Stóra myndin og litla myndin.

 

Nú hafa verið lögð fram öll gögn í ICESAVE málinu. Svo virðist vera sem  að lítið sé annað að gera en að samþykkja þá samninga sem gerðir hafa verið. Forsvarsmenn ríkisins sem öllum er ljóst að  all lengi að voru  ekki sáttir við hvernig komið er fyrir þjóðinni, og hafa verið gagnrýnir á þær leiðir sem til umræðu eru hafa gert sitt til að útskýra að erfitt og áhættusamt sé að skrifa ekki undir samninga þessa. Og þeir hafa talað við fjölmiðla og útskýrt á hverju afstaða þeirra byggist. Það er stóra myndin menn hafa talið nauðsynlegt að útskýra fyrir þjóðinni hversvegna fórna þurfi hluta af gæðum  þjóðarinnar í 15 ár til að komast aftur á réttan kjöl. Stóra myndin er með allt í fókus og allt sést greinilega. Þá mynd er hægt að dæma.

 

Ekki er þetta nú allstaðar eins. Stjórnarformaður Geysis Green Energy, fyrirtækis útrásarkónganna sem nú er að komast til valda í HS Orku sér ekki ástæðu til að gera grein fyrir því hversvegna binda þurfi hagsmuni og nýtingarrétt auðlindanna á Reykjanesi við fyrirtæki hans til næstu 130 ára, og flýr blaðamenn og sjónvarpsmyndavélarnar fullur hroka. Hann þarf ekki frekar en bæjarstjórinn í Reykjanesbæ að gera grein fyrir einu eða neinu. Samt er þarna um almannahagsmuni að ræða. Þeir ætla sér að þröngva sínum samningum í gegn án þess að fólk viti um hvað verið er að semja. Það er litla myndin. Og þar sést lítið annað en tveir menn sem helst ekki ættu  að vera á mynd.

 

Bæjarstjórinn sem selt hefur nær allar eigur bæjarins, en vill eiga nánast öll rör í jörð á Suðurlandi, einhverra hluta vegna hefur ekki gert grein fyrir í hverju hagsmunir bæjarins eru fólgnir, né heldur hver hinn fjárhagslegi ávinningur er. Enda ekki hæfur til þess því þrátt fyrir skemmtilegheit og góða framkomu sýnir slóðin að ef það er eitthvað sem hann ekki veit nokkurn skapaðan hlut um þá eru það fjármál sveitarfélaga eða fyrirtækja. Hann vill ekki segja okkur hvernig hann ætlar með bæjarsjóð tóman, hafandi tekið lán fyrir síðustu afborgun síðasta láns, að greiða það lán sem hann nú þarf að taka til að eiga viðskipti við hinn manninn á litlu myndinni. Hann segir okkur bara að hann fái 50 milljónir til baka í formi auðlindagjalds, en ekki hvar hann fær hinar 100-180 milljónirnar sem upp á vantar í hinar árlegu greiðslur lánsins . Kannski hann taki bara líka lán fyrir því?

 

Hinn maðurinn á litlu myndinni, sem helst ekki vill vera þar vill heldur ekki gera okkur grein fyrir þeim spurningum sem við vildum svo gjarnan leggja fyrir hann. Hann vill ekki segja okkur hvaða réttlæti eða nauðsyn er á því að á sama tíma og Reykjanesbær geri viðskipti við fyrirtæki hans á því sem teljast megi eðlileg markaðskjör, fái fyrirtæki hans þar sem annar aðaleigandinn er nú þegar í greiðslustöðvun (Atorka) kúlulán án ábyrgðar hjá Reykjanesbæ til þess að geta eignast hlut Reykjanesbæjar í HS Orku. Hann vill ekki segja okkur hversvegna og hver nauðsyn þess er að selji Reykjanesbær þeim hlut sinn, bindi þó bærinn sig til þess að vinna að hagsmunum GGE innann HS Orku um ókomin ár. Hverjir eru hagsmunir HS Orku í því að Reykjanesbær sé að tryggja nánast gjaldþrota fyrirtæki stuðning sinn umfram aðra um ókomin ár.

 

Stóra myndin er skýr og klár til að leggja undir dóm, þar er allt uppi á borðinu eins og samfélagið kallar á . Þeir sem eru á litlu myndinni hafa hinsvegar passað sig á að ekkert sjáist, og virðast ætla að komast upp með að ganga frá samningum sem eingöngu flytur fé til nær gjaldþrota fyrirtækis. Þeirra sýn á lífið er að það komi engum við hvað þeir gera eða hver áhrif það kann að hafa til framtíðar, því þarna sé tækifæri sem ekki er hægt að sleppa hvað svo sem það kosti samfélagið.

