Jákvæðar fréttir.

 

Það er alltaf gott að fá jákvæðar fréttir, og ég verð að segja að mér létti mikið nú í morgun þegar ég sá þessa frétt á Vísi..is, um að heimsendir yrði líklega ekki árið 2012. Án þess að ég hefði svo sem sérstaklega leitt hugann að því.

 

Þetta sýndi mér að maður skal ekki trúa öllu sem við mann er sagt að óathuguðu máli, þarna höfðu indíánarnir búið til dagatal til að athuga hvenær jörðin, sólin og vetrarbrautin lentu í næst í beinni línu, og fundu út að það yrði þennan dag árið 2012. Þetta voru þær upplýsingar sem þeir þurftu á að halda, og stoppuðu þess vegna áframhaldandi vinnu við dagatalið.

 

Þetta leiddi hinsvegar huga minn að því hvernig sum okkar virðumst mörgum öldum seinna í því sem við viljum kalla upplýst samfélag ekki hafa lært af reynslunni. Að þrátt fyrir góðan vilja og hugvitsemi í að þvæla málin, verður ekki komist undan því að leysa málin.

 

Nú hafa þingmenn bráðum á annað ár látið það þvælast fyrir sér einhverra hluta vegna að ganga frá því máli sem við öll erum orðin rétt rúmlega meira en hundleið á. Og engin skilur lengur í ljósi þeirra upplýsinga sem nánast öll ríki heimsins eru búinn að senda okkur, hversvegna ekki er frá því gengið. Því hjá okkur nákvæmlega eins og hjá indíánunum á 6. öld fyrir Krist liggur niðurstaðan fyrir.Við þurfum ekki á meiri upplýsingum að halda.  Við verðum að borga Icesave, hvort sem okkur líkar betur eða verr.

 

Er nú ekki komin tími til að við fylgjum fordæmi þeirra og treystum á þær niðurstöður sem við nú í eitt ár höfum aflað okkur. Því að það virðist sama hvernig menn reikna dæmið áfram. Beina línan okkar felst í ganga frá þessu máli svo fljótt sem auðið er, svo áfram verði haldið. Ég held nefnilega eins og indíáni að það verði ekki heimsendir þó nú sé sett stopp á frekari vangaveltur um þetta mál, og gert það sem einboðið er. Það þarf ekki að halda áfram að leita niðurstaðna þegar þær er komnar. Það vissu indíánarnir, en það virðast sumir aðrir ekki vita eða átta sig á. Látum það vera þeirra vandamál.

 

 

 

 

 

 

 

 

Athugasemdir

[siggi (IP-tala skráð) 12.10.2009 kl. 11:26]

Já ohh vá hvað ég verð ánægður þegar ég fæ þær jákvæðu fréttir að við höfum nú ákveðið að borga Icesave.  Án þess að svo mikið sem ath það fyrir dómstólum hvort við þurfum þess.  En það yrði nú það jákvæðasta í því að þá sjáum við að loksins hefur þessi blessaða ríkistjórn okkar getað komist að sameiginlegri niðurstöðu.  Sem ég er nú ekkert alveg að sjá vera að gerast.   Er ekki ríkistjórn ríkistjórn vegna þess að þeir hafa meirihluta eða er það misskilningur hjá mér.  Og er ekki Icesave samþykkt með meirihluta.  Það verður allt svo jákvætt þegar við verður búnir að samþykkja þetta.  Þá getur ríkistjórnin farið að ákveða hvaða skatta eigi að hækka næst.  Þar sem að allir hafa nú lækkað í launum og hafa sko nóg af peningum til að setja í þetta.