Er nokkuð verið að gleyma okkur?

Undanfarna daga hafa heilbrigðismál í landinu orðið æ meir áberandi í umræðunni og fyrir okkur íbúa Suðurnesja hefur sú umræða hjá mörgum tengst umræðunni um hugsanlegan niðurskurð hjá Lögreglustjóraemættinu hér á Suðurnesjum. Það er ekkert skrýtið því í raun er þarna um tvö mál af sama meiði,og snúa bæði að þeirri lögbundnu þjónustu sem ríkinu er ætlað að veita öllum landsmönnum óháð efnahag,stöðu,eða búsetu.

 Í báðum tilfellum er um þjónustu sem nauðsynleg er til þess að þjóðfélag það sem við búum í fái að þróast á eðlilegan og sanngjarnan hátt þannig að allir bæði hinir smæstu og stærstu fái notið sín. Öll erum við hvert á sinn hátt notendur þessarar þjónustu, og sameiginlega greiðum við fyrir hana í formi skatta.

Sú umræða sem nú á sér stað byggir að miklu leyti á þeirri staðreynd að í ljós er að koma,en reyndar allir hafa vitað í fjölda ára að aðferðafræði sú sem beitt er við gerð fjárlaga ár hvert er ekki í samræmi við hinn raunverulega kostnað þessara verkefna,heldur byggir fyrst og fremst á óskhyggju þeirra er setja fjárlögin fram hverju sinni. Grunnurinn þ.e löggæsla,heilbrigðis,og menntamál hafa þurft að víkja svo önnur áhugamál valdhafanna hverju sinni,nái fram að ganga. Auðvitað er það gott og nauðsynlegt að reyna eins og mögulegt er að halda opinberum kostnaði niðri á sem flestum sviðum eins mögulegt er,en jafnframt nauðsynlegt að menn láti af öllu ofstæki og hafi skynseminna að leiðarljósi við það verk.

Það er greinilegt af allri umræðu um þessi mál,að bæði heilbrigðisþjónustan og löggæslan eru nú þegar orðin svo þrælpínd af þessum sparnaðaraðgerðum að þjónustan,svo ég tali nú ekki um starfsfólkið er tekið að líða fyrir.Við getum ekki vænst þess að þjónusta þessara aðila verði í lagi fyrr en við viðurkennum þann kostnað sem að baki er.Það þýðir ekki að senda t.d lögreglumenn í útkall á Vík í Mýrdal,en afhenda þeim aðeins pening fyrir bensíni til Selfoss ef farið er frá Reykjavík.

Fyrir okkur íbúa á Suðurnesjum skiptir þessi umræða mjög miklu máli,hvort heldur það er umræðan um heilbrigðismál eða löggæsluna og mikilvægt að okkar sjónarmið komi þar sterkt fram, því ljóst er að um hvorn heldur málaflokkinn er rætt þá berum við þar skertan hlut frá borði. Því verðum við að breyta því ljóst er að enginn annar gerir það fyrir okkur. Hér verðum við að kalla alla okkar þingmenn, og sveitarstjórnarmenn fram til ábyrgðar og snúa þessu máli þannig að við sitjum að minnsta kosti við sama borð og aðrir landsmenn.

 Það er ljóst ef maður flettir í fjárlagafrumvarpi ríkistjórnarinnar fyrir árið 2008 að framlög til heilsugæslu á Suðurnesjum eru þau lægstu ef tillit er tekið til landsins alls. Og svo hefur verið nokkuð lengi.

 Það er líka ljóst að þrátt fyrir stöðuga aukningu íbúa og stóraukna umferð um Keflavíkurflugvöll að framlög ríkisins til lög og tollgæslu hafa ekki tekið mið af því,heldur hefur lögreglumönnum sem sinna eiga Suðurnesjum öllum fækkað um 20 frá því að lögregluliðin á Keflavíkurflugvelli og í Reykjanesbæ voru sameinuð og boðaður er frekari niðurskurður nú í ár.

 Á þetta getum við Suðurnesjamenn alls ekki fallist og eigum því að blása til sóknar svo í okkur heyrist.

9,2% af landsframleiðslu til heilbrigðismála

Er nokkuð verið að gleyma okkur?