 

Er ekki komin tími til að fá allt upp á borðið og taka svo mynd af því?

 

 

Athugasemdir

[Sigurður Þorsteinsson, 1.7.2009 kl. 19:53]

Heill og sæll Hannes. Fyrir kosningar var lögð fram tillaga um að ef 15% þjóðarinnar vildi þjóðaratkvæðagreiðslu þá skildi hún framkvæmd. Nú er samkvæmt skoðanakönnun 60% á móti því að samþykkja Icesave, þá erum við sem lýðræðissinnar ekki inn á því að samþykktur verði samningur gegn vilja þjóðarinnar. Eða á þessi hugsun bara við þegar það hentar stjórnvöldum hvers tíma?

[Doddi D (IP-tala skráð) 1.7.2009 kl. 21:35]

Já, flott áfram með útrásina. Áfram með skuldsetninguna. Þetta hlýtur að reddast.

[Guðrún Hallgrímsdóttir (IP-tala skráð) 1.7.2009 kl. 22:50]

Góð spurning, hverjir eru hagsmunir þríhyrningsins HS Orka, Reykjanesbær og Geysir Green'  Spurning sem kemur okkur öllum við en hlýtur þó að brenna mest á íbúum Reykjanesbæjar. Óskandi að almenningur og fjölmiðlar krefjist svara.

[Hannes Friðriksson , 2.7.2009 kl. 08:38]

Blessaður Sigurður

Nú man ég ekki í svipinn hvaðan sú tillaga kom né hverjir það voru sem felldu hana út af borðinu. Ég væri alveg til í að fara í slíka þjóðaratkvæðagreiðslu, en er hræddur eins og svo margir aðrir um að kynning og framkvæmd myndu taka mikinn tíma og kosta mikið, jafnframt því sem ég tel að nú verði að halda áfram kyngja þeim staðreyndum sem fyrir liggja og vinna út frá þeim. Mér finnst það fjarrænt að óskhyggja manna um betri samning nái fram að ganga í ljósi þess að búið er að fjalla um málið tvisvar og allar þjóðir Evrópu sirðast hafa sömu sýn á málið, því miður ekki þá sömu og við.

Guðrún:

Það eru nú fleiri sem ekki skilja tengingu Reykjanesbæjar og GGE, en ég skil vel tengingu HS Orku og Reykjanesbæjar. HS Orka og áður Hitaveita Suðurnesja var áður en Árni Sigfússon og útrásarkóngurinn Hannes Smárason fóru að skipta sér af þeví eitt best rekna fyrirtæki á Íslandi. Sú gjörð sem staðfest var í sjónvarpsfréttum í gærkvöldi og fólst í að kjörnir bæjarfulltrúar sjálfstæðismanna í Reykjanesbæjar hafa tekið hagsmuni GGE fram yfir hagsmuni bæjarins er náttúrulega alveg með ólíkindum og óútskýranleg. Í Reykjavík  stóðu þeir þó upp og neituðu að samþykkja slíkan gjörning, en hér verður þetta sennilega látið renna í gegn, enda enginn af þeim fulltúruum sem hugasar um annað en eigin hag.

[Sigurður Þorsteinsson, 2.7.2009 kl. 10:21]

Sæll Hannes

Sem mikill áhugamaður um lýðræði varð ég mjög undrandi þegar fram kom frumvarp þar sem aðeins 15% þjóðarinnar þurfti til þess að fá fram þjóðaratkvæðagreiðslu um mál. Leit reyndar svo á að hér væri um lýðskrum að ræða, í framhaldi af búsáhaldabyltingunni. Hins vegar koma upp stór mál eins og þetta Icesave mál og aðild að ESB. Þau mál sem að þessari stærðargráðu eru öll flókin, en þau eru líka geysilega mikilvæg fyrir þjóðina. Að hafna þjóðaratkvæðagreiðslu getur ekki verið gert á grundvelli þess að mál séu flókin. Jafnaðarmennska getur ekki byggst á því að almenningur í landinu sé svo vitlaus, að það þurfi elítu við Austurvöll til þess að taka allar grundvallarákvarðanir fyrir hann.

[Hannes Friðriksson , 2.7.2009 kl. 10:44]

Blessaður Sigurður

Ég er næstum því sammála hverju orði hjá þér nema þessu um lýðskrum finnst nú bara eðlilegt að þegar svo stór hluti hefur ákveðna skoðun nái slíkt fram að ganga, en hverjir voru það sem voru svo mjög á móti frumvarpinu?

Bestu kveðjur