Lesendur eiga betra skilið.

Agnes Bragadóttir   blaðaðmaður á Morgunblaðinu á sennilega fá sér lika hvað varðar illgirni sína í garð forseta vors Ólafs Ragnars Grimssonar,og notar hvert tækifæri til að sverta hann á allan þann hátt er henni er mögulegt.Nú síðast í morgun í því sem maður byrjar að lesa sem óð til merks manns sem fallinn er frá, og ljóst að hans minning mun lifa um ókomin ár, og virðing fyrir hans störfum og áhrifum.

Allir hlutir hafa sinn stað og sína stund, og þarna valdi Agnes hvorki rétta staðinn né stundina til þess að ráðast að forsetanum . Þessi grein í stað þess að heiðra minningu mikils manns ,endaði í hálfgerðum subbuskap og skilur frekar eftir sig spuninguna um vanstillt hugarfar höfundar, heldur en nokkuð annað.Einar Oddur á betra skilið.

Auðvitað hefur Agnes fullan rétt til að viðra skoðanir sínar um hvað eina sem sem hún hefur skoðanir á , og nú virðist hin nýja  ritstjórn Mbl ætla að leyfa henni að að vaða um á miðopnu blaðsins í þessari krossferð sinni. Ég held að skoðanir Agnesar Bragadóttur og kjaftháttur sá er hún hefur í frammi væru betur geymd annarstaðar, og reyndar helst eingöngu í hennar eigin höfði. Við lesendur eigum betra skilið. Því af þeim er skrifa pistlana lærum við að þekkja þá.

 

Athugasemdir

[Hulda Elma Guðmundsdóttir, 15.7.2008 kl. 18:49]

Þakka þér fyrir að minnast á þetta Hannes, ég er algjörlega sama sinnis. Sá þessi skrif hennar á netinu í morgun og mér finnst þau segja meira um persónuna Agnesi Bragadóttur en forseta Íslands. Hún ætti að skammast sín.

[Magnús V. Skúlason, 15.7.2008 kl. 21:44]

Þetta er engin illgirni, þetta er bara sannleikur!

[Hrönn Ríkharðsdóttir (IP-tala skráð) 16.7.2008 kl. 09:06]

Tek undir gagnrýni á Agnesi í þetta sinn. Leiðinlegt þegar frábær blaðamaður lætur ergelsi og persónulegar skoðanir ráða för. Dregur úr trúverðugleika hennar, því miður.

[Heimir Lárusson Fjeldsted, 16.7.2008 kl. 09:12]

Má Agnes ekki segja satt?

[Hannes Friðriksson , 16.7.2008 kl. 11:45]

Sælir félagar

Ég sé hér í athugasemdum ykkar að að þið eruð sannleikans menn, og teljið ykkur nú hafa fundið hinn stóra sannleik í skrifum Agnesar Bragadóttur rannsóknarblaðamanns. Það er ykkar val.

Ég vil þó til gamans benda ykkur á að sannleikann sér hver sínum augum , og oft er það þannig að menn og konur velja að vera með lepp fyrir öðru auga eða báðum er þeir leita sannleikans, telji menn það þjóna hagsmunum sínum.

Það hlýtur að vera umhugsunarefni hve óstinnt sumir taka ummælum  Ólafs Ragnars Grimsonar í ræðu á áttatíu ára afmælihátið Steingrims Hermannssonar, þar sem hann nefndi aðkomu ríkistjórnar Steingríms að þessum samningum. Þar var enginn að eigna sér eitt eða neitt, heldur var þar verið að fara yfir málið. Eftir þá yfirferð er ljóst að ríkistjórnin varð að setja bráðabirgðarlög til að afnema  nýundirritaða samninga við BHMR, er fjármálaráðherra hafði skrifað undir nokkru fyrr, ef andi þjóðarsáttarinnar ætti að nást. Þar þurfti ríkstjórnin öll, og ekki síst Ólafur Ragnar sem þáverandi fjármálaráðherra að sýna mikið pólitískt hugrekki , ekki síst í ljósi þess að mikil andstaða var við það innan hans eigin flokks.

Þessi bráðabirgðarlög sem sett voru, ásamt samningum vinnuveitenda og launþega voru undirstaða þess að þjóðarsáttin varð að veruleika. Þetta var þríhliða samningur sem gerður var á milli launþega, vinnuveitenda og ríkisins. Það að unnt væri að koma þessari sátt á í því stjórnmálalandslagi sem var á þessum tíma sýnir að láti menn skynsemina ráða  og ýti til hliðar pólitískum metnaði er hægt að ná ansi langt. Þarna réð víðsýni manna för. Manna sem skyldu hvað þurfti til við þær aðstæður sem ríktu. Við skulum ekki sverta minningu þeirra Einars Odds Kristjánsonar og Guðmundar J Guðmundssonar með svo innihaldslausu hjali sem pistlar Agnesar eru orðnir. Það held ég að hefði ekki verið í anda, þeir voru víðsýnni  en það.

 

[Sig.Jónsson (IP-tala skráð) 17.7.2008 kl. 21:42]

Ég er einn af þeim sem hef nú aldrei verið yfir mig hrifinn að hafa Ólaf Ragnar sem far ósmekklegur.orseta,en tímapunktur Agnesar ti að ráðast á Ólaf v

[Árni Árnason, 18.7.2008 kl. 02:47]

Ekki er ég stuðningsmaður forsetans, en verð að segja að hann á nú ekki allt skilið sem í hann er kastað ! Agnes hefur með skrifum sínum upp á síðkastið rýrt eigin virðingu og trúleika sem blaðamaður. Eitt skil ég samt ekki hvað hefur breyst og hvað olli breytingunni. Aldrei var gert grín á niðrandi hátt af frú Vigdísi Finnbogadóttur í Spaugstofunni, eða skrifað um hana með þeim hætti sem Agnes skrifar um núverandi forseta. Kallaði Ólafur þetta yfir sig sjálfur eða er virðing fyrir þjóðhöfðingum á undanhaldi í okkar samfélagi ?

[Guðbjörn Guðbjörnsson, 21.7.2008 kl. 16:36]

Ég er algjörlega sammála þér Hannes.

Ég verð nú seint talinn til stærri aðdáenda Ólafs Ragnar, hvorki sem þingmanns né ráðherra, en hann hefur staðið sig fjári vel sem forseti.