Nýr tónn?

 

Fyrir ekki svo löngu síðan birtist góð og gagnrýnin umræða um ESB á síðum Morgunblaðsins, þar sem kostir og gallar hugsanlegrar aðildar voru reifuð á sanngjarnan hátt.

Það vakti marga til umhugsunar um málið, og hverjum og einum var gert kleift að mynda sér skoðun byggða á þeim gögnum sem fyrir lágu og vitnað var til í greinum þeim er skrifaðar voru um málið. Ritstjóri sá sem svo vel að verki stóð var rekinn, og annar settur í staðinn á meðan fundnir voru nýir menn sem valdið gætu hlutverkinu.

 

Sá sem í millitíðinni stýrði blaðinu, sem sá hæfasti meðal hæfra ritar í dag litla grein í Mbl. og dregur þar athyglina að svonefndu Indectverkefni á vegum Evrópusambandsins. Verkefni  sem fyrir venjulegan mann lausan við fordóma og forræðishyggju virðist vera verkefni til að tryggja hagsmuni borgaranna í lýðræðislega stjórnuðum samfélögum. En blaðamaðurinn velur einhverra hluta að líkja þessu við eftirlitskerfis í anda Orvells, eða jafnvel flokks þeirra er nú stjórna blaðinu.

 

Öll getum við sennilega verið sammála um að heimurinn hefur ekki orðið öruggari með árunum, til eru komnir öfgahópar og glæpamenn allskonar sem ekki voru hér áður. Og það hljóti að vera eitt af viðfangsefnum þjóðfélagsins að finna leiðir til að geta brugðist við. Það þýðir ekki lengur að elta menn úr fjarlægð til að koma í veg fyrir ýmis þau óhæfuverk sem í heiminum hafa verið unnin undanfarin ár. Það að stjórnvöld ríkja Evrópusambandsins skuli nú vinna að kerfi til að hafa eftirlit með og uppræta slík öfl hefur í mínum huga lítið eða ekkert með framtíðarríki Orvells að gera.

 

Menn hafa undanfarna daga beint athyglinni að hugsanlegri breyttri ritstjórn Mbl og hvernig til að mynda málflutningurinn þar yrði í til að mynda málefnum ESB. Sá tónn hefur nú verið sleginn, og verður greinilega í  anda hræðsluáróðursins. Að ESB sé ríkjabandalag kúgaðra þjóða sem séu undir hæl illa spilltra valdhafa sem telji það skyldu sína að hafa eftirlit með hverjum þeim borgara sem hreyfi sig. Þar held ég að íbúar Evrópu eigi erfitt að samsama sig með upplifun Morgunblaðsins. En það væri náttúrulega freistandi að spyrja sjálfan sig hvernig blaðamanni Morgunblaðsins datt í hug þessi nálgun á málefninu nú þegar nýir ritstjórar hafa sest við stjórnvölinn.?

Athugasemdir

[Sigurður Þorsteinsson, 27.9.2009 kl. 18:50]

Sæll Hannes það er rétt hjá þér að Morgunblaðið fjallaði ítarlega og vel um ESB, kosti og galla. Í framhaldi af því var nú skoðanakönnun sem sýndi að stuðningur við inngöngu í ESB hefur hrunið, en á sama tíma hefur andstaðan rokið upp úr öllu valdi. Auðvitað veit ég að harðir aðildarsinnar ESB búa sér til einhverja skýringu, fyrir útreiðinni. Að almenningur rugli saman Icesave og ESB, eða að með þessu sýni almenningur viðhorf sitt til duglausrar ríkisstjórnar. Það held ég hins vegar ekki. Þeim mun meira sem menn skoða þessa ESB kosti, verður þjóðin ESB aðild meira afhuga. Það eru vissulega kostir við að ganga í ESB. T.d. sagði mér einn vísindamaður, að ef við færum í ESB gætum við fengið styrki til þess að rannsaka hegðun hjá siglum. Þetta seldi mér ekki aðildina, þó áhugavert væri að fá samanburð við ferð ríkisstjórnarinnar.

[Jón Frímann (IP-tala skráð) 28.9.2009 kl. 00:32]

Sigurður, það er bara einn galli á þessari fullyrðingu þinni. Stuðningur við aðild Íslands að ESB hefur alltaf verið mikil, nema þess síðustu mánuði (þá væntanlega vegna Icesave). Þó er líklegt að þessi sveifa muni fara til baka, og stuðningur við aðild Íslands að ESB muni aukast á nýjan leik.

Þetta sést vel þegar þessi hérna vefsíða er skoðuð.

[Harladur Þ. Magnússon (IP-tala skráð) 29.9.2009 kl. 08:54]

Greinarflokkurinn um Ísland og ESB var góð, en einungis fyrir ESB-sinna.  Í þessum greinarflokkum var ESB-aðild lofuð, en lítið fór fyrir umræðu um galla við aðild að ESB fyrir Ísland.  Þetta hljómaði að sjálfsögðu afar vel í eyrum ESB-sinna og því voru þeir askaplega ánægðir með Moggann fyrir bragðið.

Vera má, Jón Frímann, að á einhverjum tímapunkti hafi verið meirihluta fylgi fyrir ESB-aðild.  En eftir að fólk fór að kynna sér málið betur, hefur fólk síð gallana við ESB-aðild fyrir Ísland og því hefur fylgið við aðild minnkað. 

Ég get ekki séð kostina fyrir Ísland við að ganga í ESb.  Þvert á móti finnst mér ESB vera sniðið fyrir ríki á meginlandi Evrópu og þeim þörfum sem þessi ríki hafa, en ekki fyrir útnáraríki eins og Ísland sem hefur þar að auki gjörólíkt efnahagskerfi en löndin á meginlandi Evrópu.  Þetta þarf að skoða nánar áður en að það á að fara að Copy-Paste ESB-kerfina yfir á Ísland.