væri gott að eiga fimmhundruð kall!

 

Hjörleifur Guttormsson er maður margra skoðana, hann vill ekki að athugaðir verði möguleikar til olíuvinnslu á Drekasvæðinu, og hann vill ekki að farið í aðildarviðræður við ESB til að athuga hverjir raunverulegir kostir okkar eru í því sambandi. En það er hins vegar fátt um fína drætti hjá þeim annars mæta manni þegar kemur að svörum við því hvernig við eigum að vinna ookur út úr þeim vanda. Hans heimspeki viriðst vera sú helst að gera ekki neitt.

Í pistli sínum á heimasíðu sinni sakar hann Samfylkingu um hið ómerkilegasta lýðskrum, og að þeir hyggist nú þrýsta þjóðinni inn í Evrópusambandið. Þrátt fyrir að honum sé fyllilega ljóst og sennilega betur en flestum að Samfylkingin reynir nú fyrst og fremst að gera það sem flestum skynsömum mönnum í þeirri stöðu sem Ísland er , að hvetja til þess að fara í aðildarviðræður og sjá hverjir kostir og gallar kunni að koma út úr slíkum samningi. Og láta þjóðina með atkvæðagreiðslu ákveða hvort slík aðild sé henni hugnanleg. Meiri er nú pressan á því máli ekki. Svona svipað og að athuga hvort olía finnist á Drekavæðinu, eða jafnvel gamall fimmhundruð kall í veskinu, sem kæmi sér vél nú um stundir.

Nei nú telur sá frómi maður sem telur sig hafa sagt og vita hvað út úr slíkum samning komið tímabært að umræðan fari á hærra stig og að nú sé "Ekki er seinna vænna að almenningur fái hlutlægar upplýsingar um eðli og innviði Evrópusambandsins þannig að fólk sjái í gegnum þann áróður sem óskammfeilnir stjórnmálamenn og sjálfskipuð „elíta" hafa látið frá sér fara að undanförnu". Og einhvern veginn fær maður á tilfinninguna að þeir sem nú beri að hlusta á og teljist ekki til óskammfeilinna stjórnmálamanna né heldur elítunnar, og gefi hlutlausar upplýsingar um eðli og innviði ESB séu einmitt félagar hans í Heimsýn, ekki kæmi mér það á óvart.

 

Athugasemdir

[Jakob Andersen (IP-tala skráð) 2.5.2009 kl. 15:24]

Við þurfum ekki að fara í aðildarviðræður við ESB. Það er nóg að spyrja  Hjörleifur og t.d. Ragnar. Sem sannur byltingarsinni eru þeir á hærra meðvitundaplani en okkur og eru fyrir löngu búin að sjá í gegn ároðan.

[Ingimundur Bergmann, 2.5.2009 kl. 15:46]

Ekki man ég til að hafa séð eða heyrt tillögur Hjörleifs um framtíðina en ætli hann sé ekki sammála félaga sínum Ragnari: Framleiða (líklega úr engu) og selja til útlanda með gengi krónunnar í botni.

Glæsileg framtíðarsýn!!

[Finnur Bárðarson, 2.5.2009 kl. 18:56]

Ekki lyfta lokinu af askinum, það gæti verið sólarglæta þarna úti.

[Aron Adam (IP-tala skráð) 2.5.2009 kl. 19:13]

Evrópusambandið myndi hækka matvælaverð hjá okkur!  Sjá hér

Matarverð í ESB hærri en á Íslandi?

[Hannes Friðriksson , 2.5.2009 kl. 20:26]

Blessaður Aron

Með hvað gengi á Evru ertu að reikna, og telurðu að það gengi sé komið til að vera?

Kv Hannes

[Hjörtur J. Guðmundsson, 2.5.2009 kl. 21:03]

Það sem Evrópusambandssinnar gera nánast eingöngu út á í áróðri sínum fyrir inngöngu í Evrópusambandið eru fullyrðingar um að hér muni verðlag og vextir lækka ef af henni yrði. Ekkert um það myndi hins vegar koma fram í viðræðum um inngöngu í sambandið eða í samningi þar um. Það kæmi aðeins í ljós eftir að inn í Evrópusambandið væri komið hvernig það yrði. Við vitum m.ö.o. jafn mikið um þau mál núna og eftir að búið væri að setja saman samning um inngöngu Íslands í sambandið. Hver verður næsti áróður Evrópusambandssinna? Að við vitum ekkert hvað innganga í Evrópusambandið hafi í för með sér fyrr en við förum þangað inn??

Þetta er svo endalaus vitleysa að það hálfa væri mikið meira en nóg.

[Andri Geir Arinbjarnarson, 2.5.2009 kl. 21:43]

Aron,

Matarverð á Íslandi hefur fallið miðað við ESB löndin því lægstu laun hér hafa fallið um 40% mælt í evrum.  Að keyra matarverð niður með því að keyra niður lægstu taxta er vissulega ein leið en er þetta virkilega það besta sem ESB andstæðingar geta boðið upp á? Matarverð í Tyrklandi og Indlandi er lægra en á Íslandi.  Eigum við heldur að stefna á lífskjör í þeim heimshluta?

[Hannes Friðriksson , 2.5.2009 kl. 22:24]

Hjörtur

Hvernig veist þú hvað muni koma fram í viðræðum sem ekki einu sinni hafa farið fram?

[Ólafur Bjarni (IP-tala skráð) 4.5.2009 kl. 16:25]

Menn virðast ekki sjá skóginn fyrir trjánum þegar menn tjá sig um ESB. ESB er fyrst og fremst stofnað til að auðvelda viðskipti á milli landa, samræma lög og gera viðskipti milli aðildarlanda þannig að allir sitji við sama borðið. ESB  er alltaf að gefa út tilskipanir um hin ýmsu mál, stór og smá.  Þessar tilskipanir eru svo margar að fáir henda reiður á þær og virðist þetta skrifræði því vera allt lifandi að drepa.  Síðan eru nöfnin ekki heldur til að minnka tortrygni gagnvart þessum félagsskap: tollastefna, skattastefna, landbúnaðarstefna, sjávarútvegsstefna o. s. fv.  Enda eru andstæðingar ESB með það á hreinu að allt sem þarna getur verið í boði sé mjög skaðlegt og myndi  eyðileggja lífsskylyrði hér á landi.  Það virðist eiga að láta þá aðila sem sitja að kjöt kötlunm hér á landi og sjá að ESB myndi ekki samþykkja þeirra aðkomu að auðlindum og markaði hér á landi ná að tala þannig um þetta brýna hagsmunamál að það kemst aldrei á vitrænt plan. Það á bara að nota smjörklípu aðferðina.