Sóknin í suður.

 

Þór Saari kom loksins orðum að því sem við hin höfum ekki náð undanfarna mánuði, í sambandi við málflutning Sjálfstæðis og framsóknarmanna sem nú boða frekari útfærslu á Noregshugmyndum sínum . Hann orðaði fyrir þá hugsun sína um nýjar tillögur í efnahagsmálum, og sagði að svo virtist sem þeir hefðu hugsað að sókn væri besta vörnin, en útfært þær þannig að sóknin væri í suður, á meðan baráttan væri fyrir norðan. Réttara getur það ekki orðið.

 

Allt frá því að ný stjórn tík hér við völdum, fyrst sem minnihlutastjórn og síðar með fullt umboð frá kjósendum sem veittu henni meirihluta, hafa menn ekki áttað seig á hvað það var sem gengið hefur stjórnarflokkunum til.Ef tekið er tillit til hagsmuna  þjóðarinnar. En vel skiljanlegt út dólgslegri valdagræðgi eiginhagsmunahyggjunnar. Þeir hafa vilja fella þessa stjórn, sama hverju yrði kostað til. Þeir hafa nú séð að þeir hafa þar ekki erindi sem erfiði, og neyðast nú til að flestu því sem þeir hafa fram haldið.

 

Tillögur þeirra sjálfstæðismanna gera ráð fyrir mikilli aukningu erlendra skulda, með skuldabréfaútgáfu. Það á að skattleggja inngreiðslur lífeyrisjóðanna, þvert ofan í álit Samtaka Atvinnulífsins og ASÍ. Og það má ekki hækka neina skatta á stóriðjuna, heldur breikka skattstofnana. Og hverjir eru það sem þá eru eftir? Eru það ekki heimilin og smáfyrirtækin?

 

Nei, ég held að það sé alveg rétt skilið hjá Þór Saari, að þeir hafa byggt upp sóknina í suður á meðan árásin kemur úr norðri. Þeir þora ekki að horfast í augu við andstæðinginn, og flýja vandamálið sem við er að etja.

 

 

 

Athugasemdir

[Sigurður Þorsteinsson, 16.10.2009 kl. 09:27]

Sæll Hannes, öllum er ljóst hver andstæðingurinn er. Samfylkingin, það þarf bara að þurrka leifarnar upp.

[Eiríkur (IP-tala skráð) 16.10.2009 kl. 10:38]

Sæll Hannes,

 Það er mikið til vinnandi að forða þjóðinni frá stefnu fjármálaráðherra og ríkisstjórnarinnar um skattpíningu eins og kemur fram í fjárlagafrumvarpinu.

Það hefur aldrei virkað að stórauka skatta, því skattstofnarnir hafa alltaf rýrnað við það.

Almenningur í landinu verður að hafa vinnu, og til að hann hafi vinnu, þá þarf atvinnulífið að halda áfram að vera til, það sem þegar er til, og það þurfa að vera möguleikar á að stofna til nýrra atvinnutækifæra. Það er grundvallaratriði, en síðan eru skiptar skoðanir á því hver atvinnutækifærin eiga að vera. Við vitum vel hér á Suðurnesjum að skóinn kreppir, hvað atvinnu varðar. Atvinnuleysi er eitt versta böl sem til er, það leiðir af sér mikil persónuleg og félagsleg vandamál.

Skattlagning lífeyrisgreiðslna er mjög athyglisverð hugmynd. Það leita flestir í þá sjóði sem þeir kunna að eiga þegar þeir lenda í vandræðum, og því skyldi þjóðin ekki gera það í þeim erfiðleikum sem nú ganga yfir.

Ég veit, af reynslu, að þú ert tilbúinn, að skoða hugmyndir um hvað betur má fara, með opnum huga.

Kveðja

Eiríkur

[Hannes Friðriksson , 16.10.2009 kl. 11:57]

Sælir félagar

Finnst nú Eiríkur heldur málefnalegri en sá sem á undan kemur. Ég er sammála þér Eiríkur hvað það varðar með atvinnuleysið hér á Suðurnesjum og fáir vita betur gildirþess að hafa vinnu heldur en þau okkar sem atvinnulaus eru. Mér finnst að við þurfum svolítið að breyta áherslum okkar í ljósi upplýsinga hverju sinni og hegða okkur samkvæmt þeim. Það virðist ljóst að nú einblína menn mikið á stóriðju ýmiskonar, og virðast ganga út frá að því dýrari sem störfin eru því betri. Mér finnst til að mynda hugmyndir um gagnaver og kísilver vera góðar í ljósi þess að þar skapast mörg störf, sem nýta þó takmarkaða orku. Nýja Etanól verksmiðjan sem menn ætla að taka fyrstu skóflustungu af á morgun finnst mér einnig vera gottt atvinnutækifæri.

