Umræða um víðan völl.

 

Það hefur verið fróðlegt að fylgjast með umræðunni um Icesave reikninganna og hvort greiða eigi þær skuldir sem að baki liggja eða ekki. Það virðist vera sem flestir ef ekki allir séu sammála um eitt í þessu máli, og það er að hvort heldur þessar skuldir verði greiddar eða ekki þá er Icesave málið vondur pakki, sem þjóðin verður samt að leysa.

 

Menn keppast við að mála verstu hugsanlegu stöðu sem sem upp gæti komið, og fullyrða að nú sé fullveldi landsins lagt undir, og ganga út frá því að það eignasafn sem til grundvallar liggi sé einskis virði. Einhvern veginn virðist helsti tilgangur umræðunnar vera að sá svo miklum ótta sem mögulegt er um þennan samning og láta svo líta út að þeir gætu gert betur sjálfir. En lítið heyrist um hvernig menn ætli sér að gera það.

 

Steingrímur og Jóhanna eru nú nánast útmáluð sem föðurlandsvikarar af þeim sem þykja lítið hafa náðst fram í þessum samningum, eða þykjast hafa getað gert betur. Að þau séu svo slæm að þau hiki ekki við að veðsetja auðlindir og eigur þjóðarinnar til að slá pólitískar keilur. Og öruggt sé að með samþykkt ríkisábyrgðar á þessum samning verði landið gjaldþrota. Og formaður Sjálfstæðisflokksins verður stöðugt svartsýnni eftir því sem hann fær fleiri upplýsingar um málið.Hann sem þingmaður fyrir hálfu ári síðan virtist þó vera tilbúinn til að skrifa upp á mun verri samningsdrög.  

 

Einhvern veginn finnst manni umræðan vera komin út á víðan völl og niðurstaða vera gefin, sem þó liggur ekki í kortunum, né heldur þeim samning sem gerður var samkvæmt þeim upplýsingum sem fyrir liggja. Enginn okkar vill greiða þennan reikning útrásarvíkinganna, en hjá því verður ekki komist. Einkavæðing án eftirlits opnaði fyrir þann möguleika að svona gæti farið, og nú er komið að þeim skuldadögum, sem enginn reiknaði með.

 

Þeir sem sjá okkur fyrir sér sem gjaldþrota þjóð vilja einhverra hluta lítið tala um hvað það er sem liggur að baki þessum samningum, eignasafn sem sem metið er á 65-95% af andvirði samningsins, og vilja ekki heldur tala um hvað þeir sjá fyrir sér verði ríkisábyrgðinni hafnað. Það finnst mér verða að koma fram. Hverjar verða lausnirnar þá?

 

Það sem mér finnst að umræðan ætti að standa um núna er sá samningur sem fyrir liggur, samningur sem talsvert betri en þau samningsdrög sem fyrir lágu og gerðu ráð fyrir 6,5% vöxtum til tíu ára. Nú er komin samningur þar vextirnir hafa lækkað, lánstíminn lengdur og er ekki til greiðslu næstu sjö árin. Auk þess sem endurskoðunarákvæði eru í samningnum versni ástandið hér.

 

Menn verða að rífa sig upp úr þeim útnárahugsunarhátt sem virðist hér ríkja hjá sumum, um að samningar þjóða á milli gangi út á það að fara eins illa með hvorn annan og mögulegt er. Að það sé vilji breskra og hollenskra stjórnvalda að knésetja okkur með öllum þeim aðferðum sem kunna að vera fyrir hendi. Hér hefur verið gerður samningur um að málið sé í ákveðnum farvegi, með endurskoðunarákvæðum gefi aðstæður tilefni til. Og komist hefur verið hjá áralöngum milliríkjadeilum, svo við getum hafið þá uppbyggingu sem nauðsynleg er.

 

 

 

 

Athugasemdir

[Ísleifur Friðriksson (IP-tala skráð) 19.6.2009 kl. 10:25]

Hannis minn

Mundu bara að það er allveg sama hvað þitt fólk þykist vera að gera það er ekki það sem ræður og mun  ekki gera svo lengi sem þeir sem ollu þessu öllu ganga lausir því þeir munu aldrei gefa eftir eina tommu af völdum eða peningum,Jóhanna og Steingrímur eru bara búinn að klúðra þessu bigtime því að sanfæring þeira varð eftir í einhverju reykfylltu bakherbergi með handbendun þessara manna.

