Það er ekki sama hver segir það.

 

Það er ekki sama hver segir það. Og sumir virðast telja sig hafa svo mikla vigt, að orð þeirra geti geti eytt öllum vafa. Jafnvel  þó opinber stjórnvöld telji vafann það mikinn að þau sjái ástæðu til að setja á legg sérstaka nefnd til að skera úr um vafann.

Forsvarsmenn Geysis Green Energy telja að orð þeirra og vigt sé svo mikil að þeir þurfi ekki að skila  nefnd forsætisráðherra þeim gögnum sem eftir er kallað, heldur nægi orð þeirra og fullvissa í málinu. Þeir eru aðalleikararnir sem sátu  allt í kringum borðið. Og öðrum kemur ekki við hvað þeir hafa gert. Samningum er lokið.

Forstjóri Magma Energy á Íslandi var þar til fyrir fáum mánuðum forsvarsmaður GeysisGreen Energy , skilgetins afkvæmis Glitinis banka. Þar réðu ríkjum útrásavíkingarnir Hannes Smárason, Jón Ásgeir Jóhannesson ofl.  Við skrifborð á bak við þá höfðingja sátu starfsmenn Glitnis Renewble Fund sem höfðu það verkefni að finna nýjar leiðir til að gera jarðhitaauðlindir íslendinga að féþúfu á erlendum mörkuðum.

Þar réðu ríkjum Árni Magnússon fyrrum  ráðherra og Magnús Bjarnason núverandi starfsmaður Landsvirkjunar . Það var Glitnir banki sem óskaði eftir viðræðum við einkavæðingarnefnd um kaup á 15% hlut ríkisins í Hitaveitu Suðurnesja. Nokkrum dögum seinna var tilkynnt um stofnun Geysis Green Energy. Það eru forsvarsmenn þess fyrirtækis sem nú telja að nóg sé að taka orð þeirra sem hið eina rétta í málinu.

Það er rétt að sú nefnd sem var skipuð starfar ekki í krafti  laga. En það er ljóst að sú nefnd er skipuð til þess að skapa sátt í málinu og taka af allan um að ekkert misjafnt hafi átt sér stað. Það er jafnframt ljóst að forsvarsmenn Magma telja sig ekki geta afhent þau gögn er að þeim lýtur, sökum þess að þar með brjóta þeir trúnað við viðsemjendur sína sem var Geysir Green Energy.  Þeir vilja halda áfram samtalinu við sjálfa sig.

Það er vandséð hvernig nefnd sem ætlað er að skera úr um lögmæti þeirra gjörninga sem átt hafa sér stað getur komist að niðurstöðu, án þeirra gagna sem þessi félög sitja nú á. Því það eru þessi félög sem öll gögnin hafa. Sú ákvörðun að afhenda ekki gögnin hlýtur að kalla á enn meira vantraust í þessu máli öllu, og spurningarinnar „Hvað eru þeir að fela"