Það þætti mér galið!

 

Fátt er sárara en að missa atvinnunna, og standa eftir með það óöryggi sem því fylgir.   Fyrir rúmlega 1700 manns á Suðurnesjum er þetta daglegur veruleiki , og hætta á að verði að viðavarandi ástandi verði ekkert að gert .   Og  það virðist ekkert vera of bjart framundan hvað það varðar.

Á undanförnum árum hafa mörg og misskynsamleg atvinnutækifæri verið í  umræðunni, og misjafnt hver staða þeirra er nú. Gagnaver Vern Holding er þó eitt þeirra sem menn hafa verið sammála um að hljóti  uppfylla flest þau skilyrði að geta talist til hinna skynsamlegri, þrátt fyrir hverjir eða hvort einhverjir misjafnir standi þar að baki.

Oft er það þannig að nauðsynlegt reynist að hefja sig upp yfir dægurþrasið og reyna þrátt fyrir allt að sjá skóginn fyrir trjánum, að reyna að finna lausn sem verði til góðs í stað þess að standa í stað og vona að tréð sem fyrir er, falli um sjálft sig.  Þá er gott að hreyfa sig og sjá hvort ekki er einhver leið framhjá.  Leyfa trénu bara að standa og finna leið til að fjarlægja það síðar þegar betra tækifæri er til.

Katrín Júlíusdóttir hefur ekki átt auðvelt hlutskipti á þeim ráðherrrastól sem hún nú situr. Í  flestum þeim málum sem hún hefur þurft á að taka hafa ýmist verið hrunkóngar sem skipulagt hafa hugmyndafræðileg óhæfuverk með eigur samfélagsins, nú eða verið  aðilar að verkefnum sem skynsamleg geta talist.  Þannig er það með með Gagnaver Verne Holding.  Gott verkefni en vitlaus maður sem situr þar á minnihluta, þó það stórum að það gæti skipt máli.

Svo virðist vera að samkomulag hafi orðið um hlutafjáraukningu, og að menn séu sammála að hvað sem líður lögum og reglum um forkaupsrétt slíkra hluta komi að ekki  til greina að hrunkóngurinn sem nú á þar hlut fái að njóta þeirra aukningar, enda vandséð hvaðan hann á að fá fjármagn til þess.   En gott er að hluta þess fjármagns  sem tekið var, skuli nú skilað á ný inn í íslenskt samfélag.

Í mínum huga virðist það vera til lítils að stöðva hvert það verk sem komið er í gang, á þeirri forsendu að misjafnir menn séu meðal hluthafa.  Enda ekki hlutverk stjórnvalda.  Það er dómstólanna og sérstaks  saksóknara að stöðva þá menn er hruninu ollu. Þar verðum við að hafa þolinmæði.  En við megum ekki bara stoppa og bíða eftir þeirri niðurstöðu.

Það virkar fáránlegt  fyrir þau okkar sem  finnum mest fyrir atvinnuleysinu, að við verðum að bíða eftir þeim úrskurði , svo við fáum að njóta þeirra mannréttinda að geta séð okkur farborða sjálf.  Fyrir þeim er vilja stöðva þessa framkvæmd, er gott að vita að stöðvun þessarar framkvæmdar kemur ekki verst niður á hrunkónginum  sem hlut á að máli, heldur fjölda harðduglegs fólks sem  bundið hafði vonir við að nú færi eitthvað að gerast í atvinnumálum hér á Suðurnesjum.  Því það fólk á fullan rétt á að halda áfram með sitt líf eins og þeir sem gala nú hæst um að ekkert skuli frekar gert fyrr en dæmt hefur verið í málefnum hrunkónganna. Það þætti mér galið!

Athugasemdir

[Kjartan Sigurgeirsson, 21.12.2009 kl. 08:37]

Sæll Hannes.

Ég á frekar von á að þú hafir lesið grein eftir Gylfa Arnbjörnsson í Morgunblaðinu í morgun.  Mér hefur oft þótt lítið til hans koma, en keyrði þó um þverbak þegar ég las þessa þvælu.  Þarna er beinlínis ráðist að nokkur þúsund félögum í verkalýðshreifingunni, rúmlega 1700 suðurnesjamönnum og settur er einn fóturinn enn fyrir uppbyggingu atvinnulífs í landinu, jafnframt sagt að það sé sáluhjálpar atriði að styðja bónusfeðga með milljarða gjöf frá þjóðinni, til að þeir geti leitt Bónusverslanirnar í gegn um þrengingar.  Mín skoðun er sú að það gerði Högum lang mest gagn að þeir tækju pokana sín og létu aldrei sjá sig þar aftur.  Starfsfólk Haga held ég geti rekið þessar verslanir án stuðning þeirra feðga, ekki síður en hingað til. 

Væri ég félagi í stéttarfélagi sem starfaði í skjóli ASÍ, krefðist ég þess að félagið segði sig tafarlaust úr þessari valdaklíku, eða það skipti um "foringja" minnir um margt meira á Quisling, en trúverðugan leiðtoga.

[Hannes Friðriksson , 22.12.2009 kl. 13:57]

Ég held nú að Gylfi hafi eitthvað stigið vitlaust fram úr þarna, ég skil allavega ekki þessa afstöðu hans. Ekkert hef ég á móti Gylfa, og tel að í flestum þeim málum sem sem hann hefur tjáð sig hafi hann talað samkvæmt sannfæringu sinni, en er hinsvegar sammála þér að það fer nú að koma tími á að hreinsa aðeins til innan verklýðshreyfingarinnar, því það er ljóst að þar sitja margir sem ættu kannski að vera í einhverri annari vinnu, þar sem sem þeir gætu sinnt eiginhagsmununum betur, en óvíst hvort þeir fengju jafn vel greitt fyrir það.

[Kjartan Sigurgeirsson, 22.12.2009 kl. 14:17]

Er vinna fyrir þessa gutta þarna suður með sjó?