Undanfarna daga hafa heilbrigðismál í landinu orðið æ meir áberandi í umræðunni og fyrir okkur íbúa Suðurnesja hefur sú umræða hjá mörgum tengst umræðunni um hugsanlegan niðurskurð hjá Lögreglustjóraemættinu hér á Suðurnesjum. Það er ekkert skrýtið því í raun er þarna um tvö mál af sama meiði,og snúa bæði að þeirri lögbundnu þjónustu sem ríkinu er ætlað að veita öllum landsmönnum óháð efnahag,stöðu,eða búsetu. Í báðum tilfellum er um þjónustu sem nauðsynleg er til þess að þjóðfélag það sem við búum í fái að þróast á eðlilegan og sanngjarnan hátt þannig að allir bæði hinir smæstu og stærstu fái notið sín. Öll erum við hvert á sinn hátt notendur þessarar þjónustu, og sameiginlega greiðum við fyrir hana í formi skatta. Sú umræða sem nú á sér stað byggir að miklu leyti á þeirri staðreynd að í ljós er að koma,en reyndar allir hafa vitað í fjölda ára að aðferðafræði sú sem beitt er við gerð fjárlaga ár hvert er ekki í samræmi við hinn raunverulega kostnað þessara verkefna,heldur byggir fyrst og fremst á óskhyggju þeirra er setja fjárlögin fram hverju sinni. Grunnurinn þ.e löggæsla,heilbrigðis,og menntamál hafa þurft að víkja svo önnur áhugamál valdhafanna hverju sinni,nái fram að ganga. Auðvitað er það gott og nauðsynlegt að reyna eins og mögulegt er að halda opinberum kostnaði niðri á sem flestum sviðum eins mögulegt er,en jafnframt nauðsynlegt að menn láti af öllu ofstæki og hafi skynseminna að leiðarljósi við það verk. Það er greinilegt af allri umræðu um þessi mál,að bæði heilbrigðisþjónustan og löggæslan eru nú þegar orðin svo þrælpínd af þessum sparnaðaraðgerðum að þjónustan,svo ég tali nú ekki um starfsfólkið er tekið að líða fyrir.Við getum ekki vænst þess að þjónusta þessara aðila verði í lagi fyrr en við viðurkennum þann kostnað sem að baki er.Það þýðir ekki að senda t.d lögreglumenn í útkall á Vík í Mýrdal,en afhenda þeim aðeins pening fyrir bensíni til Selfoss ef farið er frá Reykjavík. Fyrir okkur íbúa á Suðurnesjum skiptir þessi umræða mjög miklu máli,hvort heldur það er umræðan um heilbrigðismál eða löggæsluna og mikilvægt að okkar sjónarmið komi þar sterkt fram, því ljóst er að um hvorn heldur málaflokkinn er rætt þá berum við þar skertan hlut frá borði. Því verðum við að breyta því ljóst er að enginn annar gerir það fyrir okkur. Hér verðum við að kalla alla okkar þingmenn, og sveitarstjórnarmenn fram til ábyrgðar og snúa þessu máli þannig að við sitjum að minnsta kosti við sama borð og aðrir landsmenn. Það er ljóst ef maður flettir í fjárlagafrumvarpi ríkistjórnarinnar fyrir árið 2008 að framlög til heilsugæslu á Suðurnesjum eru þau lægstu ef tillit er tekið til landsins alls. Og svo hefur verið nokkuð lengi. Það er líka ljóst að þrátt fyrir stöðuga aukningu íbúa og stóraukna umferð um Keflavíkurflugvöll að framlög ríkisins til lög og tollgæslu hafa ekki tekið mið af því,heldur hefur lögreglumönnum sem sinna eiga Suðurnesjum öllum fækkað um 20 frá því að lögregluliðin á Keflavíkurflugvelli og í Reykjanesbæ voru sameinuð og boðaður er frekari niðurskurður nú í ár. Á þetta getum við Suðurnesjamenn alls ekki fallist og eigum því að blása til sóknar svo í okkur heyrist.

Nú finnst mér Össur ríða hratt yfir héruð

Það er nánast hápunktur dagsins þegar tími gefst til að setjast niður og lesa yfir blogg hins milda ráðherra iðnaðarmála og fylgjast með  snilld hans í að labba þá línu á milli þess að vera stjórnarþingmaður og ráðherra , sem gæta þarf bæði orðs og æðis til styggja ekki einhvern ofurviðkvæman , eða hinn fríska og frjótt hugsandi stjórnmálamann sem hann breytist í á nóttunni, þar sem hann áður leyfði sér að hefja rimmugíg svo hátt á loft  og stinga menn holundarsári svo úr blæddi, en er í dag heldur mildari og lætur smá skeinur nægja. 

