Labbaðu, láttu þér ekki leiðast.

 

 Labbaðu!! láttu þér ekki leiðast

Við útvegum göngustíga fyrir atvinnulausa.

Sjálfstæðisflokkurinn í Reykjanesbæ.

                                                                                                                                                                      

                                                                                         

Einhvern veginn þannig finnst mér að auglýsing meirihluta Sjálfstæðismanna í Reykjanesbæ  gæti hljómað þessa dagana þegar árangur atvinnuuppbyggingarinnar þeirra er að koma í ljós.  En mikið ósköp var samt gott að vakna nú í morgun og sjá ekki neinar nýjar fréttir af afglöpum  þessa meirihluta í Reykjanesbæ. Nóg er nú komið samt.

En auðvitað er alltaf einhverjar fréttir sem snúa að okkur íbúum á Suðurnesjum. Sumar góðar og aðrar ekki alveg jafn góðar.

Góða fréttinn náttúrlega er náttúrulega að Oddný Harðardóttir komi til greina sem ráðherraefni Samfylkingar. Fyrir okkur hér á Suðurnesjum sem til þekkjum er þetta náttúrulega ekki frétt. Við höfum vitað lengi hvern mann hún hefur að geyma, og til verka hennar. Þar bregður ekki skuggann á og þjóðin má  vera stolt verði hún valin til embættis.

Hin fréttin sem er ekki alveg eins góð er fréttinn um rekstrargrundvöll menntasetursins Keilis. Ekki gott að heyra hvert álit Ríkisendurskoðunar er, en jafnframt ljóst í mínum huga að umræðan um rekstrgrundvöllinn þarf nú á tímum að snúast um meira en peninga. Hún þarf að snúast um framtíðaruppbyggingu atvinnutækifæra á Suðurnesjum og þar er menntun lykilatriði. Og menntasetrið Keilir hornsteinninn hvað það varðar.

Eflaust á margt það sem fram kemur í skýrlsu þessari við rök að styðjast, enda skýslan gerð til þess að varpa ljósi á það sem vel er gert, og það sem miður hefur farið. En velferð verður ekki tryggð í Exel skjali. Velferð snýst um manneskjur, og hvernig unnt er leyfa hæfileikum hvers og eins njóta sín eins og best verður á kosið. Um það snýst starfsemi Keilis , og um það snýst framtíð Suðurnesja. Reyndar landsins alls.

Það hefur komið fram að starfsemi Keilis snýst fyrst og fremst um skapa brú fyrir þá sem fallið hafa frá námi frekari möguleika. En starfsemin hefur líka snúist um að skapa sprota að námi tengt því atvinnulifi sem hér er. Uppbygging atvinnulífs og menntunar fer hér  saman. Um það ber að standa vörð og efla.