Hvað varð um peningana sem Seðlabankinn lánaði Kaupþing og Landsbanka?

 

Það er ótrúlegt þetta gullfiskaminni sem maður hefur, og er fljótur að gleyma hvað það var sem gekk á í bankahruninu. Öll athyglin beinist að Icesave reikningnum sem við viljum ekki borga. Málið búið að taka svo margar beygjur á leiðinni að maður er hættur að átta sig á hvað það eiginlega snérist um. Minnir þó að einn hluti málsins sé að stór hluti þeirrar upphæðar sem okkur er ætlað að greiða, getur ef vel tekst til komið til baka, ef vel tekst til með sölu eigna  Landsbankans. Leiðrétti mig einhver ef það er rangt.

 

Eitt er það sem manni finnst svolítið vanta inn í umræðuna, og það er hvað varð um þá peninga sem í miðju hruni var lánað til bæði Landsbanka og Kaupþings í von um að þeir yrðu til þess að bankarnir héldu velli. Þeir peningar sem Seðlabankinn lánaði til þáverandi einkavina sinna í von um að þeim tækist að bjarga bönkum sínum . Eru líkur á að þeir peningar endurheimtist, eða voru þeir hluti af fengnum sem fluttur var til Tortóla og Cayman eyja.

 

Sú upphæð er svipuð þeirri og íslenska þjóðin þarf nú  að borga vegna Icesave reikninganna. Spurning hvort ekki hefði verið betra að taka þá frá og nýta í greiðslu Icesave skuldarinnar sem fyrirsjáanleg var. að því er þáverandi seðlabankastjóri vill nú halda fram. Hann segist hafa varað við og vitað hver staðan var, og því væri fróðlegt að heyra skýringar hans núna á þessum lánum.

 

 

Athugasemdir

[Jón Snæbjörnsson, 1.10.2009 kl. 15:41]

er þetta ekki hluti þess sem Steingrímur nokkur hefur gefið sér umboð til að semja um greiðslur á með peningum frá AGS ?????? 

[Hannes Friðriksson , 1.10.2009 kl. 16:30]

Blessaður Jón

Ég er nefnilega ekki viss, og þessvegna spyr ég. Eru þessir peningar tapaðir, eða er hægt að ná þeim til baka? Hversvegna lánaði Seðlabankinn þessa peninga á sama tíma og þeir segjast hafa vitað hver staðan var hjá báðum þessum bönkum, og gerðu sér grein fyrir að innstæðusjóðurinn myndi aldrei geta staðið undir Icesaveskuldinni, sem þeir segja að þeir hafi þó vitað um? Skil þetta ekki

[Jón Snæbjörnsson, 1.10.2009 kl. 16:32]

hmm

[Lilja Friðriksdóttir (IP-tala skráð) 1.10.2009 kl. 16:40]

Getur einhver frætt mig um það hvað varð um Símapeningana sem átti meðal annars að nota til að byggja hátæknisjúkrahús?

[Þráinn Jökull Elísson, 1.10.2009 kl. 16:49]

Lilja, það voru engir "Símapeningar" til. Síminn var borgaður með láni og trygging lánsins var einskis virði. Enn ganga þessir fjárglæframenn lausir.

[Ingimundur Bergmann, 1.10.2009 kl. 20:18]

Var það ekki þannig að yfirsmiður hrunsins lánaði út úr Seðlabankanum Símapeningana m.m. og síðan fór Seðlabankinn á hausinn og var réttur af með peningum skattgreiðenda? Sem sagt, snillingarnir Davíð og Dóri glutruðu Símanum frá þjóð sinni eins og svo mörgu öðru t.d. þeim gildum sem við höfum viljað standa fyrir, s.s. orðheldni, skilvísi og traust.