Nú er hinn mikli höfðingi byrjaður að beita mun varfærnari aðferðum í herferðum sínum.og sendir út njósnara til að  fá á hreint hvort honum sé óhætt að ríða í hlaðið án þess að vopnum verði brugðið á loft. Þetta tekst honum ágætlega í bloggi sínu nú laugardaginn 15. mars er hann fjallar um  greinaskrif  Árna Páls Árnassonar í Herðubreið um álver í Helguvík. Í þessu bloggi situr hinn varfærni vígamaður þéttur á velli og  vel girtur á hesti sínum og miðar  spjóti sínu með hinum haukfránu augum rakleiðis að hjarta þeirra Norðurálsmanna og setur ábyrgð á niðurgreiðslu almennings og fyrirtækjanna á orkuverði í þeirra hendur, og velur að dvelja í skjóli, hvað varðar hans eigin aðkomu að orkuverðinu. Við skulum vona að svefnhöfgin rjátli af kappanum áður kemur að því að kasta. 

 Nú er það svo að jafn reyndur höfðingi sem hinn mildi ráðherra er, ætti eftir fjölmargar herferðir sínar um landið  sem flestar hafa verið riðnar til góðs, að vera ljóst að hættur geta leynst á bak við hvern þann stein er ekki sér yfir. Nú er ráð að lyfta höfðinu úr svefnmókinu og líta yfir völlinn áður en lengra er haldið. Það er nefnilega svo að þarna bera forfeður hans í stjórn landsins, og nú hann sem erfingi vandamálins mikla ábyrgð á hve mikið almenningur og fyrirtæki landsins koma til með að niðurgreiða þessa orku. 

Ljóst er að ef  frumvarp hans sem nú er til afgreiðslu í þinginu, þá kemur til mikillar uppskiptingar Hitaveitu Suðurnesja sem kemur til með að kosta mikið fé. Orkusöluhlutinn sem sennilega verður afhentur einkaaðilum,er sá hluti sem hingað til hefur skapað þann arð sem annar rekstur hitaveitunnar hefur nýtt sér til að standa undir því að dreifa orku og hita til okkar Suðurnesjamanna á vindasömum og köldum vetrarnóttum. Það er ljóst að það verða ekki einkaðilarnir sem koma til með að gefa eftir sinn hluta til þess að svo megi áfram verða.

 Það er líka ljóst að arðsemi reksturs veitukerfanna er ekki sá að hann geti staðið undir stöðugt auknu viðhaldi þeirra. Einhversstaðar verða þessir peningar að koma frá. Og þrátt fyrir að landsfeðurnir segi okkur sauðsvörtum almúganum að orkuverð muni ekki hækka í kjölfar þessara breyting, eru dæmin því miður svo mörg þar sem við höfum brennt vinnulúnar hendur okkar, að því getum við því miður ekki treyst. Það verðum við sem verðum látinn borga, annað hvort með hækkun á verði dreifikostnaðarins eða með hækkuðu orkuverði.  

Nú tel ég ráð að áð verði um stund, og stigið af hestinum, málið hugsað upp á nýtt og athugað hvort öruggt sé að ekki sú  fleiri sekir áður en spjótinu verður kastað af alefli í hjarta þeirra Norðuálsmanna. Það tel ég að við íbúar á Suðurnesjum eigum skilið af hinum milda höfðingja.   

Nú ættu menn að staldra við og bíða eftir lögunum.

Það hringdi í mig maður nú í morgunsárið og spurði hvort ég væri hættur að skipta mér af málefnum Hitaveitu Suðurnesja, og er eg spurði hvers vegna héldi hann það benti hann mér á að ég hefði ekkert bloggað um grein og viðtal sem birtist í 24stundum og fjallaði um hugsanlega uppskiptingu á HS ef Orkuveitan keypti ekki af Hafnfirðingum.

Við hlið greinarinnar var viðtal við Ásgeir Margeirsson forstjóra sem nú virðist vera kominn í hlutverk þess er ætlar að bjarga hagsmunum HS, þar sem hann segir að eini aðilinn sem virðist hafa vilja og burði til að kaupa þennan hlut sé Geysir Green Energy, sem þar með eignaðist vel  rúmlega 40% hlut í HS.

Ég verð að viðurkenna að þessi grein hafði farið fram hjá mér, enda hélt ég að mál þetta væri komið í þann farveg sem við væri unandi og menn myndu ekki aðhafast neitt á meðan lögin um orkulindirnar væru til umræðu á Alþingi. Það hafði bæjarstjórinn okkar sagt og því ætla ég að treysta. Það getur ekki verið að menn ætli að fara út í einhver uppkaup á hlutum meðan lög með klár markmið hvað varðar eignarhald eru til afgreiðslu í þinginu. það væri gegn öllu því er menn hafa áður sagt.