Andastaða mín við hugmyndir skattlagningar á lífeyrisgreiðlsna byggjast fyrst og fremst á því að hvernig þeir eru uppbyggðir, það er að sá hluti sem í skattinn fer verður þá ekki með í ávöxtun fjársins sem ætlað er að tryggja framtíðarlífeyrisgreiðslur, og að þannig sé í raun verið að flytja skattgreiðsur á milli kynslóða. Og hver kynslóð standi undir eigin lífeyri og þjónustu. Hins vegar er algerlaga ástæða til að athuga hvort lífeyrisjóðirnr þurfi ekki að gæta betur að með fjárfestingar sínar, að arðurinnn verði meiri en verið hafi. Auðavitað eigum við að fara í gegnum umræðuna um hvernig lífeyrisjóðirnir koma best að lausn vandans en ég held að fleiri lausnir en þessi hlóti að vera til .

Kv Hannes

[Bjarni (IP-tala skráð) 16.10.2009 kl. 14:16]

Sæll Hannes,

Mér finnst persónulega þú ekki sjá skóginn fyrir trjánum.  Samspillingin var í stjórn viðskiptaráðuneytisins þegar hrunið varð og ég veit ekki betur heldur en Björgvin G. Sigurðsson hafi mælt svo að þvílíkir snillingar hafi aldrei sést eins og íslensku útrásarvíkingarnir og fremstur í flokki með honum var Ólafur Ragnar(ekki úr fangavaktinni) sem að mælti á erlendri tungu "You ain´t seen nothing yet".  Bara svo að þú vitir það þá skilar álverið í Hafnarfirði "aðeins" litlum 3.1 Milljarði í hverri viku til íslenska ríkisins þannig að væri ekki vit í að athuga hvort hægt sé að fá annað eins með uppbyggingu annars eins þar sem helsta vöntun í dag er atvinna ekki neitt annað.  Auknar skattpíningar kalla á aukna svarta vinnu og eins og flestallir ættu að vita þá taka ríki sig yfirleitt til og lækka skatta þegar herðir að en ekki hækka þá eins og hér á landi.  Einnig þá var farið eftir öllum reglum hins mikla Evrópusambands þannig að eigum við ekki að kenna Alþýðuflokknum um þetta þar sem að þeir með forystu Jóns Baldvins skrifuðu undir hið mikla plagg frá ESB sem að skilur okkur eftir í tómu rugli.  Aldrei skildi maður hengja bakara fyrir smið og þarf maður að eins að skoða í kjölinn áður en maður heldur einhverri vitleysu fram.  Mér finnst þetta bera vott um persónulegar árásir á Sjálfstæðisflokkinn hjá þér og ætla ég ekki að verja hann þar sem að ég er ekki sjálfur sjalli en rétt skal vera rétt.

Bjarni 

[Hannes Friðriksson , 16.10.2009 kl. 16:02]

Blessður Bjarni

Eitthvað held ég nú að þú hafi farið öfugu megin frammúr núna. Ég er einn þeirra manna sem hef talað fyrir álveri í Helguvík, ekki kannski svona stóru en álveri samt.

Það sem ég er að setja fram og finnst skrýtið í tillögum sjálfstæðismanna án þess að þar sé um nokkrar persónulegar árásir að ræða, að ég fæ ekki skilið hvernig menn ætlast til að lífeyrissjóðirnir komi nú að uppbyggingunni með fjármögnun á nauðsynlegum verkefnum, jafnframt því sem nú að taka stóran hluta af þeim tekjum sem þeir hafa til ávöxtunar í skatt fyrirfram. Segjum að þetta kerfi hefði verið komið á áður svonefnt gegnumstreymiskerfi, hefðu þá lífeyrisjóðirnir haft bolmagn til að takast á við það sem þeim er nú ætlað. ber okkur ekki að fara þarna með gát og hoppa ekki á hókus pókus lausnir, sem kannki henta okkur tímabundið en virðast ekki skynsamar til lengdar. Ég tel mig nú hafa skoðað þetta nokkuð ofan í kjölinn, og held að margt að því sem ég segi hér sé ekki alger vitleysa eins og þú vilt halda fram. því vel skal vanda það sem lengi á að standa.

Kveðja Hannes

[Bjarni (IP-tala skráð) 17.10.2009 kl. 01:43]

Sæll Hannes,

Eru lífeyrispeningarnir ekki okkar, eiga þá einhverjir aular úti í bæ sem hafa spilað með þessa peninga og botninn úr buxunum að halda áfram að eyða þeim fyrir okkur.  Er ekki betra að þessir peningar séu notaðir í eitthvað nytsamlegt eins og atvinnuuppbyggingu, ég er ekki bara að tala um á Suðurnesjunum heldur öllu landinu.  Eins og komið er fyrir okkur eftir svefnvakt samspillingarinnar þá sé ég ekki hvað annað er hægt heldur en að nýta peninga sem að eru hvergi nýttir til góðs hvort eð er heldur en til uppbyggingar, meðan við stjórnum ekki sjálf hverju við viljum fjárfesta í fyrir "OKKAR" peninga heldur einhverjar dylgjur manna sem að síðan setjast í stjórnir fyrirtækja sem að "þeir" fjárfestu í með okkar peningum þá vill ég frekar nýta þá til akkúrat þessa ástands sem nú er.

Kveðja,

Bjarni