Það verður ekki bæði sleppt og haldið.

 

Það verður ekki bæði sleppt og haldið. Það virðist vera helsta  ástæða þess að erfiðlega gengur að koma í gegn áformum um Gagnaver á Ásbrú.  Fjárfestingarsamningur með ívilnunum liggur fyrir.  En svo virðist sem fyrirtækin sem hugsanlega myndu nýta sér þjónustuna vilji  einnig njóta þeirra kjara sem gilda í löndum ESB.  Þær reglur virðast ekki gilda hér, enda skiljanlegt við erum ekki í ESB. Já það verður ekki bæði sleppt og haldið.

Umræðan um ESB virðist nú vera farin að taka á þá mynd að hægt er að vega og meta skynsemina með hugsanlegri veru okkar þar. Málefni  gagnaversins er gott dæmi um það. Þingmaðurinn Regnheiður Elín sem er Suðurnesjakona, kvartar réttilega undan seinagangi  hvað varðar uppbyggingu atvinnulís á Suðurnesjum. En flokkur hennar stendur þó í orði á móti þeirri atvinnuuppbyggingu sem þar gæti átt sér stað. Þingmaðurinn vill að farið  sé að reglum sambandsríkja Evrópusambandsins hvað varðar gagnaverið varðar , en vill þó ekki vera í því að öðru leyti. Þar virðast önnur hagsmunatengsl  ráða ferðinni.

Í málefnum gagnaversins og með hliðsjón af atvinnuástandi á Suðurnesjum virðist svo vera að aðild að ESB hefði leyst málið. Að á Suðurnesjum væru sköpuð störf sem ekki er vanþörf á og eitthvað að hjólum atvinnulífsins gætu tekið að snúast. Að sá almenningur sem þörf hefur fyrir atvinnu hefði fengið að njóta. En til þess að svo geti orðið í núverandi ástandi þarf að breyta reglum, og þar þarf að taka mið af þeirri óvissu sem núverandi afstaða til ESB gefur tilefni til.

 Verði það vilji meirhluta þjóðarinnar að ganga ekki í ESB má ljóst vera að slík mál sem málefni gagnaversins verða dagleg mál. Vð verðum ekki samkepnishæf þegar kemur að því að bjóða erlendum fyrirtækjum aðstöðu til atvinnusköpunar, og hvað þá heldur að bjóða íbúum þessa landa upp á sambærileg lífskilyrði og öðrum íbúum Evrópu bjóðast nú þegar. Við munum standa vörð verðtryggingu lána sem til er komin sökum varnarstöðu um örmynt sem ekki á sér stoð í raunveruleikanum.

Málefni  gagnaversins virðist vera lýsandi dæmi hvar hagsmunir okkar liggja. Að þó okkur sé á móti skapi að kyngja því þá er aðild að ESB grunnforsenda fyrir því að hér takist að byggja upp öfluga atvinnuvegi og skapa störf til framtíðar. Kannski að þingmaðurinn ætti að huga að því þegar hún veltir fyrir sér  hverjir  stundi helst atvinnusköðun hér í landinu þessa stundina. Stefnan þarf að vera skýr.

Athugasemdir

[Gunnar. (IP-tala skráð) 8.9.2010 kl. 20:13]

Já, ég held að gagghænan hún Ragnheiður Elín ætti að tjá sig sem minnst um atvinnumál a Suðurnesjum.  Skelfilegt að þingmenn Sjálfstæðisflokksins á Suðurlandi skuli annaðhvort vera glæpamenn eða svona skelfilega illa gefnir.