Í ógnarlangri ræðu á opnum  fundi sjálfstæðisfélaganna sl haust fór forstjóri HS yfir rekstrartölur hitaveitunnar og taldi það ekki fýsilegan kost að skuldsetja Reykjanesbæ til þess að eignast meira en orðið er í Hitaveitu Suðurnesja og forstjóri GGE tók undir það. Nú veit maður að fjárfestar eins og GGE eru ekki í einhverri góðgerðarstarfsemi,en þeir virðast þó meta það þannig að jafnvel á þessum tímum sé það fýsilegur kostur að kaupa meira í HS. Hvað hefur breyst? Er það fyrirhuguð orkusala til álversins, sem þó var vitað um í haust.   

Það er ljóst að hvernig sem fer fyrir lögunum á alþingi, þá mun GGE eignast orkuvirkin og réttin til sölu á því rafmagni sem selt verður til bæði álvers og annars iðnaðar á svæðinu. Reykjanesbær um eignast  veitukerfin og hugsanlega 2/3 hluta af auðlindinni. Við uppskipti sem þessi þá hefur sá hluti reksturs hitaveitunnar sem skapar arðinn verið færður til einkaaðila.

En úr því að ég er nú byrjaður að skrifa um HS eina ferðina enn datt mér í hug spurning sem að mér var beint um daginn og varðar einmitt aðkomu GGE að Hitaveitu Suðurnesja. Það væri gaman að fá að vita hvernig samskiptum HS og GGE er háttað hvað varðar notkun á sérþekkingu þeirri sem HS hefur yfir að ráða í sambandi við útrás orkufyrirtækjanna. Aðgangur að þessari vitneskju var metinn á um það bil 20 milljarða í REI dæminu og viðurkennt að þessi  vitneskja var mikils virði. Er rétt sem maður heyrir að GGE í sinum útrásarverkefnum fái þessa vitneskju frítt í gegnum HS. Ef svo er er þetta þá ekki nákvæmlega sama dæmið og hinn fyrsti borgarstjórnarmeirihluti í Reykjavík sprakk á. Menn gátu ekki fellt sig við að eitt fyrirtæki hefði einkaaðgang að upplýsingum OR til 20 ára. Er búið að gera einhvern slíkan samning við GGE? Og er þá ekki verið að mismuna öðrum hluthöfum í fyrirtækinu,sem eiga skýlausan rétt á greiðslu fyrir þessar upplýsingar?

Þeir standa að baki sínum manni

Í kvöld lét ég tengdasoninn draga mig fárveikan manninn á fund sem lögreglumenn og tollverðir  hér á Suðurnesjum efndu til bæði til að sýna sínum yfirmanni stuðning og jafnframt til þess að útskýra málin fyrir okkur, sauðsvörtum almúganum og nokkrum þingmönnum hvernig á þessari frammúr keyrslu stendur.  Þarna komu upp bæði lögreglumenn og tollverðir og útskýrðu þessa yfirkeyrslu og gerð jafnframt grein fyrir því starfsumhverfi sem þeir eru að vinna í.  Það er ekki gott.

Það er greinilegt af lýsingum þeirra að störf þeirra eru meira unnin af hugsjón en vegna þess að kjör þeirra séu  eitthvað sem geri störf þeirra eftirsóknarverð. Einn lögreglumaðurinn sagði t.d frá því að um síðustu jól hefði hann enn einu sinni þurft að hringja heim til barnanna til að segja þeim í eitt skiptið enn að verið gæti að hann yrði kannski heima um næstu jól. Við daglaunamenninir leyfðum okkur að hlæja en lögreglumenninir á staðnum var ekki hlátur í huga. Hjá þeim var þetta hversdagsleikinn. Um næstu helgi á eftir að manna 20 vaktir hér á Suðurnesjum,en eingöngu 6 manns til að vakta þær. þetta gengur náttúrulega ekki.  Fyrir sameininguna hér á svæðinu voru 92 lögreglumenn en eru nú komnir niður í 74 þrátt fyrir þá staðreynd að bæði fólki hafi fjölgað og starfsemin á Keflavíkurflugvelli stóraukist.