Ég sagði einhvertíma að allir menn væru falir jafnvel VG.og ég stend við það svo rækilega sem honum hefir snúist tunga í kjafti.

Nú segi ég að tími Jóhönnu sé kominn og farinn hún er farin að tala eins og Geir.

Jæja nú rennur mér aðeins reiðin elsku bróðir ég varð bara að blása soldið.

kveðja Stóri bróðir 

[Hjálmtýr V Heiðdal, 19.6.2009 kl. 14:50]

Góð grein hjá þér Hannes. Það er eins og það eigi núna að slá Íslandsmetið í nöldri og svartsýni. Er það þío erfitt eftir það sem á undan er gengið. Mikið um rakalausar fullyrðingar og kjaftæði. Hlustaðu á Pétur á útvarpi Sögu. Hann fær brtátt Fálkaorðnua fyrir rugl og hræðslugjamm.

[Anna Sigríður Guðmundsdóttir, 19.6.2009 kl. 22:04]

Nú skulum við átta okkur á að með því að sitja í gamla neikvæða gírnum erum við að undirrita okkar eigin dauðadóm.Enginn getur misst meira í þessu lífi en sína nánustu.

Stríð er ávísun á sálarmorð afkomenda.

Engvir peningar geta bætt það upp. Ég tala af reynslu. Mér finnst hryllilegt að fólk skuli vera að velta sér upp úr hvort maður fái ekki allt eins og áður í krónum og aurum, á meðan fólk er drepið, pyntað og svelt á þessari jörð og þykir í lagi.

Hvað ef við værum þeir sem eru pyntaðir og sveltir? Myndum við þá ekki gleyma því sem verið er að þjarka um hér á landi? Ég er sammála þeim sem berjast fyrir réttlæti og mannréttindum hvort sem það er á Íslandi eða annarsstaðar í heiminum. 

Við erum öll gestir á þessari jörð. 

[Kristján Gunnarsson (IP-tala skráð) 20.6.2009 kl. 00:46]

Friðrik;

Það er málefnanleg andstaða gegn Icesavesamningnum, þ.m.t.

1- Við erum á móti grein 16.3. Hún verður að fara. Hvers vegna er hún þarna?

2- 5.5% vextir eru of háir. Við viljum þá lægri, segjum 0.5%. Hvað prúttaði Svavar Gestsson þetta mikið niður?

Þar að auki tel ég, og margir samsinnis mér, að reyna þurfi bæði á gildi og beitingu terrorlaganna fyrir dómi í Bretlandi og hver ábyrgð íslenska ríkisins raunverulega er fyrir alþjóðadómstóli. Til þess eru lög og dómstólar til að skera úr um deilumál og gildi og rétta beitingu laga. Þetta er prinsipp atriði.

Ég tel að Jóhanna vinni eftir áætlun sem er, (A) vinna með og fylgja ráðum AGS, (B) settla Icesavemálið eins hratt og hægt er hvernig sem er, og (C) sækja um EBS aðild og leysa út vilyrði þeirra ráðamanna erlendis sem lögðu þetta plan fyrir Jóhönnu og blessuðu það.

Jóhanna er á krossferð með Ísland inn í ESB og þetta er leiðin.

[Kristján Gunnarsson (IP-tala skráð) 20.6.2009 kl. 00:50]

Úps! Hannes en ekki Friðrik, fyrirgefðu.

[hey (IP-tala skráð) 21.6.2009 kl. 02:51]

65-95%. Hver veit þetta? Hver verður staðan eftir sjö ár? Það veit ekki nokkur kjaftur. Ekki einu sinni hver staðan verður eftir eina viku. Þetta verður allt að greiða með erlendum gjaldeyri. Þeir sem fylgst hafa með vita að afgangur af vöruskiptajöfnuði hefur ekki verið til að hrópa húrra fyrir undanfarna áratugi. Það er augljóst að sá afgangur muni ekki standa undir slíkum skuldbindingum. Þeir sem halda öðru fram eru varla í sambandi við raunveruleikann.