Og enn standa þeir eins og staðar beljur.

 

Og þá er það Icesave málið einu sinni enn, Sjálfstæðismenn segja þetta allt ómögulegt, og Framsókn í sama fari. Steingrímur og Jóhanna telja samt að hægt sé að ná niðurstöðu út frá þeim óformlegu svörum sem borist hafa.

 

Maður fær ekki allt sem maður vill, og vill ekki allt sem maður fær sagði frómur maður eitt sinn. Og skömmu seinna hrundi efnahagur heillar þjóðar í boði einkavinavæðingarstefnu tvíflokksins (sjálfstæði, framsókn) Nú er reynt að ná lendingu hvað það mál varðar. Icesave er hluti af því. Og fer hvergi.

 

Svo virðist af fréttum sem  hér sé um óformleg svör og þreifingar að ræða, og athyglin beinist að einu atriði fyrst og fremst, tímalengd ríkisábyrgðar. Og ekki minnst á aðra fyrirvara, sem hlýtur þá að skiljast sem svo, að á þá ætti að vera hægt að fallast. Ef þetta er eina atriðið sem út af stendur, ætti nú á  að vera hægur vandinn og setjast niður og endurkoða þann lið, sjá hvort hægt er að koma til móts við sjónarmið Breta og Hollendinga þannig að allt sé skýrt. Nú eða fara bara í fýlu. Og sjá svo til hvert það fleytir okkur. Ég myndi nú í ljósi stöðunnar velja það fyrra.

 

Þjóðin er komin að þolmörkum sínum hvað varðar umburðarlyndi gagnvart stjórnmálamönnum sínum, og ætlast til að þeir snúi saman bökum til að finna lausn í þessu máli, en standi ekki  í pólitísku argaþrasi um   það sem þarf að leysa. Framundan er harður vetur niðurskurðar, finna þarf lausn á vanda heimilanna, og svo margt margt fleira.

 

Það virðist vera ljóst þótt sárt sé að enginn þjóð er tilbúinn til að lána okkur svo mikið sem krónu fyrr en Icesave málið er út af borðinu. Sjálfstæðisflokkur og Framsókn segja að það þýði ekki fyrir ríkisstjórnina að hlaupa í hvert sinn til stjórnarandstöðunnar sem leysa þurfi málin. Og það virðist rétt hjá þeim, því þar virðast ekki neinar lausnir. Enginn sveigjanleiki, eða raunsæi. Þeir verja nú það sem þeir gátu ekki greitt atkvæði með í þinginu. . En ábyrgðin á ástandinu liggur þó hjá þeim

 

Einkavinavæðingarstefna þeirra Sjáfstæðimanna og Framsóknar er búin að kosta mikið. Icesave er einn angi þess, og það er sárt . Það er fólkið í landinu sem þann bagga þarf að bera þó það hafi hvergi komið nærri. Til að geta tekist á við lausn fjármálavanda heimilanna, hafið uppbyggingu atvinnulífsins og yfirleitt haldið áfram að búa hér í landinu, verður að ná lendingu í þessu máli. Það þýðir lítið að standa eins og stöð belja sem hvergi vill fara. Það þarf að finna lausn.

 

Athugasemdir

[Gísli Baldvinsson (IP-tala skráð) 18.9.2009 kl. 13:08]

Sammála og bloggaði svipað...gb

[Árni (IP-tala skráð) 19.9.2009 kl. 01:17]

Samfylking hefur gert uppá bak í þessu máli, myndu selja ömmu sína fyrir Evrópusambandsaðild.  Gamla elliæra kellingarskömmin (forsætisráðherra) er horfin og leiðtogahæfileikar hennar eru engvir.  Skömm Samfylkingar er eigi minni en Framsóknar og Íhaldsins, höfum það á hreinu.  Ástandið hér á klakanum er slæmt, ekki sízt vegna þess að hér er stjórnleysi og fólkið hefur engan leiðtoga.  Framistaða jóhönnu og Steingríms er skammarleg, bleyður og ræfilsháttur

[Ína (IP-tala skráð) 19.9.2009 kl. 02:39]

Hrunflokkarnir eru bara að reyna að æsa almenning upp . Íslendingar hinir seinheppnu kjánar hrífast með og demba úr sér skítkastinu eins og þessi Árni hérna fyrir ofan. En það er alveg sama hvað stjórnarandstaðan rembist Icesave fer ekkert og það skeður ekkert fyrr en þetta mál verður afgreitt.

[Baldur (IP-tala skráð) 20.9.2009 kl. 00:28]

Sammála Ínu, Ice save fer ekkert.  Hrunflokkarnir, Íhaldið, Framsókn og Samfylking eiga að sjá sóma sinn í að hjálpa betur við lausn málsins