Tollverðir höfðu nánast sömu sögu að segja nema að þar hafði mannafækkunin ekki orðið jafn drastísk, en hinsvegar umsvifin aukist um rúmlega helming án þess að til hafði komið aukið fjármagn.  Þeir gerðu grein fyrir því starfi og þeim áhrifum sem slíkur niðurskurður myndi hafa, ekki bara út frá því er liti að þeim sjálfum, heldur og hvernig það kæmi til með að hafa áhrif á ríkiskassann.  Þeir vildu meina að beint tekjutap vegna færri tollvarða myndi nema að minnsta kosti 175 milljónum á ári, peningar sem þeir innheimta, auk þess sem óbeinu áhrifin gætu numið mörg hundruð milljónum þegar að slakað yrði tollgæslu og t.d fækkað mannskap í grænum hliðum.

Nokkrir þingmenn tóku til máls og hétu stuðningi sínum og voru það þeir Bjarni Harðarsson, Grétar Mar. Atli Gíslasson og Ögmundur Jónasson. Einnig tók til máls Árni Sigfússon bæjarstjóri sem lýsti yfir stuðningi sínum við málefnið.  Hinsvegar verð ég að segja að ég saknaði þess að sjá hvorki þingmenn Sjálfstæðisflokks eða Samfylkingar á svæðinu auk þess sem ekki var að sjá einn einasta bæjarfulltrúa.  Það var skrýtið.

Það er ljóst að ég tel eftir þennan fund að sú framúrkeyrsla á fjárlögum sem um ræðir felst að nokkru leyti í þeim vinnuaðferðum sem beitt er við vinnslu fjárlagana.  Það er að stjórnendur ríkisfyrirtækjanna eru ekki kallaðir fyrir fjárlaganefndina til að gera grein fyrir áætlunum sínum, heldur eru það embættismenn ráðuneytana sem gera svo, eftir því sem mér skildist.  Með þessu fyrirkomulagi er ekki minnsti möguleiki fyrir fjárlaganefndarmenn að hafa einhverja yfirsýn yfir hver raunveruleg þörf viðkomandi stofnunar er.  Þessu þarf að breyta.

Eftir fund sem þennan eykst sú virðing sem maður ber fyrir þessum starfstéttum.  Þeir vinna í vonini um að kannski einhvern tima í nánustu framtíð fái þeir að vinna við starfsskilyrði sem okkur hinum finnast að séu bæði eðlileg og sjálfsögð.  Þessu fólki eigum við margt að þakka og virða.

 

 

 

Niðurskurður lög og tollgæslu á Suðurnesjum

Undanfarna daga hafa okkur borist fréttir af að nú skuli skera niður fjárveitingar til Lögreglustjóraembættisins á Suðurnesjum. Menn eru ekki sammála um hvort heldur hér sé um að ræða niðurskurð eða leiðréttingu.en í raun skiptir það ekki máli,því hvort heldur það er verður niðurstaðan sú sama. Lélegri þjónusta bæði hvað varðar lögregu og tollaeftirlit.

 Það er ljóst að Keflavíkurflugvöllur er hlið utanaðkomandi inn í landið og jafnframt hlið inn á Schengensvæðið. Þarna fer fram öflugt eftirlit með t.d  innflutningi fikniefna til landsins auk vegabréfaeftirlits og árangur af því starfi verið góður. Ef menn velja að láta þessar niðurskurðstillögur ganga í gegn er ljóst að þar með er miklu starfi og uppbyggingu kastað á glæ. Það viljum við ekki láta gerast.

 Það er ljóst að niðurskurður sem þessi kemur t.d til með að hafa áhrif á frekari uppbyggingu vallasvæðisins, þar sem aðilum í flugþjónustu verður ekki gert kleift að nýta þær byggingar sem þar losnuðu, vegna þess að ekki verður hægt að halda uppi eðlilegri toll og löggæslu vegna kostnaðar. Það er líka ljóst að á sama tíma og íbúum á Suðurnesjum hefur fækkað um ca. 15% undanfarin ár og stöðugt aukin umferð um Keflavíkurflugvöll að þá er það ekki rökrétt niðurstaða að draga úr lög og tollgæslu. Heldur ber að auka hana.

Það er ekki upplifun okkar íbúanna hér á Suðurnesjum að embætti Lögreglustjórans á Suðurnejsum hafi verið að bruðla með fé. heldur þvert á móti. Sýnileg löggæsla er hér í algeru lágmarki, enda sama þróun verið hér í gangi og víðast hvar um landið lögreglumönnum fækkað. Ekki er hægt að segja að bruðlað hafi verið í húsnæðismálum eins og best sést á að stór hluti starfsemi embættisins fer fram í gámum sem staðsettir eru rétt við Reykjanesbrautina, og óhætt er að segja að útlendingum begður í brún þegar maður segir þeim hvaða starfsemi fer þarna fram.

