Forsíðudrengurinn.

 

Nú birtast myndir dag eftir dag á forsíðu Morgunblaðsins af formanni Sjálfstæðisflokksins í mismunandi mikilli fýlu yfir því sem í gangi er. Honum finnst erfitt að sætta sig við sannleikann, sem er svo sár sökum hluta fyrirrennara hans í starfi, sem eins og margir aðrir, þar á meðal formaðurinn sem þar á undan kom og núverandi ritjóra forsíðunnar, sem  voru þeirra skoðunar að ríkið skyldi ábyrgjast allar innstæður íslendinga í íslenskum bönkum.

 

Það er vont fyrir forsíðustrák Morgunblaðsins að þurfa að kyngja þessari staðreynd, og enn verra að átta sig á að ekki ber að mismuna mönnum í viðskiptum, og verða því að kyngja því hvort sem honum líkar betur eða verr, að þessi meginregla á líka við um viðskiptamenn bankanna í útlöndum. Og því þurfi að leysa Icesave.

 

Það er líka vont fyrir forsíðudrenginn að átta sig á að til þess að efnahagstillögur þær sem flokkur hans leggur nú fram byggjast á að lausn sé fundinn á því máli, og lánalínur þær sem hann hann boðar að okkur standi opnar fást ekki nema frá því  máli sé gengið.

 

Það er þess vegna sem forsíðumyndirnar eru svo raunalegar, og lítinn lífsneista eða gleði í þeim að sjá. Því hann veit að nú er komið að honum og flokki hans að kyngja öllu því sem áður hefur verið sagt. Og  að Icesave er ekki sá baggi sem hann hefur viljað gefa í skyn að væri.

 

Hann veit að brátt kemur að þeim tíma að hann verði að taka ábyrga afstöðu, og að hann og flokkur hans verði líka að standa við hana. Það gæti reynst honum erfitt , en ég er viss um að myndin af forsíðudrengnum verður miklu mun áhugaverðari og léttara yfir honum þegar hann uppgötvar þann létti sem því fylgir. Þá mun aftur færast bros yfir bæinn.

Athugasemdir

[Jón Steinar Ragnarsson, 15.10.2009 kl. 19:36]

Vertu rólegur þar til hann verður centerfold.

Hvað þýðir í þínum augum annars að "leysa" Icesave?  Er það að borga umyrðalaust, koma þessu fyrir dómstóla, neita að borga eða láta þetta falla á innlánasjóðinn ?  Eitthvað fleira?

[Hannes Friðriksson , 15.10.2009 kl. 22:29]

Komast að samkomulagi við þá sem nú sækja að okkur. Var nú kannski ekki alveg búinn að sjá hann fyrir mér sem centerfold, enda kannski ekki áhugavert

Kveðja Hannes

[Sigurður Þorsteinsson, 15.10.2009 kl. 23:22]

Hannes það vekur athygli mína þessi adáun þín á Bjarna Benediktssyni. Það hlýtur að koma upp að fram komi leiðtogaefni aftur í Samfylkingunni og þá nærð þú eðlilegu jafnvægi.

[Sigurður Sveinsson, 16.10.2009 kl. 06:59]

Það er svosem ekki auðvelt verk að hreinsa upp drulluna eftir íhaldið og framsókn. Við skulum heldur ekki gelyma mikilli ábyrgð samfylkingarinnar. Icesave reikningarnir urðu til meðan Björgvin Sigurðsson var bankamálráðherra og ISG stóð í pönnukökubakstri vestanhafs. Enda valdasýkin og ESB einu hugsjónir SF. Jóhönnu og Steingrími ætti að vera ljóst að það er ekki þingmeirihluti fyrir áráttu þeirra til að samþykkja þrælabönd breta og hollendinga. Það  er sammerkt þeim og þingmanninum sem eitt sinn sagði: Hvað varðar mig um þjóðarhag?  Hvernig væri að koma fyrir títuprjónum í mjúkum ráðherrastólum þeirra?