Hlutafélag til hvers?

Í blogginu hér  á undan undraðist ég skyndilegan áhuga bæjarstjórans á að auka hlut Reykjanesbæjar  í Hitaveitu Suðurnesja , og furðaði mig á þeim vinnubrögðum sem menn virðast sýna til að ná þeim markmiðum að eignast hlutinn í samvinnu við Geysir Green Energy.

Tilkynnt hefur verið um óstofnað hlutafélag Reykjanesbæjar og GGE, sem nú þegar hafi reynt að gera tilboð í hluti sem enn ekki virðast vera á lausu.Auðvitað ætti ég að fagna þeirri viðhorfsbreytingu sem orðið hefur hjá bæjarstjóranum hvað það varðar að skynsamlegt væri fyrir bæjarfélagið að eiga þar stærri hlut en nú er og geri það í raun. Og fagna því þó meir að staða bæjarsjóðs og hitaveitunnar eru nú orðinn það sterk að þetta sé góður kostur fyrir bæinn. Það var það ekki fyrir aðeins einu ári síðan skv  ummælum meirihlutans þá.

Auðvitað væri freistandi núna að ryfja mál þetta allt upp einu sinni enn, að hvernig sú staða sem við erum kominn í með HS, er í raun engum öðrum en freklegri framgöngu einkavæðingarsinnanna  í bæjarstjórninni  og áhættufjárfestannna úr fyrrum FL Group  (Hannes Smársson og fleiri), að það skuli yfirleitt vera eitthvað vandamál að skipta HS upp skv ákvæðum laganna. Í upphafi skyldi endirinn skoða.

Það sem mér finnst athugavert og hefur alltaf fundist í þessu máli, er hvernig bæjarstjórinn hvað eftir annað hefur talið það sýna frumskyldu að spyrða bæinn saman við þetta fyrirtæki, í fyrstu með því að vera hluthafi í GGE  og taka samvinnuna við þá fram yfir samvinnu svetafélaganna og síðan núna að stofna félag saman með þeim til að kaupa þessi hlutabréf.

Fari bærinn út í það núna að kaupa þessi hlutabréf, ef þau losna finnst mér bæði eðlilegast og réttast að það sé gert undir merkjum bæjarins og ekki komi þar aðrir aðilar eins og til að mynda GGE að málum, sem í eðli sínu eru áhættufjárfestar.

Bærinn á ekki að fara með þau atkvæði sem þarna búa að baki út frá hagsmunum samstarfsaðila í slíku félagi eins og hætta gæti verið á fari menn þessa leið. Bærinn á að vera óháður hagsmunum áhættufjárfesta og sinna því sem bæjarfélögum er ætlað og það er að tryggja hagsmuni íbúa svæðisins , en ekki vera  í fyrirtækjarekstri með áhættufjárfestum. Þá er hætta á nýju REI máli með öllum þeim spuna sem því fylgdi.

 

Athugasemdir

[Lára Hanna Einarsdóttir, 28.9.2008 kl. 18:22]

Þetta er alveg hárrétt hjá þér, Hannes. Bæjarbúar verða að vakna og átta sig á því, að hægt og sígandi eru gróðabraskarar að yfirtaka Hitaveitu Suðurnesja með aðstoð bæjarstjórans sem virðist vera mikill einkavæðingarsinni. Takist það verða Suðurnesjamenn - og kannski fleiri - í djúpum skít.

Þeir sem vilja rifja upp REI-hneykslið geta lesið um það hér og séð FL Group myndböndin hér.