Það verður að segjast eins og er að eitthvað virðast áherslur þeirra er með völdin fara, ekki vera í takt við þarfir þeirra er greiða þeim launin. Þannig getur maður sagt að það er skrýtin áhersla að á sama tíma og við skerum niður löggæsluna, þá hika alþingismenn okkar ekki við að skammta sjálfum sé aðstoðarmenn sem koma til með að kosta skattborgarana fúlgur fjár . Hvað eiga þeir aðstoðarmenn að gera? Bursta fyrir þá skóna, á meðan þeir eru annað hvort í jóla, páska. eða sumarleyfi? Nei ég held að þeim peningum sé betur varið til þess að t.d efla löggæslu og tollgæslu því ljóst er að í báðum þessum málaflokkum eru fjárveitingarnar háðar því hvað menn vildu að hlutirnir kostuðu frekar en hvað þeir kosta. Það er miklu heillavænlegra að reyna að tryggja að lög og tollgæsla séu í lagi frekar en að eyða peningum skattborgarana upp á von og óvon um að komast t.d í öryggiráð Sameinuðu þjóðannna, 500 milljónir, þar sem fulltrúar okkar koma til með að rétta hendur upp í loft, í ullarvettlingum, allt eftir afstöðu valdhafa hverju sinni. það er mín skoðun

Nú hafa sveitarfélögin gert það sem þeim ber.

Nú hafa sveitarfélögin Garður og Reykjanesbær gert það sem þeim ber, og nú er áframhaldið að mestu í höndum Norðuráls og ríkisins hvað varðar úthlutun starfsleyfa og losunarkvóta.

Framkvæmdaleyfi vegna Helguvíkurálvers afgreitt

Nú er málið í höndum Norðuráls

Sveitarfélögin Garður og Reykjanesbær hafa að undanförnu sætt gagnrýni ýmissa fyrir áætlanir sínar um uppbyggingu álvers í Helguvík. Ekki hefur borið á neinni gagnrýni hvað varðar uppbyggingu álvers að Bakka. Hingað til hefur það talist skylda hverrar sveitarstjórnar hvar sem er á landinu að greiða fyrir uppbyggingu atvinnulífs á hverju svæði. það hafa bæði bæjarstjórnir Garðs og Reykjanesbæjar gert, og gefið út framkvæmdarleyfi fyrir fyrirhuguðu álveri. Það er þeirra hlutverk.

Menn hafa talað um og gagnrýnt að ekki sé búið að tryggja orku til fyrirhugaðs álvers, þrátt fyrir að langt sé síðan að undirskrifuð hafi verið viljayfirlýsing þar um á milli Norðuráls annars vegar og Hitaveitu Suðurnesja og Orkuveitu Reykjavíkur hinsvegar.

Eftir því sem fram hefur komið bæði í viðtölum við forsvarsmenn sveitarfélaganna og forustumenn Landnets sem fer með línulagninar er það mál í eðlilegum farvegi og ekki ástæða til að ætla að flutningur orkunnar eigi að hafa neikvæð áhrif hvað þessa framkvæmd varðar.

Skipulagsyfirvöld hafa lagt blessun sína yfir hvað varðar þann hlut er að þeim snýr.

Að þessum skilyrðum öllum uppfylltum er skv. landslögum öllum þeim kröfum er snúa að sveitarfélögunum uppfyllt, og því ekki nein ástæða fyrir þau til annars en að gefa út það framkvæmdaleyfi sem gefið var út í dag.

Nú er framhaldið að mestu leyti í höndum byggingaraðilans Norðurál.

Og nú verð ég að vera sammála sjálfum mér.

Eftir að hafa verið sammála minnihlutanum í bæjarráði og bæjarstjórn hér á síðunni um daginn, og vegna þess að ég lá veikur hér heima og leiddist ákvað ég til að drepa tímann að kíkja aðeins á hvernig bygging Hljómahallarinnar kæmi út fyrir fjárhag Reykjanesbæjar til framtíðar. Sú niðurstaða segir mér að þessi leið sem valinn hefur verið er alls ekki skynsamleg út frá hagsmunum bæjarins til lengri tíma litið.

Ég geng út frá því að líftími hússins sé aðeins 60 ár  sem er frekar stutt.  Ég hef áður bent á að til er þumalputtaregla sem segir að rekstrarkostoðnaður skiptist í þrjú timabil. 1/3 er byggingar-kostnaðurin. 1/3 er fjármagnskostnaður og 1/3 er rekstur mannvirkis.

