Þetta er mín skoðun

Mánudagur, 14. apríl 2008

Er umræðan ekki komin svolítið á villigötur?

Undanfarnar vikur hafa verið umræður um rekstrarvanda Lögreglustjóraembættisins hér á Suðurnesjum. Umræðan hefur snúist um hugsanlega uppskiptingu embættisins og hverjar afleiðingar slíkrar uppskiptingar kynni að verða. Tillögur dómsmálaráðherra hvað varða uppskiptinguna hafa mælst illa fyrir hér á Suðurnesjum, í ljósi þess árangurs er náðst hefur. Og menn óttast að uppskipting sem þessi gæti komið niður á frekari árangri lögreglu og tollgæslu. Það er skiljanlegt.

Sá árangur sem náðst hefur byggir að miklu leyti á góðu samstarfi tollgæslu og lögreglustjóra-embættisins, í samvinnu við greiningardeild ríkislögreglustjóra.

Nú virðist svo vera að umræðan sem í byrjun snérist um rekstarvanda embættisins og hugsanlegar leiðir til að mæta honum sé byrjuð að snúast um hver stjórni þessu embætti. Ég hef sjálfur hér í fyrri bloggum mínum lýst yfir ánægju með störf Jóhanns Benediktssonar, enda sá árangur sem hann og lið hans með samvinnu við greinigardeildina verið góður. Það verður aldrei af þeim tekið.

Það að umræðan hafi snúist frá hinu upprunalega vandamáli og að persónu Jóhanns finnst mér hins vegar skrýtið. Málið snýst náttúrulega fyrst og fremst um það fé sem veitt er til embættisins og hvernig því er varið. Það snýst líka um hvort uppskipting á þessu embætti sé heppileg. Ljóst er að skv fjárlagafrumvörpum undanfarinna ára hefur embættið farið yfir á fjárlögunum. Vandi þess hefur hingað til verið leystur og er það vel. Þetta er fé sem við skattborgararnir leggjum til og það er er á ábyrgð forstöðumanns hvers embættis að nýta það á sem bestan hátt.

Nú er það ljóst að öryggisgæsla sú sem framkvæmd er í Leifsstöð, uppfyllir fullkomlega þær kröfur sem til hennar eru gerðar, og er í raun til fyrirmyndar þar sem hún auk þess stendur vel undir þeim kostnaði af henni hlýst. Sá kostnaður er greiddur af öryggisgjaldi sem innheimtur er af hverjum farmiða. Það er ljóst að ekki kemur umframkeyrsla stofnunarinnar þaðan. Enda ekki verið að oflauna þá starfsmenn.

Nú er það ljóst að lausn þessa vandamáls getur aldrei falist í því hvort það sé Jóhann Benediktsson eða einhver annar sem stjórni því, heldur hlýtur lausnin að felast í því hvort hægt sé að finna leið til að reka embættið fyrir það fé sem því er skammtað á fjárlögum. Ef ekki þá leiðrétta menn það.Menn verða að sýna framá svo óyggjandi sé að sú leið sem valinn verður, verði ekki dýrari en sú sem nú er, og sú leið tryggi bæði íbúum svæðisins og flugfarþegum það öryggi sem lögin kveða á um Það finnst mér sanngjarnt gagnvart skattborgurnum.

Flokkur: Stjórnmál og samfélag | Breytt 15.4.2008 kl. 13:16 | Facebook

Athugasemdir

Sæll Hannes ég verð að lýsa ánægju minni með blogg þitt, þetta kallast að hitta naglan á höfuðið.

Ég er svo sammála þér að ef þetta er ekki rétt leið sem embættið er á, er rétt að finna aðra en það verður að sýna fram á að sú leið sé betri. Það hefur ekki verið gert.

Daði Þorkelsson, 14.4.2008 kl. 19:51

Það má heita árviss regla að opinber embætti og ekki síst embætti sýslumanna hafa farið fram úr fjárlögum í stað þess að halda jafnvægi eða skila rekstrarafgangi af úthlutuðum peningum. Ástæðan er í langflestum tilfellum sú að þeir sem gera áætlanirnar og setja fjárlögin hafa álíka mikið vit á áætlanagerð og dauður köttur. Jóhann R Benediktsson hefur unnið frábært starf undanfarin ár og það vita það allir sem vilja vita að það þarf að stórauka fjárframlög til tollgæslu og til að bregðast við sívaxandi fíkniefnavanda og óhindraðan innflutning glæpalýðs og er aukið eftirlit við landamærin stærsti þátturinn í því. Hins vegar ætlar dómsmálaráðherraundrið að berja niður allar framfarir í þessum málaflokki sem skref í plottinu til að hlaða undir rassgatið á ríkislögreglustjóra sem er gjörsamlega óþarfur bitlingur og ætti að reka strax og leggja embætti hans niður. Hvers vegna viðurkenna þessir örvitar ekki bara að það kostar meira að reka þessa starfsemi heldur en ætlað er til hennar svo að hægt sé að vinna þetta af viti í stað þess að þessir fábjánar sem ráða ferðinni séu sífellt með afskipti af málum sem þeir hafa ekkert vit á þótt þá langi í her. Þetta er farið að minna óþægilega á illa gerða sakamálaþætti í sjónvarpi þar sem hvert sinn sem einhver vinnur af skynsemi og er að ná árangri umbreytist yfirmaðurinn í hans versta andstæðing.

corvus corax, 15.4.2008 kl. 08:45

Nú finnst mér alls ekki rétt að stilla mönnum upp þannig að það séu skúrkar öðru megin, en góðir hinum megin. Oftast er það nú þannig að þar sem er reykur, þar er líka eldur. Og hann þarf að slökkva. Sá eldur verður ekki slökktur með að beina athyglinni að einhverju öðru, en eldinum. Það er ljóst horfi maður til þeirra raka sem dómsmálaráðherra gefur fyrir breytingum á þessu kerfi, þ.e. frammúrkeyrsla á fjárlögum verður maður í það minnsta sem skattborgari að hlusta á þau. Skv því sem maður heyrir af þessu máli þá var ekki skilað inn fjárhagsáætlun fyrr en tveimur mánuðum of seint. Það er ekki viðunandi undir neinum kringumstæðum. Nú verða menn að finna út hvort hér sé um framúrkeyrslu að ræða vegna þess að ekki sé nógu vel farið með það fé sem til verkefnisins er gefið, eða hvort ekki er nógu vel gefið. Um það snýst málið. Telji ráðuneytið að einhversstaðar hafi verið bruðlað með féð verða þeir að sýna fram á það með tölum og rökum.Það er heiðarlegaast. Þeir verða líka velji þeir að skipta upp embættinu að sýna fram á að það sé verkefnunum fyrir bestu.

Ég get alls ekki samþykkt að sú stefna sem mál þetta hefur tekið, sé vegna þess að það séu fábjanar eða örvitarsem stjórni málum. Það finnst mér léleg rök.

Hannes Friðriksson , 15.4.2008 kl. 09:35