Mogginn lýgur ekki!!

 

Mogginn lýgur ekki, sögðu blálæddir verkamenn þegar ég var ungur. Ég hef svo sem efast um það lengi, en í morgun kom þó frétt sem ég vissi að var sönn. Reykjanesbær er í slæmum málum, og greiðslufall bæjarins er nú orðin staðreynd. Greiðslufall verður þegar ekki er lengur hægt að greiða afborganir af þeim lánum sem þegar hefur verið samið um. Sú er staða bæjarsjóðs Reykjanesbæjar nú.

Það hefur lengi verið ljóst að Reykjanesbær myndi lenda í þessari stöðu. Við því hefur verið varað mörg undanfarin ár. Það hafði A Listinn sálugi gert. Ekki bara einu sinni heldur hvað eftir annað. Menn voru af formanni bæjarráðs og bæjarstjóra beðnir um að hætta þessu svartsýnisrausi. Meirihlutinn kynni að búa til áætlanir sem stæðust. Sannleikurinn er nú að koma í ljós.

Einkenni  fíkniefnasjúklinga er að viðurkenna ekki vandann. Og benda á eitthvað annað en eigin veikleika fyrir vandanum, þegar hann er orðin ljós. Væri það ekki til staðar, væri vandamálið leyst. Bæjarstjóri Reykjanesbæjar fellur í  þetta sama far í fréttum RÚV nú í morgun. Hann vill halda áfram í uppbyggingu skýjaborga og loftkastala. Hann varpar ábyrgðinni á stöðunni á forsvarsmenn Norðuráls og HS Orku. Nái þeir samningum um raforkuverð sé málið útaf borðinu. Vel vitandi að þrátt fyrir  hugsanlega samninga þeirra um rafmgansverð  vantar virkjanir til að skaffa það rafmagn.

Við íbúar í Reykjanesbæ þurfum nú að þola svívirðingar þeirra sem ekki ekki búa hér á svæðinu. Og því haldið haldið blákalt fram að yfir 70% bæjarbúa hafi kosið  þetta yfir sig. Ég held að rétt sé að halda því til haga að svo var ekki . Meirihlutinn situr í krafti 36% atkvæðabærra manna í bænum. Kjörsókn var hér rétt um það bil 70% í síðustu kosningum.

Það held ég að öllum sé ljóst að í Reykjanesbæ hefur undanfarin ár verið stunduð nauðgun á því sem flestir kalla lýðræð og sannleika. Það hefur verið gert að undirlagi þeirra sem í forystu hafa verið fyrir Sjálfstæðisflokkinn. Og þeir sem maldað hafa í móinn, látnir vita að létu þeir ekki af því myndu þeir hafa verra af. Það hafa margir fengið að reyna. Hér hefur verið rekinn hræðsluáróður að hætti þeirra sem  sjálfstæðismenn vilja helst ekki láta bera sig saman við. Staða bæjarins nú er niðurstaða þess áróðurs.

Hér býr harðduglegt fólk, og flestir vandir að virðingu sinni. Það fólk þarf nú að gjalda fyrir óráðsíu forystumanna Sjálfstæðisflokksins í bænum. En við þurfum hjálp og stuðning þeirra sem þar geta komið að málum. Nú þurfa allir sem vettlingi geta valdið að hjálpa okkur við að blása til sóknar á nýjan leik. Rikið, sveitarfélög , ásamt samtökum launþega og atvinnurekanda þurfa að hjálpa til við að þrífa upp skítinn eftir tindátanna tvo.

Athugasemdir

[Úrsúla Jünemann, 30.8.2010 kl. 21:52]

En lausnin felst ekki í álveri sem ennþá enginn veit hvaðan það á  að fá orkuna. Svo mikið er víst.