Áætlaður byggingarkostnaður skv. því sem maður hefur heyrt er 1.4 milljarður, og er það eftir því sem maður heyrir 400.000 á hvern fermeter sem er rosalega mikið.  Látum það þó vera og reynum að vera jákvæð því þetta segir okkur að hér er ekki um neina búningsklefa eða geymslur að ræða. Þetta verður glæsilegt.

Miði maður við eins og stendur á heimasíðu Fasteignar ehf að leigugjald á mánuði verði 0,685% verða leigugjöld af framkvæmdinni 9.590.000 á mánuði eða um það bil 115.000.000. á ári. Greiði bærinn til Fasteignar þessa leigu í 30. ár verðum við búinn að greiða 3.452.000.000.  Þetta eru svakalega mörg núll. Þannig höfum við greitt á þessum 30  árum  allan byggingarkostnaðinn 1.4 milljarða. allan fjármagnskostnaðinn 1.4 milljarða og stóran hluta rekstur mannvirkisins um það bil 650 milljónir. Nú ber að geta að ef samningur þessi er eins og aðrir sem maður hefur náttúrlega bara heyrt um tekur Reykjanesbær að sér að sjá um viðhald innadyra, sem má reikna sem 65% af heildarviðhaldskostnaði hússins.  Þannig að umsýsluaðili hússins hefur einnig fengið greitt fyrir viðhald til falls hússins. þetta er bara kostnaður vegna Hómahallar.en við lítum á dæmið miðað við allar þær fasteignir sem við í dag leigjum af Fasteign ehf þá að meðtaldri Hljómahöll og væntanlegum Bæjarskrifstofum má fastlega reikna að leigugjöld bæjarins nemi um það bil 30 milljörðum króna á næstu 30 árum

Þetta finnst mér líta mjög vel út og segir mér að út frá hagsmunum Fasteignar ehf sé þetta náttúrulega alveg frábært dæmi.  En út frá hagsmunum bæjarbúa algerlega út í hött, vegna þess að þegar þessi 30 ára samningur rennur út þarf bæjarfélagið þrátt fyrir allt að greiða áfram sína leigu 115.000.000. á ári og sinna viðhaldi innanhúss,en Fasteign hefur tryggt sig til loka.  Að vísu fær Reykjanesbær hugsanlega einhvern arð sem eignaaðili, en ekki þarf að reikna með að sá arður af þessari eign geri meira en að standa undir viðhaldi og kannski hluta rekstrarins.

Ef stjórn bæjarins telur að við höfum efni á að fara þessa leið og greiða upp húsið og fjarmagnskostnaðinn á 30 árum væri þá ekki vitlegra að gera þetta þannig að við myndum eignast þetta hús á þessum tíma og sleppa þannig við 3.5 milljarða leigu næstu 30  ár þar á eftir.  Það finnst mér hljóma skynsamlega.

Við verðum að athuga að þegar við förum yfir þetta mál á þennan hátt, verður það augljóst fyrir manni að þessi leið sem valinn hefur verið kemur til með kosta bæjarbúa í leigu um það bil 30 milljarða á næstu þrjátíu árum af eignum sem við áttum að mestu leyti skuldlaust áður.  Nú árið 2008 höfum við í fyrsta sinn íbúar Reykjanesbæjar tækifæri til að losa okkur út úr þessu dæmi,sem étur nú þegar upp stóran hluta af framkvæmdafé bæjarins, með því að við erum að leigja yfir 45.000 fermetra af húsnæði sem áður var í okkar eigu að mestu. Er ekki réttara með langtíma hagsmuni  bæjarins í huga að standa sjálf fyrir þessum framkvæmdum með t.d lánum úr lánasjóð sveitarfélaganna og jafnvel sparisjóðsins og eiga þetta þá sjálf að lokum. Þannig sleppum við að borga yfir a.m.k  60 milljarða króna í leigu á næstu 60 árum. Það hlýtur að þurfa að hugsa um hag bæjarins í lengri tímabilum en 4.árum   Það er mín skoðun.

 

 

Álver í Helguvík ?

Undanfarið hafa farið fram miklar umræður um fyrirhugað Álver í Helguvík. Mín skoðun í því máli hefur allt frá upphafi verið sú að skynsamlegt og rétt sé að Álver rísi í Helguvík. Þetta er ekki ekki skoðun sem ég hef tekið út í loftið, ég tel mig hafa velt þessu máli vel fyrir mér og undanfarnar vikur hefur þessi skoðun mín styrkst.

