Á Bjarni Benediktsson tvíburabróður?

 

Eftir að hafa lesið aftur yfir grein þeirra Bjarna Benediktssonar og Illuga Gunnarssonar frá 13.desember, og hlustað á ræðu og málflutning manns með sama nafn á Alþingi nú í morgun er maður hreint ekki viss um hvort það er sami maður sem skrifaði greinina og sá sem kjörin var formaður Sjálfstæðisflokksins. Þeir eru líkir í sjón, en ekki skoðanabræður hvað  hvað málefnið varaðar. Sá sem skrifaði í desember hafði skoðun, en sá sem talaði í þinginu virtist ekki vita hvort hann væri að koma eða fara.

Í desember sagði sá sem skoðunina hafði að það ætti að sækja um aðild að Evrópusambandinu, og jafnframt að ekkert hefði breyst varðandi þau grundvallaratriði sem um væri að semja í slíkum aðildarviðræðum. Sá sem þá skrifaði um að ekkert hefði breyst hvað varðaði ókosti sjávarútvegsstefnurnar, en var samt tilbúinn í aðildarviðræður var ekki sami maður og talaði í þinginu í morgun og átti að vita  hvað það mál hafði um  margt breyst. Og sú breyting varð í síðustu viku þegar opnað var upp á breytt fiskveiðistjórnunarkerfi innan ESB, og raunar kallað eftir því. Greinaskrifandinn frá í desember hefði sennilega fagnað því, en sá sem talaði í morgun virtist ekki einu sinni vita af því .

Þingmaðurinn sem talaði í morgun var heldur slakari og röklausari en sá líkist honum svo mjög í útliti í desember. Desembermaðurinn taldi það í samræmi við lýðræðishefð sjálfstæðisflokksins að málið yrði látið ganga til þjóðarinnar í kjölfar viðræðna, en vini hans í morgun fannst að það þyrfti jafnvel að fá þjóðaratkvæði um hvort fara skyldi í umræður.

Einhvern veginn rennur manni í grun að þrátt fyrir mismunandi málflutning sé þetta einn og sami maðurinn sem hafi skrifað greinina í desember, og sá sem talaði í morgun. Maður tveggja skoðana eftir því hvernig vindar blása hverju sinni. Fyrir þau okkar sem viljum vita hvor maðurinn talar hverju sinni gæti hann hjálpað okkur mikið. Hann gæti til að mynda verið með derhúfu þegar hann talar sem þingmaðurinn Bjarni Ben, og með bindi þegar hann talar sem formaður Sjálfstæðisflokksins. Aðallega til þess að maður átti sig á hvort maður nenni að hlusta eða ekki.

 

Athugasemdir

[Sigurður Þorsteinsson, 28.5.2009 kl. 13:15]

Heill og sæll Hannes. Ég minnist þess að Bjarni Beneditsson lagði til að á aðildarumsókn yrði látið reyna, þar sem meirihluti þjóðarinnar væri á þeirri skoðun að sækja ætti um. Bjarni sagði hins vegar að hann teldi að niðurstaðan sem kæmi út úr þeim viðræðum yrðu ekki ásættanlegar fyrir okkur. Samkvæmt síðustu skoðanakönnun um ESB, er þetta líka skoðun meirihluta þjóðarinnar. Miðað við það sem ég hef lesið í fjölmiðlum hef ég ekki séð breytingu á þessum skoðunum Bjarna. Sé heldur ekki neinar vísbendingar um slíkt í blogginu hjá þér. Þú verður að skýra málið betur.

Annars, Geir Haarde var gagnrýndur fyrir hægagang í ákvaðanatöku. Hvað finnst þér um þessa ríkisstjórn í því ljósi?

[Hannes Friðriksson , 28.5.2009 kl. 14:05]

Blessaður Sigurður

Ég tel upp í blogginu mismunin á því sem fram kom í grein þeirra Illuga og Bjarna, og af því er virtist skoðanleysi formannsins í morgun. Þar var haf og himin á milli, og þess vegna geri ég því í skóna að þarna geti varla sami maður verið að setja fram skoðanir sínar.Bjarni sem í desember talaði fyrir aðildarviðræðum af krafti hafði ekki neina skoðun á því í morgun, þó eftir henni væri kallað. Er nema von að maður undrist?

Kveðja Hannes

[Valsól (IP-tala skráð) 28.5.2009 kl. 22:53]

Hvernig líður sjálfstæðismanni sem er alltaf sammála forystunni, svona þessi týpíska undirlægja úr Sjálfstæðisflokknum? Hvernig líður manni sem aldrei gagnrýnir flokkinn og er alltaf sammála flokknum? Hvað gerir sá maður sem hefur rakkað niður ESb alveg sundur og saman og svo kemur varaformaður Sjálfstæðisflokksins og segist vilja í ESB. Auminjga undirlægjan úr Sjálfstæðisflokknum, nú eru góð ráð dýr, allt í tómu rugli í þessum blessaða flokki.

[svavar (IP-tala skráð) 29.5.2009 kl. 09:19]

Það er tvennt ólíkt Valsól að vilja fara í esb og að vilja sækja um aðild að esb, en hún sagðist vilja sækja um aðild.

Ég er elveg sammála Sigurði með það að hann Hannes er ekki að segja neitt í þessari færslu sinni og þótt ég sé þeirrar skoðunar þíðir ekki að ég sé einhver undirlægja og geti ekki gagnrínt minn eiginn flokk.