Menn hafa talað um og rannsóknir sem gerðar hafa verið hafa á undanförnum árum, staðfesta að koltvísýringslosun okkar jarðarbúa hefur haft áhrif á lofthjúp jarðar, og ekki til góðs. Aðrir hafa talað um að sú hlýnun jarðar sem átt hefur sér stað, sé af náttúrulegum völdum,og vitna til 7.ára timabila heitra og kaldra sem fylgt hafa okkur alla tíð. Það er meira huglægt mat sem erfitt er að sannreyna.

Hvort heldur er réttara, verður ekki fram hjá því horft að vísindalega er sannað að koltvísýrings-losunin hefur haft áhrif og þau áhrif eru hnattræn. Þetta þýðir raunverulega að litlu máli skiptir hvar þessi losun á sér stað, áhrif losunarinnar er sú sama um allan heim  þar sem koltvísýringurinn leitar upp í himinhvolfið og dreifist þar.

Það sem skiptir máli er að reynt sé að halda þessari losun í algeru lágmarki. það er ljóst að þjóðir heims hafa bundist samtökum um að reyna að lágmarka þessa losun, og liður í því er svonefnt Kyoto samkomulag sem gert hefur verið. Menn hafa sagt að það skipti miklu máli að svonefnd vistvæn orka sé notuð eins mikið og mögulegt er. Þar komum  við íslendingar sterkir inn, auk þess sem lög og reglur hér á landi eru kröfuhörð, hvað útblásturinn varðar. Þar er enginn málamiðlun og þeir Norðurálsmenn vita það og virða. Ljóst er að það er fátt sem bendir til að fram sé komið það efni sem tekið getur við af álinu og meðan svo er mun álframleiðslan halda áfram. þá er tel ég að betra sé út frá hnattrænu sjónarmiði að það sé þá framleitt þar sem ýtrustu mengunarvörnum er beitt.  

Menn hafa talað um að betra sé að nýta þá vistvænu orku sem möguleiki er á, til iðnaðar sem ekki mengi svo mikið sem áliðnaðurinn gerir. Það er gott sjónarmið og göfugt. Hægt sé að fá hærra verð fyrir rafmagn sem selt er til slíkra vekefna. Nú hef ég ekki lagt mig eftir að finna út hvert það verð var sem samið var um til netþjónabús þess er er nýlega var tilkynnt um að opna ætti á Vallarheiðinni, en tók þó eftir að við opnun þess ættu að skapast um það bil 20 störf í netþjónabúinu sjálfu og möguleiki á u.þ.b 8o tengd störf. þessi störf verða öll mjög sérhæfð, og koma til með að krefjast ákveðinnar menntunar.

það er skrýtið hvernig andstæðingar álversins hafa undanfarið snúið rökum sínum og bent á að komi til þessara framkvæmda þá muni þenslan verða svo gríðarleg að til vandræða horfi. Þeir vilja sumir að minnsta kosti meina að á meðan staðan á mörkuðum sé eins og hún er í dag  þar sem allar vístölur hafa fallið og verðbréf hrunið þá geti vart talist ástæða fyrir að fara út í slíka framkvæmd,það sé óráð. Þessar röksemdir skil ég ekki. það er ljóst að framleiðsluatvinnuvegirnir eiga ekki minnstu sök á þeirri stöðu sem er á markaði í dag. þar eru aðrir kraftar að verki. Fagfjárfestar vilja sumir kalla þá,en aðrir kalla þetta spákaupmenn. Aðilar sem kjaftað hafa upp verðmæti,sem svo engin eða lítil innstæða er fyrir. það er nefnilega ljóst að verðmæti verða ekki til við kjaftagang,heldur gerist það með framleiðslu, og hana ber að styrkja. Og hafi einhvern tíma verið ástæða til að ýta undir framleiðslu greinarnar er það núna. Annars blasir við atvinnuleysi ef menn velja að sitja með hendur í skauti og vona að markaðirnir hressist.

Fiskvinnslan og sjávarútvegurinn í heild sinni hafa orðið fyrir miklum skakkaföllum og getur vart til framtíðar  talist sú atvinnugrein sem svæðið skal reiða sig á. Allir vita hvernig fór með varnarliðið þar misstu yfir 700 manns vinnuna og þótt tekist hafi með samstilltu átaki að afstýra hörmungum er það mál ekki leyst að fullu. Það er því mikilvægt fyrir framtíðaruppbyggingu svæðisins að menn standi saman um að skapa sem fjölbreyttust  atvinnutækifæri sem þarf til að  mannlíf fái að dafna hér á Suðurnesjum.